[1] قیصر تئبرئیوسون حاکئمئیّتئنئن اون بشئنجی ائلئنده، او زامان کی، پونطئیوس پئلاط یهودئیه والئسی، هئرود جلئلئن تِترارخی، اونون قارداشی فئلئپوس ائتورایا و تئراخونئتئس وئلایتئنئن تِترارخی، لئسانئیاس آبئلینئیا تَترارخی،
[2] حنّا ائله قیافا دا باش کاهئن ائدئلر، تارینین کلامی چؤلده زکریانین اوغلو یحیایا گلدی.
[3] او دا، اوردون چایینین اطرافینداکی هامی اؤلکه‌نی گَزئب ائنسانلاری دعوت ادئردی کی، گوناهلارین باغیشلانماسی اوچون تؤوبه ادئب تعمئد آلسینلار.
[4] نجه کی، اِشَعیا پیغمبرئن سؤزلرئنئن کئتابیندا یازیلیب: «چؤلده بئرئنئن سسی نئدا ادئر؛ ربّئن یولونو حاضیرلایین، اونون یولونو دوز ادئن.
[5] هر دره دولدورولسون، هر داغ و تپه آلچالسین، اَیرئلئکلر دوزَ‌لسئن، کله-کؤتور یوللار هامار اولسون.
[6] و بوتون ائنسانلار تارینین نئجاتینی گؤره‌جکلر.»
[7] یحیا، تعمئد اوچون اونون یانینا گلن خالقا دیئردی: «ای افعئلر نسئلی! گله‌جک قضبدن قاچماغی سئزه کئم گؤرستدی؟!
[8] تؤوبه‌یه لایئق ثمره گتئرئن. اؤزونوزه ”آتامیز ائبراهئمدئر“ دمه‌یه جهد اتمه‌یئن. چونکی بونو سئزه دیئرم، تاری قادئردئر کی، بو داشلاردان ائبراهئمه اؤولاد یاراتسین.
[9] آرتیق بالتا دا آغاجلارین کؤکونه یاتیر. بله‌جه یاخشی ثمره ورمه‌ین هر آغاج کسئلئر و اودا آتیلیر.»
[10] خالق اوندان سوروشدو: «بس بئز نه اِدَک؟»
[11] یحیا جاواب ورئب ددی: «ائکی کؤینه‌یی اولان، بئرئنی او آداما ورسئن کی، کؤینه‌یی یوخودور. یمه‌یی اولان آدام دا بله اتسئن.»
[12] باج ییغانلار دا تعمئد اولونماق اوچون اونون یانینا گلئب ددئلر: «اوستاد، بئز نه اِدَک؟»
[13] یحیا اونلارا ددی: «موعیّن اِدئلمئش مئقداردان آرتیق هچ شی طلب اتمه‌یئن.»
[14] عسگرلر ده اوندان سوروشدولار: «بس بئز نه اتمه‌لی‌یئک؟» اونلارا دا ددی: «زورلا هچ کئمدن پول آلمایین. بؤهتان آتمایین. آلدیغینیز مواجئبه قناعت ادئن.»
[15] خالقین گؤزو یولدا ائکن، هامی یحیانین حاقیندا اوره‌یئنده دوشونوردو: «گؤره‌سن بو، مسئحدئر؟»
[16] یحیا هامیسینا جاواب ورئب ددی: «من سئزی سو ائله تعمئد ورئرم، لاکئن مندن قودرتلئسی گلئر کی، من اونون باشماغینین باغینی دا آچماغا بله لایئق دیئلم. او، سئزی موقدّس روح و اودلا تعمئد وره‌جک.
[17] اونون شنه‌سی الئنده‌دئر و اؤز خرمنئنی دئقّتله سووروب، بوغدانی آنبارینا ییغیر. لاکئن سامانی سؤنمز اودلا یاندیراجاق.»
[18] بله‌جه یحیا، بئر چوخ آیری نصئحت ورئب خالقا خوش خبری وعظ ادئردی.
[19] آمّا هئرود تِترارخ کی، قارداشینین آروادی هئرودئیاسلا اِولندئیی و اتدئیی اؤزگه پئسلئکلر اوچون یحیانین طرفئندن دانلاق آلتیندا ائدی،
[20] بونلارین هامیسینا بئرئنی ده آرتیریب یحیانی زئندانا سالدی.
[21] هامی خالق تعمئد اولونان زامان، عئسا دا تعمئد اولوندو. و دوعا ادن واخت گؤی آچیلدی و
[22] موقدّس روح جئسمانی شکئلده گؤیرچئن کئمی اونون اوستونه اِندی و گؤیدن بئر سس گلئب ددی: «سن منئم سوگئلی اوغلومسان، سندن چوخ راضی‌یام.»
[23] عئسا، اؤز خئدمتئنه باشلادیغی زامان اوتوز یاشلاریندا ائدی. او یوسئفئن اوغلو تانینیردی و یوسئف عِلی‌نئن اوغلو ائدی.
[24] عِلی ده متّا اوغلو، او دا لاوی اوغلو، او دا مِلکی اوغلو، او دا یانّای اوغلو، او دا یوسئف اوغلو
[25] او دا ماتاتئیا اوغلو، او دا عاموس اوغلو، او دا ناحوم اوغلو، او دا حسلی اوغلو، او دا ناقّای اوغلو،
[26] او دا ماآت اوغلو، او دا ماتاتئیاس اوغلو، او دا شئمعی اوغلو، او دا یوسئک اوغلو، او دا یهودا اوغلو
[27] او دا یوحنّا اوغلو، او دا رئسّا اوغلو، او دا زِروبّابئل اوغلو، او دا سِعَلتی‌اِل اوغلو، او دا نِیری اوغلو،
[28] او دا مِلکی اوغلو، او دا آدّی اوغلو، او دا کوسام اوغلو، او دا اِلمادام اوغلو، او دا عئر اوغلو
[29] او دا یوسیا اوغلو، او دا اِلئعِزِر اوغلو، او دا یورئم اوغلو، او دا ماتّات اوغلو، او دا لاوی اوغلو،
[30] او دا شمعون اوغلو، او دا یهودا اوغلو، او دا یوسئف اوغلو، او دا یونام اوغلو، او دا اِلیاقئم اوغلو،
[31] او دا مئلئیا اوغلو، او دا مئنّا اوغلو، او دا ماتّاتا اوغلو، او دا ناتان اوغلو، او دا داوود اوغلو
[32] او دا یسّه اوغلو، او دا عوبئد اوغلو، او دا بوعَز اوغلو، او دا سلمون اوغلو، او دا نخشون اوغلو
[33] او دا عمئناداب اوغلو، او دا آدمئن اوغلو، او دا آرنی اوغلو، او دا خِصرون اوغلو، او دا پِرِص اوغلو، او دا یهودا اوغلو،
[34] او دا یعقوب اوغلو، او دا ائسحاق اوغلو، او دا ائبراهئم اوغلو، او دا تِرَخ اوغلو، او دا ناخور اوغلو،
[35] او دا سِروگ اوغلو، او دا ریو اوغلو، او دا فالِک اوغلو، او دا عِبَر اوغلو، او دا سِلَع اوغلو،
[36] او دا کئنان اوغلو، او دا اَرفکشَد اوغلو، او دا سام اوغلو، او دا نوح اوغلو، او دا لِمِک اوغلو،
[37] او دا متوشِلَخ اوغلو، او دا خنوخ اوغلو، او دا یارِد اوغلو، او دا مَهَل‌له‌لِل اوغلو، او دا کئنان اوغلو،
[38] او دا انوش اوغلو، او دا سِت اوغلو، او دا آدم اوغلو، او دا تارینین اوغلو ائدی.