[1] عئسا موقدّس روحلا دولو اوردوندان قاییتدی و روح طرفئندن چؤله آپاریلدی.
[2] او، قیرخ گون ائبلئس طرفئندن ائمتاحان اولوندو و بو گونلرده هچ بئر شی یمه‌دی. و او گونلر کچدندن سونرا آخیردا آجیقدی.
[3] ائبلئس اونا ددی: «اگر سن تارینین اوغلوسان، امر ات کی، بو داش چؤره‌یه دؤنسون.»
[4] عئسا اونون جاوابیندا ددی: «یازیلیب کی، ائنسان آنجاق چؤرکله یاشاماز.»
[5] ائبلئس اونو یوخاری آپاریب بئر آن ائچئنده دونیانین هامی مملکتلرئنی اونا گؤرستدی
[6] و اونا ددی: «بو مملکتلرئن حاکئمئیّتئنی و اونلارین هامی شان-شؤهرتئنی سنه وره‌رم؛ چونکی بو منه ورئلئب و من کئمه ائسته‌سم، اونا وره‌رم.
[7] اونا گؤره، اگر سن منه سجده اده‌سن، بونلارین هامیسی سنئن اولاجاق.»
[8] عئسا جاوابیندا اونا ددی: «یازیلیب کی، رب تارینا سجده ات و آنجاق اونا قوللوق ات.»
[9] ائبلئس اونو اورشلئمه آپاردی و معبدئن بورجو اوستونه قویوب ددی: «اگر سن تارینین اوغلوسان، اؤزونو بورادان آشاغی آت.
[10] چونکی یازیلیب: ”او، سنئن حاقّیندا ملکلرئنه امر اده‌جک کی، سنی حئفظ اتسئنلر.
[11] و سنی اَللری اوستونده گؤتوره‌جکلر کی، آیاغین بئر داشا ائلئشمه‌سئن.“»
[12] عئسا جاوابیندا اونا ددی: «دیئلئب کی، رب تارینی ائمتاحان اتمه.»
[13] ائبلئس بو ائمتاحانلارین هامیسینی قورتاراندان سونرا، بئر مودّت اونون یانیندان آیریلدی.
[14] عئسا موقدّس روحون قووّتی ائله جلئله قاییتدی و اونون خبری اطراف وئلایتلرئن هامیسیندا یاییلدی.
[15] او، اونلارین کنئسه‌لرئنده تعلئم ورئردی و هامی اونو تعرئفله‌یئردی.
[16] عئسا بؤیودویو یر ناصئره‌یه گلدی و سبّت گونونده عادتئنه گؤره کنئسه‌یه گئردی و اوخوماق اوچون آیاغا قالخدی.
[17] اونا اِشَعیا پیغمبرئن کئتابی ورئلدی. کئتابی آلیب بو سؤزلر یازیلمیش یری آچدی:
[18] «ربّئن روحو اوستومده‌دئر؛ او منی مسح اتدی کی، یوخسوللارا خوش خبری ورئم. منی گؤندَ‌ردی کی، اسئرلره آزاد اولاجاقلارینی، کورلارا گؤزلرئنئن آچیلاجاغینی جار چکئم، اَزئلنلری خئلاص ادئم
[19] و ربّئن مقبول ائلئنی اعلان ادئم.»
[20] عئسا کئتابی باغلادی و خئدمتچئیه ورئب اوتوردو. کنئسه‌ده اولانلارین هامیسینین گؤزو اونا دئکئلمئشدی.
[21] و اونلارا دمه‌یه باشلادی: «اشئتدئیئنئز بو یازی بو گون یرئنه یتئشدی.»
[22] هامی اونون حاقّیندا یاخشی سؤزلر دیئب، اونون آغزیندان چیخان فیضلی سؤزلره حیران اولموشدولار و دیئردئلر: «آیا بو، یوسئفئن اوغلو دیئل؟!»
[23] عئسا اونلارا ددی: «البتّه سئز بو مثلی منه دئیه‌جکسئنئز کی، ”ای حکئم، اؤزونو ساغالت! اشئتدئیئمئز کفرناحومدا اتدئیئن ائشلری بورادا، اؤز وطنئنده ده ات!“»
[24] و ددی: «دوغروسونو سئزه دیئرم، هچ بئر پیغمبر اؤز وطنئنده مقبول اولماز.
[25] حقئقتی سئزه دیئرم، ائلیانین گونلرئنده او واخت کی، گؤی اوچ ائل آلتی آی باغلانیب اؤلکه‌نئن هامیسیندا بؤیوک بئر قحطی اولدو، ائسرایئلده بئر چوخ دول آرواد وار ائدی.
[26] لاکئن ائلیا اونلارین هچ بئرئنئن یانینا گؤندَ‌رئلمه‌دی، مگر صئدون وئلایتئنئن ضارِپتا شهرئنده اولان دول آروادین یانینا.
[27] اِلئشع پیغمبرئن گونلرئنده ده ائسرایئلده چوخ جوذاملی وار ائدی، لاکئن اونلاردان هچ بئری شفا تاپمادی، مگر سورئیه‌لی نَعمان.»
[28] کنئسه‌ده اولانلارین هامیسی بونلاری اشئدن واخت قضبلندئلر.
[29] و قالخیب اونو شهردن قوودولار. آشاغی آتماق اوچون اونو او داغین اوستونه آپاردیلار کی، شهرلری اونون اوستونده بئنا اولموشدو.
[30] لاکئن عئسا اونلارین آراسیندان کچئب گتدی.
[31] عئسا جلئلئن کفرناحوم آدلی شهرئنه گلدی و سبّت گونلرئنده اونلارا تعلئم ورئردی.
[32] اونلار اونون تعلئمئندن تعجّوب ادئردئلر، چونکی اونون کلامیندا ائقتئدار وار ائدی.
[33] کنئسه‌ده بئر آدام وار ائدی کی، ناپاک بئر ائبلئس روحو اونو اسئر اتمئشدی. او اوجا سسله باغیردی:
[34] «اَل چک بئزدن، ای ناصئره‌لی عئسا! بئزئمله نه ائشئن وار؟! آیا بئزی هلاک اتمک اوچون گلئبسن؟ سنئن کئم اولدوغونو بئلئرم: سن تارینین موقدّسی‌سن!»
[35] لاکئن عئسا اونا آجیقلانیب ددی: «ساکئت اول، او آدامدان چیخ!» ائبلئس او آدامی اورتادا یره چیرپیب، هچ بئر ضرر ورمه‌دن اوندان اشئیه چیخدی.
[36] هامینی حیرت بورودو و بئربئرلرئنه دیئردئلر: «بو نه کلامدیر؟! ناپاک روحلارا ائقتئدار و قووّتله امر ادئر و اونلار اشئیه چیخیرلار.»
[37] اونون شؤهرتی اطرافدا اولان یرلرئن هامیسینا یاییلیردی.
[38] عئسا کنئسه‌دن چیخیب، شمعونون اِوئنه گلدی. شمعونون قایناناسی شئدّتلی بئر قیزدیرما ائچئنده ائدی. آروادین حاقّیندا عئسایا یالواردیلار.
[39] عئسا اونون باشی اوستونده دوروب، قیزدیرمایا آجیقلاندی. آروادین قیزدیرماسی کسئلدی و او آندا قالخیب اونلارا خئدمت اتدی.
[40] گون باتان واختدا، هامی، جوربه‌جور ناخوشلوقلارا دوچار اولموش ناخوشلارینی اونون یانینا گتئردئلر. و او، اللرئنی اونلارین هر بئرئنئن اوستونه قویوب، اونلارا شفا ورئردی.
[41] اونلارین چوخلاریندان ائبلئسلر ده اشئیه چیخیردیلار و باغیریب دیئردئلر: «سن تارینین اوغلوسان!» آمّا عئسا اونلارا آجیقلانیب دانیشماغا ائجازه ورمئردی. چونکی اونون مسئح اولدوغونو بئلئردئلر.
[42] سحر آچیلاندا عئسا چیخیب ساکئت بئر یره گتدی؛ خالق اونو آختاریردی. و او اولان یره گلدئکلری واخت، چالیشدیلار کی، عئسایا اونلاری ترک اِتمَکدن مانع اولسونلار.
[43] آمّا عئسا اونلارا ددی: «تارینین پادشاهلیغینین خوش خبرئنی گرک اؤزگه شهرلره ده یتئرئم. چونکی من بونون اوچون گؤندَ‌رئلمئشم.»
[44] و یهودئیه‌نئن کنئسه‌لرئنده وعظ ادئردی.