[1] Chhai nang-ngoi yit-ke yi-siong chûng, ngài khon-tó yit-ke ngìn, sú nâ-tén yit-thiàu chhet-liòng sok.
[2] Ngài mun kì: “Ngì oi hi nai-vi?” Kì kóng: “Ngài oi hi liòng Yâ-lu-sat-lâng, khon kì yû kí-chhòng, kí-fat.”
[3] Lâu ngài kóng-fa ke thiên-sṳ́ hàng chhut-hi ke sṳ̀-chiet, nang-ngoi yit-ke thiên-sṳ́ ngiàng-chiap kì.
[4] Thèu-yit ke thiên-sṳ́ tui thi-ngi ke thiên-sṳ́ kóng: “Kiak-kiak chéu-hi lâu ke nâ-tén chhet-liòng sok ke chhiâng-ngièn kóng: ‘Yâ-lu-sat-lâng voi yû chhin-tô ngìn lâu thèu-sâng lòi he̍t; kì voi chhiong yit-ke mò sàng-chhiòng ke sàng.
[5] Song-chú yí-kîn tap-yin, Kì oi sàng-cho yit-chho fó-chhiòng, vì-tén liá-sàng, pó-fu kì, ya oi cho kì tông-chûng ke yùng-kông.’ ”
[6] Song-chú tui Kì ke ngìn-mìn kóng: “Ngài sṳt chiông ngì-têu fûn-san to si-mien pat-fông hi. Chúng-he ngì liá-têu liù-mòng ke ngìn â, oi kiak-kiak thot-lì Pâ-pí-lùn, chón Yâ-lu-sat-lâng lòi.
[8] Má-ngìn kûng-kit ngì-têu, chhiu-he kûng-kit tó Ngài ke muk-chû-yìn.” Só-yî, Yùng-kông ke Song-chú — Van-kiûn ke Ngièn-soi chhâi-phai ngài chiông yî-ha ke sin-sit lâu ke-têu chhióng Kì ngìn-mìn ke koet-kâ kóng:
[9] “Khon â, Ngài — Song-chú oi chhîn-chhṳ kûng-kit ngì-têu; yî-chhièn fu̍k-sṳ ko ngì-têu ke ngìn oi chhióng-kiap ngì-têu.” Ke sṳ̀-chiet, ngì-têu chhiu voi tî Song-chú — Van-kiûn ke Ngièn-soi chhâi-phai ngài.
[10] Song-chú kóng: “Siak-ôn ke ngìn-mìn â, oi fôn-hí chhong-kô! Yîn-vi Ngài oi lòi he̍t chhai ngì-têu tông-chûng.”
[11] Ke-sṳ̀, chhin-tô koet-kâ oi kûi-hiong Song-chú, sàng-cho Kì ke ngìn-mìn. Kì oi he̍t chhai ngì-têu tông-chûng, ngì-têu chhiu voi tî Song-chú — Van-kiûn ke Ngièn-soi chhâi-phai ngài to ngì-têu ke-vi hi.
[12] Yù-thai oi chhùng-sîn cho su̍k Song-chú ke sṳn-thi; Kì oi chai yit-pái kién-sién Yâ-lu-sat-lâng cho sṳn-sàng.
[13] Chhiòn ngìn-lui yin-kôi chhai Song-chú mien-chhièn kiûng-kin tiâm-chhin, yîn-vi Song-chú tui Kì ke sṳn-só chhut-lòi!