[1] Ma tachkur nafsak fi l-tisawwiih ambaakir achaan fi l-yoom da, inta ma taʼarif chunu yukuun.
[2] Ma tachkur nafsak, khalli al-aakhariin yachkuruuk wa ma tamdah nafsak, khalli al-naas yamdahook.
[3] Sahiih, al-hajar tagiil wa chuwaal al-turaab kula tagiil wa laakin machaakil al-munaafikh tugaal minhum.
[4] Al-zaʼal yikhawwif wa l-khadab yaglib misil al-seel. Wa laakin yaatu yagdar yagiif giddaam al-husud ?
[5] Akheer al-rafiig al-yuluumak min al-yilabbid reedtah leek.
[6] Juruuh al-rafiig, induhum amaan wa laakin hubb al-adu, khachchaach.
[7] Al-chabʼaan yifajjikh al-asal al-saafi wa laakin al-jiiʼaan, al-hamdal kula halu leyah.
[8] Al-raajil al-jara min beetah misil al-teer al-khalla uchchah.
[9] Al-itir wa l-bakhuur yifarruhu al-galib wa hubb al-rafiig yinlagi // fi wasiiytah al-naafiʼ.
[10] Ma tikhalli rafiigak wa la rafiig abuuk wa fi wakt al-diige ma tamchi // fi beet akhuuk. Jaar gariib akheer min akhu baʼiid.
[11] Ya wileedi, abga hakiim wa farrih galbi wa be da, nagdar nurudd // le l-yuluumuuni.
[12] Al-aagil yichiif al-charr wa yibaariih wa laakin al-jaahil yagaʼ foogah // wa yiʼaaziih.
[13] Al-yadman naadum ma maʼruuf, chiil khalagah wa kan yadman ajnabiiye, akrub minnah damaan.
[14] Al-yibakkir le yisallim akhuuh be awwa, barakatah di, yajʼalooha leyah laʼana.
[15] Al-mara al-daayman mukhaalife, khilaafha ma yagiif misil tchaktchaak al-iine.
[16] Ma tinkarib misil al-riih wa misil al-dihin fi batun al-iid.
[17] Al-hadiid yitarrig al-hadiid wa l-insaan yitarrig al-insaan.
[18] Al-yirayyis zereʼ al-tamur yaakul min tamrah. Wa l-khaddaam al-yifakkir fi siidah yalga charaf.
[19] Fi l-almi, yinchaaf wijh al-insaan wa fi galbah, tinchaaf nafsah.
[20] Chahwat al-insaan abadan ma tachbaʼ misil al-moot wa l-halaak abadan ma yachbaʼo.
[21] Be l-naar, al-sayyaakhi yakchif // al-dahab wa l-fudda wa laakin al-insaan yinʼarif // be simʼitah.
[22] Kan tudugg al-munaafikh misil daggiin al-khalla been al-fundug wa l-amuud kula, abadan ma yikhalli nifaakhah.
[23] Aʼarif khanamak adiil wa rayyis door bahaaymak.
[24] Achaan al-khuna ma yuduum ila l-abad wa l-taaj ma yinhafid min zurriiye le zurriiye.
[25] Wakit al-gechch al-yaabis yikammil, agtaʼ al-haya al-akhdar wa limm gechch al-gooz.
[26] Min suuf al-khurfaan, talbas khalag wa be taman al-tuyuus, tachri zereʼ.
[27] Wa laban inzeek, yitimm le iichtak wa le iichit beetak // wa le khaddaamaatak.