[1] Daahu kalaam al-gaalah Aguur wileed Yaakha. Kalaam min Allah. Al-raajil da hajja le Itiyiil, le Itiyiil wa le Ukaal wa gaal :
[2] «Ana matmuus min kulla l-naas wa ma indi al-fihim al-waajib // le l-insaan.
[3] Ana ma allamt al-hikma wa ma indi maʼrafat al-Khudduus.
[4] Yaatu al-talaʼ fi l-sama wa nazal minnah ? Wa yaatu al-karab al-riih fi lubb iideenah ? Wa yaatu al-sarra almi fi lubb khalagah ? Wa yaatu al-khalag al-ard wa khatta huduudha ? Wa hu usmah yaatu wa yaatu usum wileedah ? Guul leyi kan inta taʼarfah !»
[5] Kulla kalaam al-Rabb saafi wa indah damaan wa hu misil daraga yahmi al-yaljaʼo leyah.
[6] Ma tiziid ayyi kilme fi kalaam Allah achaan ma yuluumak wa yajʼalak kaddaab.
[7] Ya Rabb, nasʼalak achya itneen, antiihum leyi fi hayaati.
[8] Baʼʼid al-kalaam al-baatil wa l-kidib minni. Wa la tisawwiini fagri wa la khani, illa l-akil al-waajib leyi bas, antiini.
[9] Achaan kan khiniit wa chibiʼt, akuun nakfur wa nuguul : «Allah da yaatu ?» Aw kan figirt wa tiʼibt, akuun nasrig wa nitallif usmak, // ya Ilaahi.
[10] Ma tiʼayyir al-khaddaam giddaam siidah. Akuun al-khaddaam yalʼanak wa inta tabga khaati.
[11] Fi naas waahidiin yalʼano abbahaathum wa ma yibaaruku ammahaathum.
[12] Fi naas waahidiin yahsubu nufuushum taahiriin wa laakin ma khassalo al-najaasa // min jisimhum.
[13] Fi naas waahidiin nafishum aajbeehum wa yahguru al-aakhariin.
[14] Fi naas waahidiin fawaatirhum // misil al-magass wa duruushum // misil al-sakaakiin le yiwadduru al-masaakiin // min al-ard wa yikammulu al-daʼiifiin // min ust al-naas.
[15] Abungurdaan indah banaat itneen wa usumhin Antuuni, Antuuni. Fi talaata achya abadan ma yachbaʼo wa l-raabiʼ ma buguul kafa !
[16] Wa humman al-moot wa l-mara al-aagre wa l-ard al-atchaane wa l-naar hi abadan ma tachbaʼ.
[17] Al-een al-tahgir al-abu wa ma titiiʼ al-amm, khurbaat al-waadi yisilluuha wa l-suguura yaakuluuha.
[18] Fi talaata achya ma anfahamo leyi wa l-raabiʼ kula ma iriftah.
[19] Wa humman al-tariiga al-yitiir beeha al-sagur // fi l-sama wa l-tariiga al-yamchi beeha al-daabi // fi l-hajar wa l-tariiga al-tuʼuum beeha al-safiina // fi l-bahar wa tariigat al-mahabba been // al-raajil wa l-mara.
[20] Daahu haal al-mara al-zaaniye. Hi taakul wa tuguchch gadduumha wa tuguul : «Abadan da ma fasil !»
[21] Talaata achya yijiibu al-barjaal fi l-ard wa l-raabiʼ ma binhamil abadan.
[22] Wa humman al-abid kan bigi malik wa l-matmuus kan bigi khani
[23] wa l-mara al-makruuha kan akhadat wa l-khaadim kan chaalat bakaan sittaha.
[24] Fi arbaʼa haywaanaat sukhaar fi l-ard wa induhum ilim ziyaada.
[25] Wa humman al-nimle, humman jamaaʼa al-ma induhum gudra wa laakin yakhzunu akilhum fi l-darat
[26] wa tees al-hajar, humman jamaaʼa al-ma gawiyiin wa laakin yaskunu fi chuguug al-hajar
[27] wa saar al-leel, humman ma induhum khaayid wa laakin yisiiru be majmuuʼaat // wa be nizaam
[28] wa abunchabach, tagdar takurbah be iidak wa laakin yiʼiich fi buyuut al-muluuk.
[29] Talaata yamchu be khatwaat samhe wa l-raabiʼ yamchi be kuluufiiye.
[30] Wa humman al-duud, fahal min kula al-haywaanaat wa ma yajri min cheyy
[31] wa l-diik al-yuruukh fi lubb al-jidaad wa l-tees wa l-malik al-ma yagdaro yugummu diddah.
[32] Kan be nifaakh tachkur nafsak aw tuguul tisawwi fasaaltak, alzam lisaanak.
[33] Achaan daggiin al-laban // bijiib al-zibde wa daggiin al-munkhar // bijiib al-damm wa gawwimiin al-zaʼal // bijiib al-huraaj.