[1] Yî-sat-kâ yû si-ke lai-é — Thò-lâ, Phú-ngá, Ngâ-sut, Sṳ̂n-lùn.
[2] Thò-lâ yû liuk-ke lai-é — Vû-sî, Li-fap-ngâ, Yâ-le̍t, Ngâ-mâi, Yi̍t-pak-san, Sṳ-mû-li. Kì-têu chhiòn-phu he Thò-lâ chûng-chhu̍k chûng ke kâ-chhu̍k chhu̍k-chóng, he yúng-kám ke chan-sṳ. Chhai Thai-ví-vòng sṳ̀-thoi, kì-têu ke heu-thoi yû lióng-van lióng-chhiên liuk-pak ngìn.
[3] Vû-sî yû yit-ke lai-é Yî-sṳ̂-lâ-hî; Yî-sṳ̂-lâ-hî lâu kiâ si-ke lai-é — Mí-kâ-le̍t, Ngò-pâ-tí-â, Yok-ngí, lâu Yî-sṳ-ngâ chhiòn-phu he kâ-chhu̍k ke chhu̍k-chóng.
[4] Kì-têu yû chhin-tô pû-ngiòng se-chiá lâu chṳ́-ńg, só-yî kì-têu ke heu-thoi yû sâm-van liuk-chhiên cho-tet siông-chhṳ̀ ke chan-sṳ.
[5] Chhai Yî-sat-kâ kî-chhu̍k tak-kâ ke chhu̍k-phú chúng-khiung tên-ki pat-van chhit-chhiên cho-tet siông-chhṳ̀ ke chan-sṳ.
[6] Phien-ngâ-mén yû sâm-ke lai-é — Pí-lâ, Pí-kiet, Yâ-thia̍p.
[7] Pí-lâ yû ńg-ke lai-é — Yî-sṳ̂-pún, Vû-sî, Vû-siet, Yâ-li-mô, Yî-li. Kì-têu chhiòn-phu he liá chûng-chhu̍k chûng ke kâ-chhu̍k chhu̍k-chóng, ya he yúng-kám ke chan-sṳ. Kì-têu ke heu-thoi yû lióng-van lióng-chhiên làng sâm-sṳ̍p si cho-tet siông-chhṳ̀ ke chan-sṳ.
[8] Pí-kiet yû kiú-ke lai-é — Se-mí-lâ, Yok-â-sṳ̂, Yî-li-yî-chhia, Yî-li-yok-nâi, Am-li, Yâ-li-mô, Â-pí-ngâ, Â-nâ-thut, Â-lâ-me̍t.
[9] Kì-têu ke heu-thoi tông-chûng, cheu chhu̍k-phú só-siá ke, yû lióng-van làng lióng-pak cho-tet siông-chhṳ̀ ke chan-sṳ.
[10] Yâ-thia̍p yû yit-ke lai-é Pí-le̍t-hón. Pí-le̍t-hón yû chhit-ke lai-é — Yâ-vû-sṳ̂, Phien-ngâ-mén, Yî-fut, Kî-nâ-nâ, Se-thán, Thâ-sṳ̂, Â-hî-sâ-ha̍p.
[11] Kì-têu chhiòn-phu he liá chûng-chhu̍k chûng ke kâ-chhu̍k chhu̍k-chóng, ya he yúng-kám ke chan-sṳ. Kì-têu ke heu-thoi yû yit-van chhit-chhiên lióng-pak cho-tet siông-chhṳ̀ ke chan-sṳ.
[12] Sû-phín lâu Fu-phín ya su̍k liá kî-chhu̍k. Tan yû yit-ke lai-é Fu-sṳ̂n.
[13] Nâ-fut-thâ-li yû si-ke lai-é — Ngâ-siet, Kû-nì, Yâ-set, Sâ-liùng. (Kì-têu chhiòn-phu he Phit-lâ ke heu-thoi.)
[14] Mâ-nâ-sî ke se-chiá (Â-làn-ngìn) vi kì kiung lióng-ke lai-é — Â-sṳ̂-lie̍t lâu Mâ-kit. Mâ-kit kiung Kî-lie̍t.
[15] Mâ-kit vi Fu-phín lâu Sû-phín tak-sà thó yit-ke pû-ngiòng. Kì ke ló-moi ôn-to Mâ-kâ. Mâ-kit ke thi-ngi ke lai-é he Sî-lò-fî-ha̍p. Sî-lò-fî-ha̍p chṳ́-yû kí-ke moi-é.
[16] Mâ-kit ke pû-ngiòng Mâ-kâ kiung lióng-ke lai-é; kì-têu chiông liá lióng-ke lai-é ôn-to Pí-li-sṳ̂ lâu Sṳ-li-sṳ̂. Pí-li-sṳ̂ yû lióng-ke lai-é — Vû-làn lâu Li-kîm.
[17] Vû-làn yû yit-ke lai-é ôn-to Pí-tan. Liá-têu chhiòn-phu he Kî-lie̍t ke heu-thoi; Kî-lie̍t he Mâ-kit ke lai-é, Mâ-nâ-sî ke sûn-é.
[18] Kî-lie̍t ke ló-moi Ha̍p-mô-li-kit yû sâm-ke lai-é — Yî-sṳ̂-hò, Â-pí-yî-chhia, Mâ-lâ.
[19] Sṳ-mí-thai yû si-ke lai-é — Â-hien, Sṳ-kiam, Li-khiet-hî, Â-nì-ôn.
[20] Yî-fap-lièn ke heu-thoi cheu fu-ne chhòn hâ-lòi ke yû: Sû-thì-lâ, Pí-lie̍t, Thâ-ha̍p, Yî-lâ-thai, Thâ-ha̍p,
[21] Sat-pha̍t, Sû-thì-lâ. Chhù-liáu Sû-thì-lâ yî-ngoi, Yî-fap-lièn hàn-yû lióng-ke lai-é — Yî-chhia lâu Yî-li. Kì lióng-sà yîn-vi hi chhióng Kâ-thi̍t-ngìn ke thèu-sâng, pûn-ngìn chhṳ̀-sí.
[22] Kì-têu ke â-pâ Yî-fap-lièn vi kì-têu sông-sîm chhin-kiú, kì ke hiûng-thi chhiòn-phu lòi ôn-ví kì.
[23] Heu-lòi kì yu lâu kì ke pû-ngiòng thùng-fòng; kiâ pû-ngiòng chhiu yû sṳ̂n-hong, kiung yit-ke lai-é; Yî-fap-lièn yîn-vi vuk-hâ sṳt tù-tó châi-fo, chhiu lâu liá-ke lai-é ôn-miàng Pí-li-â.
[24] Yî-fap-lièn yû yit-ke moi-é ôn-to Sa-yî-lâ. Sa-yî-lâ hí Song Pak-Fò-lùn, Ha Pak-Fò-lùn lâu Vû-hien-Sa-yî-lâ sâm-chho sàng.
[25] Yî-fap-lièn nang-ngoi yû yit-ke lai-é ôn-to Li-fap; Li-fap ke heu-thoi cheu fu-ne chhòn hâ-lòi ke yû: Li-sit, Thâ-lâ, Thâ-hón,
[26] Lâ-tan, Â-mí-fut, Yî-li-sâ-mâ,
[27] Nun, Yok-sû-â.
[28] Kì-têu he̍t ke só-chhai pâu-hàm Pak-thi̍t-li lâu fu-khiun ke chhûn-chông, hiong-tûng to Nâ-làn, hiong-sî to Kî-set lâu fu-khiun ke chhûn-chông, hàn-yû Sṳ-kiam lâu Ngie-ngâ lióng-chho sàng, lâu liá lióng-chho sàng fu-khiun ke chhûn-chông.
[29] Mâ-nâ-sî ke heu-thoi khúng-chṳ Pak-San, Thâ-na̍p, Mí-kit-tô, Tô-ngí, lâu kok sàng fu-khiun ke chhûn-chông. Yî-song chhiòn-phu he Yî-set-lie̍t ke lai-é Yok-sit heu-thoi he̍t ke só-chhai.
[30] Hâ-poi he Â-sat ke heu-thoi. Â-sat yû si-ke lai-é — Yîm-nâ, Yit-sṳ̂-ngá, Yit-sṳ̂-ví, Pí-li-â, lâu yit-ke moi-é Sî-lâ.
[31] Pí-li-â yû lióng-ke lai-é — Hî-phe̍t lâu Mâ-kiet. Mâ-kiet he Pí-sat-vî-sàng ke khôi-sat ngìn.
[32] Hî-phe̍t yû sâm-ke lai-é — Ngâ-fut-le̍t, Sok-me̍t, Hò-thán, lâu yit-ke moi-é Sû-ngâ.
[33] Ngâ-fut-le̍t ya yû sâm-ke lai-é — Pâ-sat, Pîn-ha̍p, Â-sṳ̂-fap.
[34] Kiâ ló-thâi Sok-me̍t yû sâm-ke lai-é — Lò-kâ, Yâ-fu-pâ, Â-làn.
[35] Kiâ ló-thâi Hò-thán yû si-ke lai-é — Só-fap, Yîm-nâ, Sṳ-li-sṳ̂, Â-mat.
[36] Só-fap ke heu-thoi yû Sû-â, Ha̍p-nì-fut, Sû-â-le̍t, Pí-li, Yîm-lâ,
[37] Pí-sit, Hò-tet, Sân-mâ, Sṳ̂-sâ, Yit-làn, Pí-lâ.
[38] Yit-thiap ke heu-thoi yû Yâ-fù-nì, Pí-sṳ̂-pâ, Â-lâ.
[39] Vû-lâ ke heu-thoi yû Â-lâ, Hon-nì-ngia̍p, Li-siá.
[40] Liá-têu chhiòn-phu he Â-sat ke heu-thoi. Kì-têu he kâ-chhu̍k ke chhu̍k-chóng, yúng-kám ke chan-sṳ, yû-siu ke liâng-chhiu. Â-sat ke heu-thoi yû lióng-van liuk-chhiên cho-tet siông-chhṳ̀ ke chan-sṳ.