[1] آروادلار اله هفته‌نئن ائلک گونو سحر چوخ ارکن، حاضیرلادیقلاری عطئرلری گؤتوروب مقبره‌نئن یانینا گلدئلر.
[2] مقبره‌نئن آغزینی اؤرتن داشی دئیئرلَنمئش گؤردولر،
[3] آمّا ائچه‌ری گئرن واخت، رب عئسانین جسدئنی تاپمادیلار
[4] آروادلار بونا حیرتده ائکن، پارلاق پالتار گیئنمئش ائکی کئشی قفلتن اونلارین یانیندا دایاندی.
[5] آروادلار قورخو ائچئنده اوزلرئنی یره توتاندا کئشئلر ددئلر: «نه اوچون سئز دئرئنی اؤلولر آراسیندا آختاریرسینیز؟
[6] او، بورادا دیئل؛ او دئرئلئب. داها جلئلده ائکن سئزه نه ددئیئنی یادینیزا سالین.
[7] دمئشدی کی، ائنسان اوغلو گرک گوناهکار ائنسانلارین اَلئنه ورئلئب چارمیخا چکئلسئن و اوچونجو گون دئرئلسئن.»
[8] او زامان آروادلار عئسانین سؤزونو خاطیرلادیلار.
[9] مقبره‌دن قاییدیب بوتون بونلاری «اون‌بئری‌لره» و قالانلارین هامیسینا خبر وردئلر.
[10] حوارئلره بو زادلاری خبر ورن آروادلار بونلاردیلار: مجدللی مریم، یوحانا، یعقوبون آناسی مریم، و اونلارلا اولان اؤزگه آروادلار.
[11] لاکئن آروادلارین سؤزلری حوارئلره افسانه کئمی گؤروندو و اونلارا ائنانمادیلار.
[12] او زامان پطروس دوروب مقبره‌یه طرف قاچدی و اَیئلئب باخدی: آنجاق کتان پارچا اورادا ائدی. و اؤز-اؤزونده بو حادئثه‌دن تعجّوب ادئب اِوئنه گتدی.
[13] اِله او گونده اونلاردان ائکئسی اِماعوس آدلی بئر کنده گدئردئلر. اماعوس اورشلئمدن ائکی آغاج اوزاق ائدی.
[14] اونلار آرالاریندا باش ورمئش بوتون بو حادئثه‌لر باره‌سئنده صؤحبت ادئردئلر.
[15] صؤحبت اِدئب آرالاریندا موباحئثه ادرکن، عئسا اؤزو اونلارین یانینا گلدی و اونلارلا یرئمه‌یه باشلادی.
[16] آمّا اونلارین گؤزلری توتولموشدو، اِله کی، اونو تانیمادیلار.
[17] عئسا اونلارا ددی: «یول گده-گده بئربئرئنئزله نه باره‌ده موباحئثه ادئرسئنئز و نه اوچون بله قملئسئنئز؟» اونلار دایاندیلار و قملی گؤرونوردولر.
[18] اونلارین بئری کی، آدی کِلوپا ائدی، عئسایا جاواب ورئب ددی: «آیا اورشلئمده بئرجه قرئب سنسن کی، بو گونلرده اورادا باش ورن شیلردن بئخبرسن؟»
[19] عئسا اونلارا ددی: «هانسی شیلردن؟» اونا ددئلر: «ناصئره‌لی عئسانین باشینا گلن شیلردن. او، تاری و بوتون خالقین حوضوروندا هم عملده و هم سؤزده قودرتلی بئر پیغمبر ائدی.
[20] و نجه باش کاهئنلر و ریئسلرئمئز اؤلوم جزاسینا محکوم اولماق اوچون اونو تسلئم ادئب چارمیخا چکدئلر.
[21] لاکئن بئز اومئد ادئردئک کی، ائسرایئلی خئلاص ادن آدام بو اولاجاق. بوندان علاوه، بو شیلرئن باش وردئیی واختدان آرتیق اوچ گون کچئب.
[22] اوسته‌لئک، بئزئم آروادلاردان بعضئسی ده بئزی حیرته سالدی؛ اونلار سحر ارکن مقبره‌نئن یانینا گتدئلر و
[23] اونون جسدئنی اورادا تاپا بئلمه‌دئکلری زامان، گلئب خبر وردئلر کی، اونون دئری اولدوغونو بیان ادن ملکلری ده گؤروبلر.
[24] و بئزلردن بعضئلری مقبره‌یه گدئب آروادلارین ددئکلری کئمی تاپیبلار، آمّا اونو گؤرمه‌یئبلر.»
[25] عئسا اونلارا ددی: «ای عاغیلسیزلار! پیغمبرلرئن بوتون ددئکلرئنه ائنانماقدا آغیر اولانلار!
[26] مگر گرک دیئلدی کی، مسئح بو عذابلاری چکئب اؤز شؤوکتئنه گئرسئن؟»
[27] و موسانین و بوتون پیغمبرلرئن یازیلاریندان باشلاییب موقدّس یازیلاردا اؤزو حاقیندا اولان هامی مطلبلری اونلارا تشرئح اتدی.
[28] گتدئکلری کنده یاخینلاشدیقلاری زامان عئسا اؤزونو اِله گؤرستدی کی، گویا داها اوزاق یره گتمک ائسته‌یئر.
[29] لاکئن اونلار ائصرارلا عئسادان خاهئش ادئب ددئلر: «بئزئمله قال، چونکی آخشام دوشور و گون باتماقدادیر.» و عئسا ائچه‌ری گئرئب اونلارلا قالدی.
[30] اونلارلا سوفره باشیندا اوتوراندا چؤره‌یی گؤتوروب شوکور اتدی و پارچالاییب اونلارا وردی.
[31] او زامان اونلارین گؤزلری آچیلدی و اونو تانیدیلار؛ آمّا او، اونلارین گؤزوندن قیب اولدو.
[32] اونلار بئربئرلرئنه ددئلر: «او، یولدا بئزئمله دانیشان واخت و موقدّس یازیلاری بئزه تشرئح ادن واخت مگر اوره‌یئمئز آلیشیب یانمیردی؟!»
[33] و اله او ساعات دوروب اورشلئمه قاییتدیلار و اون‌بئر حوارئنی و اونلارلا اولانلاری بئر یرده تاپدیلار کی،
[34] دیئردئلر: «رب حقئقتن دئرئلئب و شمعونا گؤرونوب.»
[35] بونلار دا یولدا باش ورنلری و چؤره‌یی پارچالایان زامان اونو نجه تانیدیقلارینی نقل اتدئلر.
[36] اونلار حله بو باره‌ده دانیشیردیلار کی، عئسا اؤزو اونلارین آراسیندا دایاندی و اونلارا ددی: «سئزه سالام اولسون.»
[37] آمّا اونلار قورخوب وحشت اِتدئلر و اِله گومان آپاردیلار کی، روح گؤرورلر.
[38] لاکئن عئسا اونلارا ددی: «نه اوچون وحشت ادئرسئنئز؟ نه اوچون اورَکلرئنئزه بله شکلر دوشور؟
[39] اللرئمی و آیاقلاریمی گؤرون؛ بو، من اؤزومم. منی لمس ادئب گؤرون؛ روحون، منده اولدوغونو گؤردویونوز کئمی، اتی و سومویو اولماز.»
[40] و بونو دیئب اونلارا اللرئنی و آیاقلارینی گؤرستدی.
[41] اونلار حله شادلیقدان ائنانماییب حیرتده اولان واخت عئسا اونلارا ددی: «آیا بورادا یمه‌لی بئر شیئنئز وار؟»
[42] اونا بئر تئکه پئشمئش بالیق وردئلر.
[43] او دا گؤتوروب اونلارین قاباغیندا یدی.
[44] عئسا اونلارا ددی: «سئزئنله اولان زامان سئزه بو شیلری دمئشدئم؛ موسانین شرئعتئنده، پیغمبرلرئن یازیلاریندا، و مزمورلاردا منئم حاقّیمدا یازیلمیش بوتون شیلرئن هامیسی گرک یرئنه یتئشسئن.»
[45] او زامان اونلارین ذهئنلرئنی آچدی کی، موقدّس یازیلاری درک اتسئنلر.
[46] و اونلارا ددی: «بله یازیلیب کی، مسئح گرک بو جور عذاب چکسئن و اوچونجو گون اؤلولردن دئرئلسئن.
[47] و اورشلئمدن باشلاییب گوناهلارین باغیشلانماسی اوچون اونون آدیندا تؤوبه بوتون مئلّتلره وعظ اولونسون.
[48] و سئز بو شیلرئن شاهئدئسئنئز.
[49] باخین، آتامین وعده وردئیئنی سئزه گؤندَ‌رئرم. آمّا سئز گؤیدن گلن قووّتله دولونجایا قدر اورشلئم شهرئنده قالین.»
[50] عئسا اونلاری شهردن چیخاردیب بیت‌عنیایا کئمی آپاردی و اللرئنی قالدیریب اونلارا برکت وردی.
[51] اونلارا برکت ورنده اونلاردان آیریلیب گؤیه قالخماغا باشلادی.
[52] اونلار دا اونا سجده اتدئلر و بؤیوک بئر شادلیقلا اورشلئمه قاییتدیلار.
[53] و دائم تارییا حمد و شوکور ادئب واختلارینی معبدده کچئردئردئلر.