[1] همئن آیین ائیئرمی دؤردونجو گونو، ائسرایئللی‌لر اوروج توتاراق، اَیئنلرئنده چول و باشلاری توز-تورپاق ائچئنده ییغیلدیلار.
[2] ائسرایئل اؤولادلاری اؤزلرئنی بوتون یاداِللی‌لردن آییریب دوردو و اؤز گوناهلارینی و آتالارینین تقصئرلرئنی اعتئراف اتدی.
[3] اونلار اولدوقلاری یرده دایانیب، گونون دؤردده بئر حئصّه‌سئنی تاریلاری ربّئن شرئعت کئتابیندان اوخودولار. گونون دؤردده بئر حئصّه‌سئنی ده گوناهلارینی اعتئراف ادئب، تاریلاری ربّه عئبادت اتدئلر.
[4] یوشَع، بانی، قَدمی‌اِل، شِبَنیا، بونّی، شِرِبیا، بانی و کِنانی لاوئلی‌لرئن پئلّه‌کَنئن اوستونه قالخیب، تاریلاری ربّه اوجا سَسله یالواردیلار.
[5] سونرا لاوئلی‌لر، یوشَع، قَدمِل، بانی، خَشَبنِیا، شِرِبیا، هودئیا، شِبَنیا، و پِتَخیا ددئلر: «آیاغا قالخین و ابدی اولان تارینیز ربّه حمد ادئن! قوی سنئن عئزّتلی آدین موبارک اولسون و اتدئیئنئز بوتون حمدلردن، شوکورلردن ده چوخ اوجالدیلسین!
[6] رب فقط سنسن، گؤیلر و گؤیلرئن لاپ گؤیونو و بوتون گؤی جئسئملرئنی، یر اوزونو و اونون بوتون مخلوقلارینی، دهنزلرئنی و ائچئنده‌کی هر شیی سن یارادیبسان و هامیسینا حیات ورئرسن. گؤی جئسئملری سنی پرستئش ادئر!
[7] سن او رب تاریسان کی، ائبرامی سچئب کَلدانئلرئن اور شهرئندن چیخارتدین و اونا ائبراهئم آدینی وردئن.
[8] سن اؤز حوضوروندا اونون اوره‌یئنی وفالی گؤردون. و اونونلا عهد باغلادین کی، کَنَعانلی‌لارین، خئتلی‌لرئن، اِمورلولارین، پِرئزلی‌لرئن، یِبوسلولارین و گئرگاشلی‌لارین دئیارینی اونا و اونون اؤولادلارینا وره‌سن. و وردئیئن وعده‌نی یرئنه یتئرئبسن. چونکی سن صالحسن.
[9] مئصئرده آتالاریمیزین ذلئل‌لئیئنی گؤردون و قیرمیزی دهنزئن یانینداکی فریادلارینی اشئتدئن.
[10] سونرا فئرعونلا بوتون اعیانلارینا و اؤلکه‌سئنئن بوتون خالقینا علامتلر و مؤجوزه‌لر گؤرستدئن. چونکی مئصئرلی‌لرئن آتالاریمیزا کئبئرلی رفتارلارینی گؤردون و اؤزونه بئر آد آچدین، نجه کی، بو گوندور.
[11] آتالاریمیزین قاباغیندا دهنزی یاردین، اله کی، اونلار دهنزئن اورتاسیندا قورو یردن کچئب گتدئلر. اونلاری تعقئب ادنلری ده درئنلئکلره، جوشقون سولارا آتیلان بئر داش کئمی آتدین.
[12] آتالاریمیزا گوندوز بولود دئره‌یی ائله، گجه‌لر ده اود دئره‌یی ائله یول گؤرستدئن کی، گده‌جکلری یولو نورلاندیراسان.
[13] سئنا داغینین اوستونه اِنئب، اونلارلا گؤیلردن دانیشدین. اونلارا عدالتلی حؤکملر، دوغرو قانونلار، یاخشی قایدالار و امرلر وردئن.
[14] سن موقدّس سَبّت گونونو اونلارا بئلدئردئن و قولون موسا واسئطه‌سی‌ائله امرلری، قایدالاری و قانونو بویوردون.
[15] آتالاریمیز آجاندا اونلارا گؤیلردن چؤرک گؤندَ‌ردئن. سوسوز اولاندا اونلار اوچون قایادان سو چیخارتدین. آتالاریمیزا بویوردون کی، ورمه‌سئنی آند ائچدئیئن تورپاغا گئرئب اونا صاحئب اولسونلار.
[16] لاکئن آتالاریمیز تکبّورلو اولوب دئکباشلیق اتدئلر و سنئن امرلرئنه قولاق آسمادیلار.
[17] ائطاعت اتمک ائستمه‌یئب، سنئن اونلارین آراسیندا گؤرستدئیئن حیرتلی عمل‌لرئنی یادا سالمادیلار؛ بله‌جه دئکباشلیق ادئب، بئر باشچی تعیئن اتدئلر کی، مئصئرده اولان نؤکرچئلئک حیاتلارینا قاییتسینلار. لاکئن سن باغیشلاماغی سِوَن، فیّاض، رحملی، گج قضبله‌نَن و بول محبّتلی تاری اولدوغونا گؤره اونلاری ترک اتمه‌دئن.
[18] حتّا اؤزلری اوچون تؤکمه دانا دوزَ‌لدئب ”باخ، بو دا سنی مئصئردن چیخاردان تارین!“ ددئکلری زامان دا، بؤیوک کوفرلر اتدئکلری زامان دا،
[19] سن اؤز بؤیوک مرحمتئنده اونلاری صحرادا تَک بوراخمادین. بولود دئره‌یی گوندوز اونلاری ترک اتمه‌یئب اونلارا گتدئکلری یولدا بَلَدچئلئک اتدی، گجه‌لر ده اود دئره‌یئنی کی، گده‌جکلری یولا ائشیق سالسین.
[20] اؤز یاخشی روحونو اونلارا وردئن کی، اونلارا تعلئم ورسئن. ائسرایئل اؤولادلارینین آغیزلاریندان مانّانی اسئرگَمه‌دئن، سوسوز اولاندا اونلارا سو وردئن.
[21] قیرخ ائل اونلاری صحرادا کؤکَلتدئن و اونلار هچ نه‌دَن کورلوق چکمه‌دئلر. نه پالتارلاری کؤهنَله‌دی، نه آیاقلاری شئشدی.
[22] اؤلکه‌لری و خالقلاری دا اونلارا تسلئم اتدئن و تورپاقلارینی آرالاریندا بؤلوشدوردون. اونلار خِشبون پادشاهی سئخونون اؤلکه‌سئنه و باشان پادشاهی عوگون اؤلکه‌سئنه مالئک اولدولار.
[23] اؤولادلارینی دا گؤیده‌کی اولدوزلار قدر چوخالتدین. اونلاری او تورپاغا گتئردئن کی، آتالارینا گئرئب اورایا مالئک اولاجاقلارینی دِمئشدئن.
[24] اونلارین اؤولادلاری او تورپاغا گئرئب مالئک اولدولار. سن اورانین اهالئسئنی، یعنی کَنَعانلی‌لاری اونلارا تابع اتدئرئب پادشاهلارینی اؤلکه‌نئن اهالئسی ائله برابر اونلارا تسلئم اتدئردئن کی، او آداملارلا ائسته‌دئکلری کئمی رفتار اتسئنلر.
[25] اونلار مؤحکملَنمئش شهرلری و برکتلی تورپاغی اَله کچئرتدئلر. مال-دؤولَتله دولو اِولره، قازیلمیش قویولارا، اوزوم باغلارینا، زیتونلوقلارا و بول-بول میوه آغاجلارینا صاحئب اولدولار. بله‌جه یِیئب دویدولار، کؤکَلدئلر و وردئیئن بؤیوک نعمتلرله کِف اِله‌دئلر.
[26] لاکئن اونلار ائطاعتسئزلئک ادئب سنئن ضئدّئنه عاصی اولدولار. قانونونا آرخا چِوئردئلر، سنه طرف دؤنمَک اوچون اونلارا ائخطار ورن پیغمبرلرئنی اؤلدوردولر و بؤیوک کوفرلر اتدئلر.
[27] او واخت سن اونلاری دوشمنلرئن اَلئنه تسلئم اتدئن. دوشمنلری ده اونلارا ظولم اتدئلر. لاکئن دارلیق واختلاریندا سنه فریاد ادنده، سن اونلاری گؤیلردن اشئتدئن و اؤز بؤیوک مرحمتئنه گؤره اونلارا قورتاریجی‌لار گؤندَ‌ردئن. اونلار دا ائسرایئللی‌لری دوشمن اَلئندن قورتاردیلار.
[28] لاکئن راحات اولان کئمی گئنه سنئن حوضوروندا پئس ائشلر گؤردولر. بونا گؤره ده سن اونلاری دوشمنلرئنه تسلئم اتدئن، دوشمنلری ده اونلارا حاکئم اولدولار. اونلار گئنه ده سنه فریاد اتدئلر، سن اونلاری گؤیلردن اشئدئب، اؤز مرحمتئنه گؤره دفه‌لرله اونلاری قورتاردین.
[29] اونلارا ائخطار وردئن کی، سنئن قانونونا طرف دؤنسونلر. آمّا گئنه ده تکبّورلو اولوب امرلرئنه قولاق آسمادیلار و حؤکملرئنی پوزوب گوناه اتدئلر. حال‌بوکی او حؤکملره عمل ادن هر کس حیات تاپار. اونلار عئنادکارلیقلا سنه آرخا چِوئرئب، دئکباشلیق و ائطاعتسئزلئک اتدئلر.
[30] لاکئن سن ائللر بویو اونلارلا صبئرله رفتار اتدئن. اؤز روحونلا، پیغمبرلرئن واسئطه‌سی‌ائله اونلارا ائخطار وردئن. لاکئن گئنه ده قولاق آسمادیلار. اونا گؤره ده سن اونلاری اؤلکه‌لرئن خالقلارینا تسلئم اتدئن.
[31] لاکئن سن بؤیوک مرحمتئنه گؤره ائسرایئللی‌لری محو اولماغا قویمادین، اونلاری ترک اتمه‌دئن، چونکی سن فیّاض و رحملی تاریسان.
[32] ائندی ای عهدئنه صادئق اولان، بؤیوک، قودرتلی، زهملی تاریمیز! آشور پادشاهلارینین دؤوروندن بو گونه قدر بئزئم چکدئیئمئز، پادشاهلاریمیزین، آغالاریمیزین، کاهئنلرئمئزئن، پیغمبرلرئمئزئن، آتالاریمیزین و خالقینین چکدئیی بوتون عذاب-اَذئیّت سنئن گؤزونده کئچئک گؤرونمه‌سئن.
[33] سن باشیمیزا گلن هر ائشده بئزئمله عادئل اولوبسان، بئزئمله وفالی رفتار ادئبسن؛ آمّا بئز شرارت اتمئشئک.
[34] چونکی پادشاهلاریمیز، ریئسلرئمئز، کاهئنلرئمئز، آتالاریمیز سنئن قانونونو ساخلاماییبلار. سنئن امرلرئنه و وردئیئن ائخطارلارا قولاق آسماییبلار.
[35] اونلار اؤز اؤلکه‌لرئنده وردئیئن بؤیوک نعمتلر ائچئنده، گِنئش، برکتلی تورپاقدا بِله، سنه قوللوق اتمه‌دئلر و پئس عمل‌لرئندن اَل چکمه‌دئلر.
[36] باخ، بو گون بئز نؤکرئک. آتالاریمیزا میوه‌سئنی و گؤزل محصولونو یمک اوچون وردئیئن او تورپاقدا بئز نؤکرچئلئک ادئرئک.
[37] اونون بول محصولو گوناهیمیز اوچون اوستوموزده حؤکم سورَن پادشاهلارا نصئب اولور. بئزئم بدنلرئمئزه ده، حیوانلاریمیزا دا ائسته‌دئکلری کئمی حؤکم سورورلر. بئز بؤیوک دارلیقداییک.
[38] بوتون بونلارا گؤره سنئنله یازیلی بئر عهد باغلاییریق. ریئسلرئمئز، لاوئلی‌لرئمئز و کاهئنلرئمئز ده بو عهدی مؤهورله‌یئرلر.»