[1] شورانین هامیسی آیاغا دوروب عئسانی پئلاطین یانینا آپاردیلار.
[2] و اوندان شئکایت اتمه‌یه باشلاییب ددئلر: «بئز بو آدامی خالقی یولدان آزدیرماقدا تقصئرلی تاپدیق. قیصره باج ورمه‌یه مانع اولور و دیئر کی، او اؤزو ده پادشاه اولان مسئحدئر.»
[3] پئلاط عئسادان سوروشدو: «آیا سن یهودئلرئن پادشاهی‌سان؟» عئسا جاوابیندا اونا ددی: «ددئیئن کئمی‌دئر.»
[4] او زامان پئلاط باش کاهئنلر و جاماعاتا ددی: «من بو آدامدا هچ تقصئر تاپمیرام.»
[5] لاکئن اونلار تأکئدله ددئلر: «بو آدام جلئلدن توتموش بو یره قدر، بوتون یهودئیه‌ده تعلئم ورئب خالقی تحرئک ادئر.»
[6] پئلاط جلئل آدینی اشئدنده سوروشدو: «مگر بو آدام جلئللی‌دئر؟!»
[7] و اونون هئرودون حؤکمرانلیق اتدئیی یردن اولدوغونو بئلن واخت، عئسانی هئرودون یانینا گؤندَ‌ردی. چونکی او گونلرده هئرود دا اورشلئمده ائدی.
[8] هئرود عئسانی گؤرن زامان چوخ سوئندی. اونون اوچون کی، چوخدان اونو گؤرمک ائسته‌یئردی؛ اونون حاقّیندا چوخ شیلر اشئتمئشدی و اوندان بئر مؤجوزه گؤرمک آرزوسوندا ائدی.
[9] هئرود عئسادان چوخ سوآللار سوروشدو، لاکئن عئسا اونا هچ بئر جاواب ورمه‌دی.
[10] آمّا باش کاهئنلر و دئن عالئملری دوروب اوندان شئدّتله شئکایت اتدئلر.
[11] سونرا هئرود و عسگرلری عئسانی اله سالیب تحقئر اتدئلر. اَینئنه گؤزل بئر شئنل گیدئرئب، پئلاطین یانینا گری گؤندَردئلر.
[12] پئلاطلا هئرود او گون بئربئرلری ائله دوست اولدولار. بوندان قاباق آرالاریندا دوشمنچئلئک وار ائدی.
[13] او زامان پئلاط، باش کاهئنلری، ریئسلری و جاماعاتی بئر یره چاغیریب،
[14] اونلارا ددی: «سئز بو آدامی یانیما گتئردئنئز کی، خالقی یولدان آزدیریر. باخین، سئزئن حوضورونوزدا تفتئش اتدئم و بو آدامی شئکایت اتدئیئنئز مطلبلرئن هچ بئرئنده تقصئرلی تاپمادیم.
[15] هئرود دا بئر شی تاپمادی؛ چونکی بئزه گری گؤندَ‌رئب. نجه کی، گؤرورسونوز، او، اؤلومه لایئق هچ بئر شی اتمه‌یئب.
[16] بونا گؤره ده من اونو جزالاندیریب آزاد اده‌جه‌یم.»
[17] پئلاط بایرام آدینا اونلار اوچون بئر زئندانی آزاد اتمه‌لی ائدی.
[18] لاکئن اونلارین هامیسی بئرلئکده چیغیریب ددئلر: «محو ات بو آدامی! بئزه باراَبّانی آزاد ات.»
[19] باراَبّا شهرده باش ورن بئر عوصیان اوچون و قتل اوسته زئندانا آتیلمیشدی.
[20] پئلاط عئسانی آزاد اتمک نئیّتی‌ائله گئنه اونلارا دانیشدی.
[21] آمّا اونلار چیغیریب ددئلر: «اونو چارمیخا چک. چارمیخا چک.»
[22] پئلاط اوچونجو دفه اونلارا ددی: «نئیه، نه پئسلئک ادئب؟ من اوندا اؤلومه لایئق بئر شی تاپمادیم؛ بونا گؤره ده اونو جزالاندیریب آزاد اده‌جه‌یم.»
[23] آمّا اونلار ائصرار ادئب اوجا سَسله طلب اتدئلر کی، عئسا چارمیخا چکئلسئن؛ آخیردا اونلارین سَسی قالئب گلدی.
[24] و پئلاط حؤکم اتدی کی، اونلارین ائسته‌دئکلرئنی یرئنه یتئرسئنلر.
[25] و او آدامی کی، عوصیان قالدیریب قتل اتدئیی اوچون زئندانا سالینمیشدی، اونلارین ائسته‌دئکلرئنه گؤره آزاد اتدی. لاکئن عئسانی اونلارین ائختئیارینا تسلئم اتدی.
[26] عسگرلر عئسانی آپاراندا، زمئدن قاییدان کرِنِیلی شمعونو توتوب چارمیخی اونون چئینئنه یوکله‌دئلر کی، عئسانین دالینجا آپارسین.
[27] اونون آرخاسیندا بؤیوک بئر جاماعات گدئردی و بئر چوخلو آرواد دالینجا گدئب عئسا اوچون آغلاییب شئون ادئردئلر.
[28] عئسا دؤنوب اونلارا ددی: «ای اورشلئم قیزلاری، منئم اوچون آغلامایین، آنجاق اؤزونوز و اوشاقلارینیز اوچون آغلایین.
[29] چونکی باخین، اله گونلر گلئر کی، او زامان دئیه‌جکلر: ”سونسوزلارین، دوغمامیش بطنلرئن، و اَمئزدئرمه‌مئش دؤشلرئن خوش حالینا!“
[30] او زامان داغلارا دئیه‌جکلر: ”اوستوموزه ییخیلین.“ و تپه‌لره دئیه‌جکلر: ”بئزی اؤرتون.“
[31] اونا گؤره کی، اگر یاش آغاجا بونلاری ادئرلر، بس قورو آغاجا نه اولاجاق؟!»
[32] عئسا ائله ائکی جئنایتکار دا اعدام اوچون آپاریلدی.
[33] «کلّه» دیئلن یره گلدئکلری زامان، اورادا اونو و جئنایتکارلاری چارمیخا چکدئلر؛ بئرئنی صاغ طرفئنده و او بئرئنی ده سول طرفئنده.
[34] عئسا ددی: «آتا! اونلاری باغیشلا، چونکی نه اتدئکلرئنی بئلمئرلر.» و اونون پالتارلارینا پوشک آتیب، آرالاریندا پایلادیلار.
[35] خالق دوروب باخیردی. اونلارلا ریئسلر ده عئسانی اله سالیب دیئردئلر: «اؤزگه آداملاری خئلاص اتدی. اگر او، تارینین سچدئیی مسئحدئر، قوی اؤزونو ده خئلاص اتسئن.»
[36] عسگرلر ده یاخینلاشیب اونو اَله سالیردیلار. اونا تورش شراب تقدئم ادئب دیئردئلر:
[37] «اگر سن یهودئلرئن پادشاهی‌سان، اؤزونو خئلاص ات.»
[38] و اونون باشی اوستونده یونانی، لاتین، و عئبرانی دئلئنده بئر یازی دا وار ائدی: «بو آدام یهودئلرئن پادشاهی‌دیر.»
[39] آسیلمیش اولان جئنایتکارلاردان بئری عئسانی سؤیوب ددی: «اگر سن مسئحسن، هم اؤزونو هم ده بئزی خئلاص ات.»
[40] لاکئن او بئرئسی اونا آجیقلانیب ددی: «مگر تاریدان قورخمورسان، اؤزون ده او جزا آلتینداسان.
[41] بئز اؤز عمللرئمئزه لایئق اولان جزانی آلمیشیق؛ لاکئن او، هچ بئر گوناه اتمه‌یئب.»
[42] و عئسایا ددی: «عئسا، پادشاهلیغینا گلن زامان منی یادا سال.»
[43] عئسا اونا جاواب وردی: «دوغروسونو سنه دیئرم؛ بو گون منئمله جنّتده اولاجاقسان.»
[44] ائندی گوندوز آلتینجی ساعاتا یاخین ائدی. و دوقّوزونجو ساعاتا قدر بوتون اؤلکه‌یه قارانلیق دوشدو
[45] گونش قارالدی. معبدئن پرده‌سی باشدان-باشا آرادان بؤلوندو.
[46] عئسا اوجا سسله چاغیردی: «ای آتا! روحومو سنئن اللرئنه ورئرم.» و بونو دیئب آخیر نفسئنی چکدی.
[47] یوزباشی بو حادئثه‌نی گؤردو و تارییا حمد و ثنا ادئب ددی: «دوغرودان دا بو آدام صالح ائدی.»
[48] تاماشایا ییغیلان بوتون خالق باش ورن حادئثه‌نی گؤرن واخت سئنه‌لرئنه دؤیوب گری دؤندولر.
[49] لاکئن اونو تانی‌یانلارین هامیسی و اونونلا جلئلدن گلن آروادلار اوزاقدا دوروب بو شیلره باخیردیلار.
[50] یوسئف آدلی خیئرخاه و صالح بئر آدام وار ائدی کی، سَنهِدرئنئن عوضوو ائدی.
[51] او، سَنهِدرئنئن قرار و عمللرئنه راضی اولمامیشدی. یهودئیه‌نئن آرئماتایا شهرئندن ائدی و تارینین پادشاهلیغینی گؤزله‌یئردی.
[52] بو آدام پئلاطین یانینا گدئب عئسانین جسدئنی ائسته‌دی.
[53] سونرا جسدی اِندئرئب کتان پارچایا بوکدو و اونو قایادا قازیلمیش بئر مقبره‌یه قویدو. هچ کئم او زامانا کئمی بو مقبره‌یه قویولمامیشدی.
[54] او گون پاسخا اوچون حاضیرلاشماق گونو ائدی و سبّت گدئردی کی، باشلانسین.
[55] عئسا ائله جلئلدن گلمئش آروادلار دا یوسئفئن دالینجا گدئب مقبره‌نئن و اونون جسدئنئن نجه قویولدوغونو گؤردولر.
[56] و قاییدیب باحارات و عطئرلی یاغلار حاضیرلادیلار. لاکئن سبّت گونو تارینین امرئنه گؤره ائستئراحت اتدئلر.