[1] Al-charaf ma biwaafig // le l-matmuus misil al-barad fi l-seef wa l-matar fi l-darat.
[2] Al-laʼana bala sabab ma talhag. Hi titiir misil abunfisey wa tuduur misil sagur.
[3] Al-sariime sawwooha le l-juwaad wa l-asa le l-humaar wa l-soot le dahar al-matmuus.
[4] Ma turudd le l-matmuus hasab tamaastah achaan ma tabga mislah.
[5] Rudd le l-matmuus hasab tamaastah achaan ma yuguul indah hikma.
[6] Kan anteet risaaltak le l-matmuus da misil gataʼt rijlak // aw chiribt samm.
[7] Al-masal fi khachum al-matmuus ma indah faayde misil rijil al-aʼraj.
[8] Kan tanti charaf le l-matmuus da misil inta rabat hajar fi l-miglaaʼ.
[9] Al-masal fi khachum al-matmuus misil firiʼ hana kitir fi iid al-sakkaari.
[10] Al-yiʼajjir al-matmuus aw yiʼajjir al-ma maʼruuf // al-maachi fi l-chaariʼ, hu misil siid al-nuchchaab al-yajrah kulla l-naas.
[11] Al-matmuus yigabbil fi nifaakhah misil al-kalib yigabbil yaakul al-gaddafah.
[12] Akheer tukhutt achamak fi l-matmuus min tukhutt achamak fi l-yahsib nafsah hakiim.
[13] Al-kaslaan buguul ke : «Fiyah duud barra. Fi ayyi chaariʼ, raayikh duud khatari.»
[14] Wa hu yichchaglab fi furaachah misil al-baab al-yinfatih // wa yinsadda.
[15] Al-kaslaan yidiss iidah fi l-gadah wa kadar yijiibha le khachmah kula gaasi leyah.
[16] Wa hu yichiif nafsah hakiim ziyaada min sabʼa naas aagliin.
[17] Al-yadkhul fi machaakil ma hineeyah misil karab kalib min udneeyah.
[18] Al-naadum al-yukhuchchak wa yuguul : «Ana gaaʼid nalʼab maʼaak», hu da misil muchootin al-yazurgak be nuchchaab musammam // le yaktulak.
[20] Kan ma fi hatab, al-naar tumuut wa kan ma fi gawwaal, al-kalaam yumuut.
[21] Katarat al-faham tiziid al-jamur wa katarat al-hatab tiziid al-naar wa l-gawwaal yiziid al-machaakil.
[22] Kalaam al-gawwaal misil al-halaawa, taakulah wa yanzil fi batnak.
[23] Al-galb al-azrag kan kalaamah halu kula hu misil jarr al-tiine al-mamsuuh // be fudda.
[24] Al-yakrah al-naas yillabbad wara kalaamah laakin galbah malaan be l-khachch.
[25] Kan kalaamah ajabaak kula, ma tisaddigah achaan galbah malaan be l-fikir al-haraam.
[26] Wa kan yilabbid karaahiiytah // be khachch kula, yoom waahid yinkachif giddaam // kulla l-naas.
[27] Al-yankut nugra yagaʼ foogha wa l-hajar yigabbil yarhak al-yidardigah.
[28] Lisaan al-kaddaab yakrah al-zalamaahum wa khachum al-khachchaach yijiib al-damaar.