[1] Thai-ví vi-tó chéu-sám Kî-sṳ ke lai-é Só-lò-vòng, khong chhai Sé-kiet-lâ, chhin-tô voi siông-chhṳ̀ ke yúng-sṳ lòi pông-chhu kì.
[2] Kì-têu cho-tet yung chó-sú ya-he chṳn-sú lâi-kiûng sa-chien, fin sa̍k-thèu. Kì-têu lâu Só-lò khiung-chhu̍k, he Phien-ngâ-mén kî-chhu̍k ke ngìn.
[3] Kî-pí-â-ngìn Sṳ-mâ ke lai-é Â-hî-yî-chhia lâu Yok-â-sṳ̂ he kì-têu ke liâng-chhiu. Yî-ha he liá-têu sṳ-pîn ke miàng-tân: Â-sṳ̂-mâ-vî ke lai-é Yâ-siet lâu Pí-li̍t; Â-nâ-thut-ngìn Pí-lâ-kâ lâu Yâ-fu; Kî-phiên-ngìn Yî-sṳ̍t-mâi-ngâ (tông li-hoi ke chan-sṳ, “Sâm-sṳ̍p Yúng-sṳ” ke liâng-chhiu chṳ̂-yit); Kî-tet-lâ-ngìn Yâ-li-mí, Ngâ-ha̍p-sit, Yok-ha̍p-nàn, lâu Yok-sat-pha̍t; Ha̍p-li̍t-fut-ngìn Yî-li-vû-soi, Yâ-li-mô, Pí-â-li-ngâ, Sṳ-mâ-li-ngâ, lâu Sṳ-fap-thì-ngâ; Khó-lâ chhu̍k-ngìn Yî-li-kâ-nâ, Yâ-sî-â, Â-sat-lie̍t, Yok-yî-chhia, lâu Ngâ-sok-pân; Kî-tô-ngìn Yâ-lò-hón ke lai-é Yù-lâ lâu Sî-pâ-thi-ngâ.
[8] Thai-ví chhai khóng-yâ ke sân-chai ke-sṳ̀, Kâ-tet kî-chhu̍k yû-têu yúng-sṳ kâ-ngi̍p Thai-ví ke phu-chhui. Liá-têu chan-sṳ chhiòn-phu he tông-voi yung tún-phài lâu chhiông ke ngìn; kì-têu khon hí-lòi chhiong sṳ̂-é, thung-chok chhiong sân-táng ke lu̍k-é án-kiak.
[9] Kì-têu ke miàng-tân cheu kôn-vi ke kô-tâi phài-lie̍t chhai hâ-poi: Yî-siet, Ngò-pâ-tí-ngâ, Yî-li-ap, Mì-sṳ̂-mâ-nâ, Yâ-li-mí, Â-thai, Yî-li-ngia̍p, Yok-ha̍p-nàn, Yî-li-sat-pâ, Yâ-li-mí, Mat-pâ-nai.
[14] Liá-têu Kâ-tet kî-chhu̍k ke kiûn-kôn, yû tai-liâng yit-chhiên sṳ-pîn ke, yû tai-liâng yit-pak sṳ-pîn ke.
[15] Yû yit-ngièn châng-ngie̍t, Yok-tan-hò ke súi nêm-ko lióng-phién pok, liá-khiùn ngìn ko-hò, kón-san he̍t chhai tûng sî lióng-phién phìn-ngièn ke ngìn-mìn.
[16] Yû yit-pái, Phien-ngâ-mén lâu Yù-thai kî-chhu̍k tông-chûng, yû yit-khiùn ngìn to Thai-ví ke sân-chai hi thèn kì.
[17] Thai-ví chhut-hi chiap kì-têu, tui kì-têu kóng: “Na-he ngì-têu chṳ̂n-sîm lòi pông-chhu ngài, ngài fôn-ngiàng ngì-têu kâ-ngi̍p; na-he ngì-têu sióng-oi chiông ngài liá mò-chhui ke ngìn chhut-mai pûn ngài ke thi̍t-ngìn, ngài-têu chú-siên ke Song-ti voi chhà-khon, Kì voi chit-fa̍t ngì-têu.”
[18] Ke-sṳ̀, Song-ti ke Lìn kám-thung kì-têu tông-chûng ke Â-mâ-sat (kì he “Sâm-sṳ̍p Yúng-sṳ” ke liâng-chhiu), kì thai-sâng hêm-kóng: “Thai-ví â, ngài-têu he ngì ke ngìn! Yâ-sî ke lai-é â, ngài-têu khî chhai ngì liá-phién! Ngien ngì lâu ngì ke phèn-yû chhiòn-phu phìn-ôn! Yîn-vi ngì ke Song-ti voi pông-chhu ngì.” Thai-ví chhiu chiap-na̍p kì-têu, phai kì-têu chhai kiûn-chhui cho kiûn-kôn.
[19] Thai-ví lâu Fî-li-sṳ-ngìn hi kûng-kit Só-lò-vòng ke sṳ̀, yû-têu Mâ-nâ-sî kî-chhu̍k ke chan-sṳ lòi kûi-sun Thai-ví. Sṳ-sṳ̍t sông, Thai-ví ke-sṳ̀ pin-mò pông-chhu Fî-li-sṳ-ngìn; yîn-vi Fî-li-sṳ ke-têu liâng-chhiu kiâng Thai-ví voi chhut-mai kì-têu, khoan kì-têu ke thèu-nà cho kung-vu̍t hi lâu kiâ ló chú-ngìn Só-lò kóng-fò, chhiu m̀ pûn kì khiung-ha hi.
[20] Thai-ví chón Sé-kiet-lâ lu-song ke sṳ̀, lòi kûi-sun kì ke Mâ-nâ-sî chan-sṳ yû: Ap-nâ, Yok-sat-pha̍t, Yâ-thia̍p, Mí-kâ-le̍t, Yok-sat-pha̍t, Yî-li-fu, Sé-le̍t-thai. Liá-têu ngìn ngièn-tán chhai Mâ-nâ-sî he yû kûi-chhiên ke sú-ha ke kiûn-kôn.
[21] Kì-têu chhai Thai-ví ke kiûn-chhui chûng cho kiûn-kôn, yîn-vi kì-têu chhiòn-phu he yúng-sṳ. Heu-lòi kì-têu chhai Yî-set-lie̍t kiûn-chhui ya cho kiûn-kôn.
[22] Chhâ-m̀-tô tak-ngit yû-ngìn lòi kûi-sun Thai-ví, só-yî Thai-ví ke kiûn-chhui tông-kiak chhiu sàng-cho khiòng-thai ke kiûn-chhui, chhiong Song-ti ke kiûn-chhui yit-yong.
[23] Thai-ví chhai Hî-pak-lùn ke sṳ̀, chhin-tô su-ko hiun-lien ke chan-sṳ lòi kâ-ngi̍p kì ke kiûn-chhui, oi then-sú chiông Só-lò ke vòng-vi chón-pûn Thai-ví, chhiu-chhiong Song-chú só yin-hí ke. Liá-têu kiûn-chhui ke su-muk yû: Yù-thai kî-chhu̍k: liuk-chhiên pat-pak ke chan-sṳ, chhiòn-phu yû tai tún-phài lâu chhiông; Sî-mién kî-chhu̍k: chhit-chhiên yit-pak ke yúng-kám ke chan-sṳ; Li-vi kî-chhu̍k: si-chhiên liuk-pak ngìn; Â-lùn heu-thoi Yâ-hò-yâ-thai ke chan-sṳ yû sâm-chhiên chhit-pak ngìn; heu-sâng yúng-kám ke chan-sṳ Sat-tuk ke chhîn-chhu̍k tông-chûng yû ngi-sṳ̍p ngi-ke liâng-chhiu; Phien-ngâ-mén kî-chhu̍k (Só-lò ke kî-chhu̍k) yû sâm-chhiên ngìn (thai-phu-fun ke Phien-ngâ-mén kî-chhu̍k ngìn hàn-he tui Só-lò chûng-sîm); Yî-fap-lièn kî-chhu̍k: yû lióng-van làng pat-pak ke chhut-miàng ke yúng-kám chan-sṳ; sî Mâ-nâ-sî kî-chhu̍k: yû yit-van pat-chhiên ngìn, su-sién lòi fù Thai-ví cho vòng; Yî-sat-kâ kî-chhu̍k: yû lióng-pak ke liâng-chhiu lièn-thùng kì-têu ke phu-ha (liá-têu liâng-chhiu yû chṳ-fi, sṳt sṳ̀-khiu̍k, tî Yî-set-lie̍t-ngìn yin-tông cho má-ke sṳ); Sî-pu-lùn kî-chhu̍k: yû ńg-van chûng-sîm khó-kho, voi yung tak-chúng vú-hi ke chan-sṳ, sùi-sṳ̀ cho-tet siông-chhṳ̀; Nâ-fut-thâ-li kî-chhu̍k: yû yit-chhiên ke kiûn-kôn lâu sâm-van chhit-chhiên ke nâ tún-phài lâu chhiông ke chan-sṳ; Tan kî-chhu̍k: yû lióng-van pat-chhiên liuk-pak ke su-ko hiun-lien ke ngìn; Â-sat kî-chhu̍k: yû si-van ngìn, sùi-sṳ̀ cho-tet siông-chhṳ̀; Yok-tan-hò tûng-phién ke Lî-phien, Kâ-tet, lâu tûng Mâ-nâ-sî kî-chhu̍k: yû sṳ̍p-ngi van-ke su-ko hiun-lien, cho-tet yung tak-chúng vú-hi ke ngìn.
[38] Yî-song liá-têu chan-sṳ chhiòn-phu he sùi-sṳ̀ cho-tet siông-chhṳ̀ ke. Kì-têu to Hî-pak-lùn hi, kiet-sîm sat-li̍p Thai-ví cho chhiòn Yî-set-lie̍t ke vòng. Khì-thâ ke Yî-set-lie̍t-ngìn ya chhiòn-phu lièn-ha̍p hí-lòi, oi sat-li̍p Thai-ví cho vòng.
[39] Kì-têu chhai ke-vi sâm-ngit, lâu Thai-ví khiung-ha hióng-su yèn-si̍t; liá-têu sṳ̍t-vu̍t he thùng-pâu vi kì-têu yi-phi ke.
[40] Ngìn-mìn tui yén chhai pet-fông ke Yî-sat-kâ, Sî-pu-lùn, Nâ-fut-thâ-li kî-chhu̍k chhièn-lòi, yung lì-è, lo̍k-thò, lò-è, lâu ngiù-è chai-tén mien-fún, vù-fâ-kó, phù-thò-kôn, chiú, lâu kám-lám-yù liá-têu sṳ̍t-vu̍t. Kì-têu ya tai-lòi tông-tô ngiù-yòng, chún-phi chhṳ̀ lòi sṳ̍t, yîn-vi Yî-set-lie̍t chhiòn-koet chhûng-mân fôn-hí khoai-lo̍k.