[1] او زامان خالقین کئشئلری و آروادلاری یهودی هموطنلرئندن بَرک شئکایت اتمه‌یه باشلادیلار.
[2] بعضئلری بله دیئردئلر: «بئز، اوغوللاریمیز و قیزلاریمیز چوخوق. بونا گؤره ده قویون-تاخیل تاپاق کی، یِیئب یاشایاق.»
[3] بعضئلری ده بله دیئردئلر: «قیتلیغین اوزوندن زَمئلرئمئزی، اوزوم باغلاریمیزی و اِولرئمئزی گئروو قویوروق کی، تاخیل تاپاق.»
[4] بله دئیَنلر ده وار ائدی: «پادشاهین زَمئلرئمئزه و اوزوم باغلاریمیزا قویدوغو خراجی ورمک اوچون پول بورج آلمیشیق.
[5] ائندی بئزئمله هموطنلرئمئز هَمَن نسئلدئر، اوشاقلاریمیز دا اونلارینکی کئمی‌دئر. لاکئن باخ، بئز مجبوروق کی، اوغوللاریمیزی و قیزلاریمیزی قول کئمی ساتاق. آرتیق قیزلاریمیزدان بعضئلری بله ساتیلیب. بئز چاره‌سئزئک، چونکی زَمئلرئمئز و اوزوم باغلاریمیز آیریلارین اَلئنده‌دئر.»
[6] من اونلارین شئکایت و بو ائتّئهاملارینی اشئدنده چوخ قضبلَندئم.
[7] جئدّی دوشوندوکدن سونرا اعیانلارلا حؤکومت مأمورلارینی تنبه ادئب بله ددئم: «قارداشلارینیزدان سَلَم پولو آلیرسینیز.» اونلارین ضئدّئنه بؤیوک بئر ییغین ییغدیم.
[8] من اونلارا ددئم: «بئز یاد اِللی‌لره قول ساتیلان یهودی قارداشلارینیزی گوجوموز چاتانا قدر ساتین آلمیشیق. ائندی سئز قارداشلارینیزی ساتیرسینیز کی، اونلاری تزه‌دن بئزه ساتسینلار؟» اونلار دِمَیه بئر سؤز تاپماییب ساکئت قالدیلار.
[9] گئنه ددئم: «اتدئیئنئز بو ائش یاخشی دیئل. مگر سئز دوشمنلرئمئز اولان یاداِللی مئلّتلرئن دانلاغیندان تاریمیزین حؤرمتئنده یاشامالی دیئلسئنئز؟
[10] من ده قارداشلاریم و نؤکرلرئمله بئرلئکده اونلارا پول و تاخیل بورج ورئرم. گلئن بو سَلَمچئلئیی دایاندیراق.
[11] خاهئش ادئرم اله ائندی بو گون اونلارا زمئلرئنی، اوزوم باغلارینی، زیتونلوقلارینی، اِولرئنی، اونلاردان آلدیغینیز پولون، تاخیلین، تزه شرابین و یاغین یوزده-بئر سَلَمئنی گری قایتاراسینیز.»
[12] اونلار ددئلر: «بئز بونلاری قایتاراریق و داها اونلاردان هچ بئر شی طلب اتمه‌رئک. سن نجه دیئرسن، بئز ده اِله اده‌رئک.» من کاهئنلری چاغیردیم و بو سؤزه عمل اده‌جکلری باره‌ده اونلارا آند ائچدئردئم.
[13] سونرا اَته‌یئمی سئلکَله‌یئب ددئم: «قوی بو سؤزه عمل اتمه‌یَن هر کسی تاری اِوئندن، مال-مولکوندن بله‌جه سئلکَله‌سئن و او، سئکَله‌نئب بوشا چیخسین.» بوتون جاماعات ددی: «آمئن!» و ربّه حمد اتدئلر. سونرا جاماعات بو سؤزه موطابئق عمل اتدئلر.
[14] بوندان علاوه پادشاه اَرتَخشَستانین حؤکمدارلیغینین ائیئرمئنجی ائلئندن اوتوز ائکئنجی ائلئنه قدر، یهودا تورپاغینا والی تعیئن ادئلدئیئم گوندن بَری، اون ائکی ائل من و هموطنلرئم والئلره تعیئن اولونموش آذوقه‌نی یِمه‌دئک.
[15] آمّا مندن اَوّلکی والئلر خالقین اوستونده یوک اولموشدولار. اونلاردان یمک و شرابدان علاوه قیرخ شِکِل گوموش آلیردیلار. حتّا او والئلرئن نؤکرلری ده خالقا آغالیق ادئردئلر. لاکئن من تاری قورخوسونا گؤره بله اتمئردئم.
[16] من اؤزومو بو دووارین برپاسینا وقف اتدئم. بئز بئر زمی بِله، آلمادیق. بوتون نؤکرلرئم اورایا، ائش باشینا ییغیلمیشدیلار.
[17] اطراف مئلّتلردن یانیمیزا گلنلردن علاوه، یهودئلردن و مأمورلاردان دا یوز اَلّی آدام سوفرَ‌مده اوتوراردیلار.
[18] هر گون منئم اوچون بئر اؤکوز، آلتی سچمه قویون و تویوقلار کَسئلردی. اون گوندن بئر جوربه‌جور شراب بوللوقلا گتئرئلردی. لاکئن گئنه ده من والئلره تعیئن اولونموش آذوقه‌نی طلب اتمئردئم، اونسوز دا خالقین یوکو آغیر ائدی.
[19] ای تاریم، بو خالق اوچون اتدئیئم ائشلره گؤره منی یاخشیلیقلا خاطیرلا!