[1] خالقین ریئسلری اورشلئمده یِرلَشدئلر. خالقین یرده قالانی دا پوشک آتدی کی، هر اون نفردن بئری یاشاماق اوچون اورشلئمه، بو موقدّس شهره گتسئن، او بئری دوقّوزو دا او بئری شهرلرده یاشاسین.
[2] خالق اورشلئمده اؤز گؤیلو ائله یاشاماغا گِدنلرئن هامیسینا برکت وردی.
[3] اورشلئمده یِرلَشَن وئلایت باشچیلاری بونلاردیر. آنجاق بعضی ائسرایئللی‌لر، کاهئنلر، لاوئلی‌لر، معبد قوللوقچولاری و سولیمانین اعیانلارینین اوغوللاری یهودا شهرلرئنده، هر کس اؤز شهرئنده‌کی مولکونده یِرلَشدی.
[4] یهودا و بِنیامئن اؤولادلاریندان بعضئلری ده اورشلئمده ساکئن اولدولار. یهودا اؤولادلاریندان: پِرِص نسلئندن مَخَلِه‌لِل اوغلو شِفَطیا اوغلو اَمَریا اوغلو زِکَرئیّا اوغلو عوزّئیا اوغلو عَتایا،
[5] و شِلا نسلئندن زِکَرئیّا اوغلو یویارئب اوغلو عَدایا اوغلو خَزایا اوغلو کول‌خوزه اوغلو باروک اوغلو مَعَسِیا.
[6] پِرِص اؤولادلاریندان اورشلئمده یِرلَشَنلر ۴۶۸ نفر ائگئد آدام ائدئلر.
[7] بِنیامئن اؤولادلاری بونلاردیر: اِشَعیا اوغلو ائتی‌اِل اوغلو مَعَسِیا اوغلو قولایا اوغلو پِدایا اوغلو یوعِد اوغلو مِشولّام اوغلو سَلّو
[8] و اوندان سونرا گَبّه‌ی و سَلّه‌ی؛ ۹۲۸ نفر.
[9] زئکری اوغلو یوعِل اونلارین رهبری ائدی، هَسّنوعا اوغلو یهودا دا شهرئن والی موعاوئنی ائدی.
[10] کاهئنلردن: یویارئب اوغلو یِدَعیا، یاکئن،
[11] اَخئطوب اوغلو مِرایوت اوغلو صادوق اوغلو مِشولّام اوغلو خئلقئیا اوغلو تارینین معبدئنئن باشچیسی سِرایا
[12] و معبدده ائش گؤرَن قوحوملاری؛ ۸۲۲ نفر؛ مَلکئیا اوغلو پَشخور اوغلو زِکَرئیّا اوغلو اَمصی اوغلو پِلَلیا اوغلو یِروخام اوغلو عَدایا
[13] و اونون نسئل باشچیسی اولان قوحوملاری؛ ۲۴۲ نفر؛ ائمّر اوغلو مِشئل‌لِموت اوغلو اَخزه‌ی اوغلو عَزه‌رِل اوغلو عَمَشسه‌ی
[14] و اونون قارداشلاری؛ ۱۲۸ نفر ائگئد دؤیوشچو. هَگّدولئم اوغلو زَبدی‌اِل اونلارین رهبری ائدی.
[15] لاوئلی‌لردن: بونّی اوغلو خَشَبیا اوغلو عَزرئقام اوغلو خَشّوب اوغلو شِمَعیا.
[16] لاوئلی‌لرئن باشچیلاریندان شَبّته‌ی و یوزاباد تارینین معبدئنئن باییر ائشلرئنی ائداره ادئردئلر.
[17] آساف اوغلو زَبدی اوغلو مئکا اوغلو مَتّنه‌ی شوکور دوعاسینی اوخویان معبد نغمه‌چئلرئن دسته رهبری و قارداشلاریندان بَقبوقیا اونون موعاوئنی ائدی. یِدوتون اوغلو گالال اوغلو شَمّوعه اوغلو اَبدا دا وار ائدی.
[18] موقدّس شهرده یاشایان بوتون لاوئلی‌لر ۲۸۴ نفر ائدئلر.
[19] معبد قاپیچیلاری، عَقّوب، طَلمونلا قارداشلاری کی، دروازالاردا کشئک چَکئردئلر، ۱۷۲ نفر ائدئلر.
[20] ائسرایئللی‌لرئن، کاهئنلرئن، و لاوئلی‌لرئن یرده قالانلاری بوتون یهودا شهرلرئنده یاشاییردیلار. هر کس اؤز مولکونده یاشاییردی.
[21] لاکئن معبد قوللوقچولاری عوفِلده یاشاییردیلار. صئخا و گئشپا اونلارا رهبرلئک ادئردی.
[22] تارینین معبدئنده‌کی عئبادته نغمه‌چئلر آساف اؤولادلاریندان مئکا اوغلو مَتّنه‌ی اوغلو خَشَبیا اوغلو بانی اوغلو عوزّی اورشلئمده لاوئلی‌لرئن رهبری ائدی.
[23] بو نغمه‌چئلر پادشاهین فرمانینا تابع ائدئلر و هر گون وظئفه‌لرئنی موعَیّن ادن امرلری یرئنه یتئرئردئلر.
[24] یهودا اوغلو زِراخ اؤولادلاریندان مِشِزه‌بِل اوغلو پِتَخیا ائسرایئل خالقینین عومومی ائشلرئنده فارس پادشاهینا کؤمک ادئردی.
[25] کَندلره و زَمئلرئنه گلئنجه، یهودا اؤولادلاریندان بعضئلری قئریَت اَربَعله قصبه‌لرئنده، دئبونلا قصبه‌لرئنده، یِقَبصِه‌اِل‌له کَندلرئنده،
[26] یِشوعدا، مولادادا، بِیت‌‌پِلِطده،
[27] خَصَرشوعالدا و بئر شئبا ائله قصبه‌لرئنده،
[28] صئقلَگده، مِکونا قصبه‌لرئنده،
[29] عِین‌رئمّوندا، صورعادا، یَرموتدا،
[30] زانواَخده، عَدوللاملا کَندلرئنده، لاکئشله زَمئلرئنده، و عَزِقا ائله قصبه‌لرئنده قالدیلار. یاشادیقلاری منطقه بئرشئبادان خئنّوم دره‌سئنه قدر ائدی.
[31] بِنیامئن اؤولادلاری گِبَعدن باشلاییب مئکماسلا عَیادا، بِیت‌ائل‌له قصبه‌لرئنده،
[32] عَناتوتدا، نوبدا، عَنانیادا،
[33] خاصوردا، رامادا، گئتّایئمده،
[34] خادئدده، صِبوعئمده، نِبَلّاطدا،
[35] لوددا، اونودا و صَنَتکارلار دره‌سئنده مسکن سالدیلار.
[36] یهوداداکی لاوئلی‌لرئن بعضی بؤلمه‌لری، بِنیامئن اراضئسی اوچون آیریلدی.