[1] سنبَلّط دوواری تئکدئیئمئز باره‌ده اشئدنده قانی قارالدی، چوخ قضبلَندی و یهودئلری اَله سالماغا باشلادی.
[2] او هموطنلرئنئن و وارلی سامئره‌لی‌لرئن قاباغیندا بله ددی: «بو عاجئز یهودئلر نه ادئرلر؟ اونلار بورانی تزه‌دن مگر قوراجاقلار؟ قوربان مگر کَسه بئلرلر؟ بو ائشی مگر بئر گونده قورتارا بئلرلر؟ مگر بو یانمیش تورپاق وئرانه‌سئندن تزه‌دن داشلار یارادا بئلرلر؟»
[3] اونون یانیندا اولان عَمّونلو طوبئیا ددی: «اگر تئکدئکلری داش دووارین اوستونه بئر تولکو آتیلسا، اونلارین داش دووارینی ییخاجاق.»
[4] «اشئت، ای تاریمیز، گؤر بئزه نجه حقارتله باخیرلار! حقارتلرئنی اؤز باشلارینا دوندَر و اونلاری اسئرلئک تورپاغیندا تالانچیلارا تسلئم ات.
[5] اونلارین تقصئرئنی عفو اتمه. قوی گوناهلاری سنئن یادیندان چیخماسین! چونکی اونلار بنّالاری روحدان سالیبلار.»
[6] بله‌جه بئز دووارین تئکمه‌سئنه داوام وردئک و اونون هر یری اوجالیغینین یاریسینا قدر بئتئشدئرئلدی. چونکی خالق اورَکدن چالیشیردی.
[7] سنبَلّط، طوبئیا، عربلر، عَمّونلولار، و اَشدودلولار اورشلئم دووارینین تعمئر ائشلرئنئن داوامینی و داغیدیلمیش یرلرئن تئکئلدئیئنی اشئدنده چوخ حئرصلَندئلر.
[8] اونلارین هامیسی بئرلَشدئلر کی، گلئب اورشلئمئن ضئدّئنه دؤیوشسونلر و اورادا قارماقاریشیقلیق سالسینلار.
[9] لاکئن بئز تاریمیزا دوعا اتدئک و اونلارین اوزوندن اونلارین ضئدّئنه گجه-گوندوز گؤزَتچئلر قویدوق.
[10] او زامان یهودادا دیئلدی: «ائشله‌یَنلر طاقتدن دوشوب، زئل-زئبئل حله ده چوخدور. بئز اؤزوموز قادئر دیئلئک کی، بو دوواری تزه‌دن تئکَک.»
[11] دوشمنلرئمئز ددئلر: «گلئن اونلار بئلمه‌دن، بئزی ده گؤرمه‌دن آرالارینا گئرئب اونلاری اؤلدورَک و بو ائشی دایاندیراق.»
[12] اونلارین یانیندا یاشایان یهودئلر گلئب بئزه اون دفه ددئلر کی: «بئزه قوشولون، یوخسا سئزه هر طرفدن هوجوم اده‌جکلر.»
[13] بونا گؤره ده من قیلینجلی، نئزه‌لی، اوخ-کامانلی آداملاری، نسئل‌به‌نسئل، دووارین آرخاسینداکی لاپ آشاغیداکی آچیق یرلره دوزدوم.
[14] بو وضعئیّتی گؤرنده، قالخیب اصئلزادهلره، حؤکومت مأمورلارینا و خالقین قالانینا ددئم: «اونلاردان قورخمایین! بؤیوک و زَهملی ربّی خاطیرلایین! سئز هموطنلرئنئز، اوغوللارینیز، قیزلارینیز، آروادلارینیز و اِولرئنئز خاطئرئنه ووروشون.»
[15] دوشمنلرئمئز اشئتدی کی، بو ائش بئزه معلوم اولوب، چونکی تاری اونلارین نئیّتئنی بوشا چیخارتمیشدی. بونا گؤره هامیمیز ائشئمئزه، دووارین تئکئلمه‌سئنه قاییتدیق.
[16] او گوندن سونرا آداملاریمین یاریسی تئکئنتئده چالیشدی. یاریسی دا نئزه‌لری، قالخانلاری، اوخ-کامانلاری توتوب زئرِه گِیدی. سرکرده‌لر بوتون دووار تئکَن یهودا خالقینین آرخاسیندا کشئک چکدئردئلر.
[17] دوواری تئکَنلر و یوک داشییان فحله‌لر بئر اَلی ائله ائش گؤروب، او بئری اَلی ائله سئلاح توتوردولار.
[18] بنّالارین دا هر بئری قیلینجی بِلئنه باغلاییب دووار تئکئردی. کَره‌نایچی دا منئم یانیمدا ائدی.
[19] اصئلزادهلره، حؤکومت مأمورلارینا و خالقین قالانینا ددئم: «ائش چوخدور، تئکئنتی ساحه‌مئز گِنئشدئر. بئز دووار اوستونده بئربئرئمئزدن آیری‌ییق، اوزاقداییق.
[20] هارادا کَره‌نای سَسی اِشئده‌سئنئز، اورایا، یانیمیزا ییغیلین. تاریمیز بئزئم اوچون ووروشاجاق.»
[21] بله‌جه، ائشئمئزی گؤردوک و خالقین یاریسی گون چیخان واختدان اولدوزلار گؤرونه قدر نئزه توتموشدو.
[22] او واخت من جاماعاتا ددئم: «هر کس اؤز نؤکری ائله بئرلئکده گجه‌نی اورشلئمده کچئرتسئن و گجه کشئکده دوروب، گوندوز ده ائشله‌سئن.»
[23] نه من، نه هموطنلرئم، نه نؤکرلرئم، نه ده آرخامدا دایانان کشئکچئلر، هچ پالتارلاریمیزی سویونمادیق. سو باشینا گدنده ده سئلاح اَلئمئزده ائدی.