[1] Hâ-poi he Yî-set-lie̍t chóng-chṳ́ Lî-phien ke heu-thoi. (Lî-phien lâu kiâ-pâ ke se-chiá yû mò chṳn-sòng ke koân-he, só-yî sṳt-hi chóng-chṳ́ ke khièn-li. Liá-têu khièn-li kûi-pûn Yî-set-lie̍t ke lai-é Yok-sit lâu kì ke heu-thoi. Cheu chhu̍k-phú Lî-phien mò-son chóng-chṳ́.
[2] Sûi-yèn Yù-thai kî-chhu̍k chui khiòng-thai, tui kì sán-sên yit-ke liâng-chhiu, thúng-chhṳ só-yû kî-chhu̍k, chúng-he chóng-chṳ́ ke khièn-li kûi-pûn Yok-sit.)
[3] Yî-set-lie̍t ke chóng-chṳ́ Lî-phien yû si-ke lai-é — Ha̍p-nok, Fap-lu, Hî-sṳ̂-lùn, Kâ-mí.
[4] Hâ-poi he Yok-ngí cheu fu-ne chhòn hâ-lòi ke heu-thoi: Sṳ-mâ-ngâ, Kô-kiet, Sṳ-mî, Mí-kâ, Li-â-ngâ, Pâ-li̍t, Phi-lâ. Phi-lâ he Lî-phien kî-chhu̍k ke liâng-chhiu, pûn Â-sut fòng-ti Thì-kiet-lâ-Pí-lie̍t-set chok ko-hi.
[7] Chhai Lî-phien kî-chhu̍k chhu̍k-phú táng-kô só-ki ke chhu̍k-chóng miàng-è ki chhai hâ-poi: Yâ-li, Sat-kâ-li-ngâ, Pí-lâ.
[8] Pí-lâ he Â-sat ke lai-é, Sṳ-mâ ke sûn-é, su̍k Yok-ngí ke chûng-chhu̍k. Liá chûng-chhu̍k ke ngìn he̍t chhai Â-lò-ngí, ya yû-têu he̍t chhai Â-lò-ngí pet-phién chhṳ̍t-to Nì-pô lâu Pâ-li̍t-Miên.
[9] Kì-têu chhai Kî-lie̍t-thi yû yit thai-khiùn ke thèu-sâng, só-yî kì-têu cham-liâng tûng-phién ke thú-thi, chhṳ̍t-to Yu-fat-lâ-tí-hò liá-phién ke khóng-yâ.
[10] Chhai Só-lò-vòng sṳ̀-thoi, Lî-phien kî-chhu̍k kûng-tá Ha-kap-ngìn, chiông kì-têu chhṳ̀-thet, cham-liâng kì-têu chhai Kî-lie̍t tûng-phién chhiòn-phu ke thú-thi.
[11] Kâ-tet kî-chhu̍k he̍t chhai Lî-phien kî-chhu̍k pet-phién ke Pâ-sân thi-khî, hiong-tûng yit-chhṳ̍t to Sat-kâ.
[12] Kâ-tet kî-chhu̍k chûng chui chú-yeu ke khôi-sat ngìn he Yok-ngí; thi-ngi chhung-yeu ke khôi-sat ngìn he Sâ-fân; Pâ-sân thi-khî khì-thâ chûng-chhu̍k ke khôi-sat ngìn he Ngâ-nâi lâu Sâ-fap.
[13] Kâ-tet kî-chhu̍k khì-thâ ke ngìn su̍k hâ-poi chhit-ke chûng-chhu̍k: Mí-kâ-le̍t, Mí-sû-làn, Sṳ-pâ, Yok-lai, Ngâ-kôn, Se-â, Hî-pak.
[14] Kì-têu chhiòn-phu he Fu-li ke lai-é Â-pí-hài ke heu-thoi. Kì-têu ke chú-siên hiong-chhièn son-tén sông ke sun-si he: Â-pí-hài, Fu-li, Yâ-lò-â, Kî-lie̍t, Mí-kâ-le̍t, Yâ-sṳ-chhî, Yâ-ha̍p-tô, Pu-sṳ̂.
[15] Ap-pí-thia̍p ke lai-é, Kú-nì ke sûn-é Â-hî he liá-têu chûng-chhu̍k ke chhu̍k-chóng.
[16] Kì-têu he̍t chhai Pâ-sân lâu Kî-lie̍t thi-khî, lâu Sâ-lùn tak-vi ke chhó-chhòng.
[17] (Liá-têu ki-liu̍k he chhai Yù-thai-vòng Yok-thán lâu Yî-set-lie̍t-vòng Yâ-lò-pô-ôn cho vòng khì-kiên phiên-siá ke.)
[18] Lî-phien, Kâ-tet lióng kî-chhu̍k lâu tûng Mâ-nâ-sî kî-chhu̍k yû hiun-lien chîn-liòng ke kiûn-chhui si-van si-chhiên chhit-pak liuk-sṳ̍p ngìn; kì-têu chhin voi yung tún-phài, tô-kiam lâu kiûng-chien.
[19] Kì-têu hi kûng-tá Yî-thut, Nâ-fî-sṳ̂, lâu Nò-tap ke Ha-kap chhu̍k-ngìn.
[20] Kì-têu sin-kho Song-ti, hiong Kì khì-khiù pông-chhu, Song-ti thâng kì-têu ke khì-tó, chiông Ha-kap-ngìn lâu kì-têu ke mèn-koet chhiòn-phu kâu chhai kì-têu ke sú-chûng.
[21] Kì-têu tui thi̍t-ngìn ke-vi chhióng-tó ńg-van chak lo̍k-thò, ngi-sṳ̍p ńg-van chak yòng-è, lióng-chhiên chak lì-è, yu chok-tó sṳ̍p-van ngìn.
[22] Kì-têu chhṳ̀-thet chhin-tô thi̍t-ngìn, yîn-vi liá chan-chên he Song-ti ke chṳ́-yi. Kì-têu he̍t chhai ke thi-khî, yit-chhṳ̍t to pûn-ngìn chok-hi ngoi-koet ke sṳ̀.
[23] Tûng Mâ-nâ-sî kî-chhu̍k thin-kî chhai Pâ-sân thi-khî, hiong-pet to Pâ-li̍t-Het-mùn, Sṳ-nì-ngí lâu Het-mùn-sân. Kì-têu ngìn-khiéu chen-kâ tông-kiak.
[24] Kì-têu tak chûng-chhu̍k chhu̍k-chóng ke miàng ki chhai hâ-poi: Yî-fut, Yî-sṳ, Yî-lie̍t, Â-sṳ̂-lie̍t, Yâ-li-mí, Hò-tha̍t-vî-ngâ, Ngâ-thia̍p. Liá-têu ngìn chhiòn-phu he yû-siu ke kiûn-ngìn, he liá-chhu̍k tông-chûng yû-miàng ke liâng-chhiu.
[25] Yok-tan-hò tûng-phién lióng kî-chhu̍k lâu pan kî-chhu̍k ke ngìn-mìn tui kì-têu chú-siên ke Song-ti mò chûng-sîm, lì-khôi Kì, hi pai ke-thi ngièn-chhu-mìn ke sṳ̀n-mìn; Song-ti sṳt tui liá-te thú-thi chiông ke-têu ngièn-chhu-mìn kiuk-chéu.
[26] Só-yî Yî-set-lie̍t ke Song-ti kit-thung Â-sut fòng-ti Phû-le̍t (yu ôn-to Thì-kiet-lâ-Pí-lie̍t-set) lòi chhîm-fam kì-têu. Phû-le̍t fòng-ti chok-tó Lî-phien, Kâ-tet lâu tûng Mâ-nâ-sî kî-chhu̍k ke ngìn, chiông kì-têu chok-to Ha̍p-la̍p, Ha̍p-pok, Ha̍p-lâ lâu Kô-san hò-pa sùn, kì-têu ke heu-thoi chhṳ̍t-to kîm-pû-ngit hàn chhai ke-vi.