[1] Ngài yu khon, liá-pái ngài khon-tó yit-kién sû-kién pî-ko thiên-khûng.
[2] Thiên-sṳ́ mun ngài: “Ngì khon-tó má-ke?” Ngài en-kóng: “Ngài khon-tó yit-kién pî-tén ke sû-kién, chhòng yû kiú kûng-chhak, fat yû si kûng-chhak pan.”
[3] Kì tui ngài kóng: “Liá he oi sung-hi chhiòn sṳ-kie ke chu-chú. Yit-mien siá-tén: ‘Só-yû cho-chhe̍t ke ngìn, oi cheu sû-kién só-siá ke chhù-thet’; yit-mien siá-tén: ‘Só-yû fat ká-sṳ ke ngìn, ya oi cheu sû-kién só-siá ke chhù-thet.’
[4] Song-chú — Van-kiûn ke Ngièn-soi án-ngiòng kóng: Ngài oi chiông liá-têu chu-chú fat chhut-hi, chin-ngi̍p cho-chhe̍t ke lâu lám-sám yung Ngài miàng fat ká-sṳ ke ngìn vuk-hâ. Liá chu-chú oi liù chhai kì-têu ke vuk-hâ, chiông vuk-è, lièn thai-liòng, sa̍k-thèu chhiòn-phu fí-me̍t.”
[5] Lâu ngài kóng-fa ke thiên-sṳ́ yu chhut-hien, tui ngài kóng: “Ngì muk-chû khon táng-kô, yu yû tûng-sî chhut-lòi lô!”
[6] Ngài mun: “Liá he má-ke tûng-sî?” Kì kóng: “Liá he yit-chak liòng tûng-sî ke làm-è; kì thoi-péu chhiòn sṳ-kie ke chhui-ok.”
[7] Liá làm-è yû yit-chak yèn cho ke koi-é. Ngài khon ke sṳ̀-chiet, liá koi-é tá khôi-lòi, tî-poi chhô-tén yit-ke ńg-ngìn!
[8] Thiên-sṳ́ kóng: “Liá ńg-ngìn chhiu-he thoi-péu sià-ok.” Kì chhiu chiông liá ńg-ngìn súng-ngi̍p làm-tú, chiông yèn-koi khièm-hó.
[9] Chiap-tén ngài yu ngo-thèu khon, khon-tó lióng-ke ńg-ngìn hiong ngài pî ko-lòi; kì-têu yû tông-thai ke yi̍t-kap, chhiong kon-niâu ke yi̍t-kap. Kì-têu chiông làm-è kông hí-lòi, pî-to thiên-khûng.
[10] Ngài mun lâu ngài kóng-fa ke thiên-sṳ́: “Kì-têu oi chiông làm-è kông-to nai-vi hi?”
[11] Kì en-kóng: “To Pâ-pí-lùn hi. Kì-têu oi chhai ke-vi vi-tó liá làm-è hí yit-chho thien. Thien hí-hó yî-heu, làm-è oi piong chhai tî-poi pûn-ngìn pai.”