[1] بو زامان بوتون باج ییغانلار و گوناهکارلار عئسانین یانینا یاخینلاشیردیلار کی، اونون سؤزلرئنی اشئتسئنلر.
[2] هم فرئسئلر هم ده دئن عالئملری میریلدانماغا باشلاییب دیئردئلر: «بو آدام گوناهکارلاری قبول ادئر و اونلارلا یمک ییئر.»
[3] عئسا دا اونلارا بو مثلی گتئرئب ددی:
[4] «سئزلردن کئم وار کی، یوز قویونو اولسون و اونلاردان بئرئنی ائتئردئیی واخت، دوخسان دوقّوزونو چؤلده بوراخیب، ائتمئش اولانی تاپانا قدر دالینجا گتمه‌سئن؟!
[5] تاپاندا سوئنئب اونو چئیئنلرئنه قویار
[6] و اِوه گلدئیی زامان اؤز دوستلار و قونشولارینی چاغیریب دئیر: ”منئم شادلیغیما شرئک اولون، چونکی ائتمئش قویونومو تاپمیشام.“
[7] سئزه دیئرم کی، بله‌جه ده، گؤیده تؤوبه اِدَن بئر گوناهکار اوچون شادلیق اولاجاق؛ او شادلیقدان داها چوخ کی، دوخسان دوقّوز صالح و تؤوبه‌یه مؤحتاج اولمایان آدامدان اؤتری اولار.
[8] و یا هانسی آرواد وار کی، اون دئرهمی اولسون و بئرئنی ائتئرن واخت چیراق یاندیریب، اِوی سوپوروب، اونو تاپانا قدر آختارماسین؟!
[9] تاپان زامان دوستلار و قونشولارینی ییغیب دئیر: ”منئم شادلیغیما شرئک اولون، چونکی ائتئردئیئم دئرهمی تاپمیشام.“
[10] سئزه دیئرم کی، بله‌جه ده، تؤوبه ادن بئر گوناهکار اوچون تارینین ملکلری آراسیندا شادلیق اولاجاق.»
[11] و ددی: «بئر نفرئن ائکی اوغلو وار ائدی.
[12] اونلاردان کئچئیی آتاسینا ددی: ”آتا، مالیندان منه یتئشن حئصّه‌نی منه ور!“ آتا دا مالینی اونلارین آراسیندا بؤلدو.
[13] بئر نچه گون سونرا، کئچئک اوغول وار-یوخونو ییغیب، اوزاق بئر مملکته گتدی. و اورادا سفاهتله یاشاییب، بوتون مالینی تلف اتدی.
[14] هامیسینی خرجله‌یندن سونرا، او وئلایتده بؤیوک بئر آجلیق اولدو و او مؤحتاج اولماغا باشلادی.
[15] اونا گؤره ده گدئب، او اؤلکه‌نئن ساکئنلرئندن بئرئنئن خئدمتئنه گئردی. او دا اونو اؤز زمئسئنده دونوز اوتارماغا گؤندَ‌ردی.
[16] اوغلان آرزو اِدَردی کی، دونگوزلارین یدئیی آشغال-قابیقلارلا قارنینی دویورسون، لاکئن هچ کس اونا بئر شی ورمئردی.
[17] اوغول اؤزونه گلئب ددی: ”آتامین نه قدر موزد آلان ائشچئسی وار، هامیسینین دا بوللوقجا چؤره‌یی وار، لاکئن من بورادا آجلیقدان اؤلورَم.
[18] دوروب آتامین یانینا گدئب دئیه‌رم: آتا، گؤیه و سنه گوناه اتمئشم،
[19] و آرتیق سنئن اوغلون آدلانماغا لایئق دیئلم. منی موزد آلان ائشچئلرئن بئرئسی کئمی آل.“
[20] اوغول دوروب، اؤز آتاسینین یانینا گتدی. حله اوزاقدا ائکن آتاسی اونو گؤروب، اونا رحمی گلدی و قاچیب اونو قوجاقلادی و اؤپدو.
[21] اوغول اونا ددی: ”آتا، گؤیه و سنه گوناه اِتمئشم و آرتیق سنئن اوغلون آدلانماغا لایئق دیئلم.“
[22] آمّا آتا اؤز قوللارینا ددی: ”خلتلرئن لاپ گؤزَلئنی گتئرئب اونا گیئندئرئن، بارماغینا اوزوک تاخین و آیاقلارینا آیاق قابی گتئرئن.
[23] کؤکَلدئلمئش دانانی گتئرئن، کسئن؛ ییئب شادلیق ادک!
[24] چونکی بو اوغلوم اؤلموشدو، دئرئلدی. ائتمئشدی، تاپیلدی.“ و شادلیق اتمه‌یه باشلادیلار.
[25] بؤیوک اوغول زمئده ائدی. قاییداندا، اِوه یاخینلاشدیغی زامان اوخوماق و اویناماق سسی اشئتدی.
[26] نؤکرلردن بئرئنی چاغیریب سوروشدو: ”بو نه‌دئر؟“
[27] نؤکر ده اونا ددی: ”قارداشین قاییدیب. آتان دا کؤکلدئلمئش دانانی کسئب، چونکی اونو صاغ-سالامات تاپیب.“
[28] بؤیوک اوغول حئرصله‌نئب، ائستمه‌دی ائچه‌ری گئرسئن. او زامان آتاسی چیخیب اونا یالواردی.
[29] آمّا او، آتاسینا جاواب ورئب ددی: ”باخ، نچه ائل‌لردئر کی، سنه خئدمت اِدئرم و هچ زامان سنئن امرئندن چیخمامیشام. آمّا سن، بئر دفه ده اولسون، کئچئک بئر کچی بله، ورمه‌دئن کی، دوستلاریملا شادلیق ادئم.
[30] لاکئن سنئن مالینی عئفّتسئز آروادلارلا تلف ادن بو اوغلون گلئب و سن اونون اوچون کؤکلدئلمئش دانانی کسئبسن!“
[31] آتاسی اونا ددی: ”سن همئشه منئمله‌سن و بوتون وار-یوخوم سنئندئر.
[32] لاکئن شادلیق و شنلئک اتمک بئزه لازیمدیر، چونکی سنئن بو قارداشین اؤلموشدو، دئرئلدی. ائتمئشدی، تاپیلدی.“»