[1] پس سن ای اؤزگه‌سئنی موحاکئمه‌یه چکن آدام، کئم اولورسان اول، سن ده عوذورسوزسن، چونکی اؤزگه‌سئنی موحاکئمه ادن واخت، اؤزونو ده محکوم ادئرسن. اونا گؤره کی، اؤزگه‌سئنی موحاکئمه اده‌رک، اؤزون ده همن ائشلری ادئرسن.
[2] و بئز بئلئرئک کی، تارینین موحاکئمه‌سی بله ائشلری ادنلرئن ضئدّئنه حقئقت اساسی اوستونده‌دئر.
[3] ای بله ائشلر‌له مشغول اولانلاری محکوم ادئب اؤزو ده همن ائشلره عمل ادن آدام! مگر اِله گومان ادئرسن کی، تارینین موحاکئمه‌سئندن قاچا بئله‌جکسن؟
[4] و یا اونون حدسئز مهرئبانلیغینا، تحمّولونه، و صبئرلئیئنه حقارت گؤزو ائله باخیرسان؟ آنلامیرسان کی، تارینین مهرئبانلیغی سنی تؤوبه‌یه آپاریر؟
[5] لاکئن تارینین قضبئنئن و عادئل موحاکئمه‌سئنئن ظاهئر اولدوغو گونونده، قساوتلئیئنه و تؤوبه-اتمز اوره‌یئنه گؤره اؤزون اوچون قضب ییغیرسان.
[6] او تاری کی، هرکسه اؤز عمل‌لرئنه گؤره عوضئنی وره‌جک؛
[7] داواملا یاخشیلیق ادئب عئزّت، حؤرمت و قیری‌‌فانی شیلری آختارانلارا ابدی حیات،
[8] آمّا اؤز منفعتلرئنی گودنلره، حقئقته باش اَیمه‌یئب حاقسیزلیقدان ائطاعت ادنلره، قضب و حئدّت.
[9] پئسلئک ادن هر آداما دارلیق و ذلئل‌لئک؛ اوّلجه یهودئیه، سونرا دا قیرییهودئیه.
[10] آمّا یاخشیلیق ادن هر آداما عئزّت، حؤرمت و باریش؛ اوّلجه یهودئیه، سونرا دا قیرییهودئیه.
[11] چونکی تاری ائنسانلار آراسیندا فرق قویماز.
[12] شرئعتی بئلمه‌دن گوناه ادنلرئن هامیسی شرئعتسئز ده هلاک اولاجاقلار. شرئعتی بئله‌رک گوناه ادنلرئن ده هامیسی شرئعتله موحاکئمه اولوناجاقلار.
[13] چونکی تارینین نظرئنده شرئعتی اشئدنلر یوخ، اونا عمل ادنلر صالح ساییلیرلار.
[14] دوغرودان دا، شرئعته مالئک اولمایان مئلّتلر او زامان کی، شرئعتئن طلب اتدئکلرئنی طبئعتن یرئنه یتئرئرلر، شرئعته مالئک اولمادیقلاری حالدا، بونلار اؤزلری اؤزلرئنه شرئعتدئر.
[15] اونلار بونونلا گؤرسدئرلر کی، شرئعتئن طلب اتدئکلری اونلارین اورَکلرئنده یازیلیب. وئجدانلاری بونا شاهئددئر و فئکئرلری گاه اونلارا ائتّئهام وورور، گاه دا اونلاردان دئفاع ادئر.
[16] منئم یایدیغیم ائنجئله گؤره، او گون کی، تاری، عئسا مسئحئن واسئطه‌‌سی‌ائله ائنسانلارین گئزلی ائشلرئنی موحاکئمه اده‌جک، بله اولاجاق.
[17] ائندی سن، اگر اؤزونو یهودی چاغیریرسان و شرئعته بل باغلاییب تارییا فخر ادئرسن؛
[18] اگر شرئعتدن تعلئم آلدیغینا گؤره، اونون ائراده‌سئنی بئلئب لاپ اوستون دَیَرلری آییرد ادئرسن؛
[19] اگر آرخایینسان کی، شرئعتده علمئن و حقئقتئن اساسینی تاپدیغینا گؤره، کورلارا بلدچی، قارانلیقدا اولانلارا ائشیق، عاغیلسیزلارا اوستاد و کؤرپه‌لره موعلّئمسن،
[21] بس نه اوچون اؤزگه‌لره اؤیرَدن حالدا، اؤزونه اؤیرتمئرسن؟ اوغورلاماماغی وعظ ادئب، اؤزون اوغورلاییرسان؟
[22] «زئنا اتمه» ددئیئن حالدا، اؤزون زئنا ادئرسن؟ بوتلردن نئفرت اتدئیئن حالدا، معبدلری سویورسان؟
[23] شرئعته فخر ادن حالدا، اونو پوزوب تارینی حؤرمتسئز ادئرسن؟
[24] نجه کی، یازیلیب: «سئزئن اوزونوزدن قیری‌‌یهودئلر آراسیندا تارینین آدینا کوفر دیئلئر.»
[25] ختنه‌نئن آنجاق او زامان دَیَری وار کی، سن شرئعته عمل اده‌سن؛ لاکئن اگر سن شرئعتی پوزورسان، ختنه اولونمامیش کئمی اولورسان.
[26] اگر ختنه اولونمایان شرئعتئن طلب اتدئکلرئنی یرئنه یتئرسه، مگر اونون ختنه اولونمادیغی اونا ختنه ساییلماز؟!
[27] او آدام کی، جئسمن ختنه اولونماییب لاکئن شرئعتی یرئنه یتئرئر، سنی محکوم اده‌جک؛ سن کی، موقدّس یازیلارا و ختنه‌یه صاحئب اولدوغون حالدا، شرئعتی پوزانسان.
[28] چونکی ظاهئری یهودی اولان یهودی دیئل، ظاهئرده، جئسمده ختنه اولونان دا ختنه‌لی دیئل.
[29] خیر، ائچدن یهودی اولان یهودی‌دئر؛ ختنه ده اوره‌یئن ختنه اولونماسی‌دیر کی، او دا موقدّس یازیلارلا یوخ، روحون وسئله‌سی‌ائله اولور. بله آدامین تعرئفی ده ائنساندان یوخ، تاریداندیر.