[1] ای قارداشلار، اوره‌یئمده‌کی آرزو و ائسرایئل اوچون تارییا دوعام، اونلارین خئلاصی اوچوندور.
[2] چونکی اونلارین باره‌سئنده شهادت ورئرم کی، تاری اوچون قیرتلری وار، لاکئن درک اوستونده دیئل.
[3] چونکی تاریدان گلن صالحلئیی آنلاماییب، اؤز صالحلئکلرئنی برقرار اتمه‌یه چالیشماقلا تارینین صالحلئیئنه تابع اولمادیلار.
[4] اونا گؤره کی، مسئح هر ائمان گتئره‌نئن صالح ساییلماسی اوچون شرئعتئن نهایتی‌دئر.
[5] چونکی موسا شرئعتدن گلن صالحلئک حاقیندا یازیر کی، اونو یرئنه یتئرن آدام، اونونلا یاشایاجاق.
[6] آمّا ائماندان گلن صالحلئک بله دیئر: «اوره‌یئنده دمه کی، گؤیه کئم قالخاجاق (کی، مسئحی اِندئرسئن)؟»
[7] و یا اؤلولر دئیارینا کئم اِنه‌جک (کی، مسئحی اؤلولردن قالدیرسین)؟
[8] بس نه دیئر؟ کلام سنه یاخیندیر، آغزیندا و اوره‌یئنده‌دئر. یعنی، او ائمان کلامی کی، بئز اونو وعظ ادئرئک.
[9] چونکی اگر سن آغزینلا عئسانین رب اولدوغونو ائقرار ادئب، اورَکدن ائناناسان کی، تاری اونو اؤلولردن دئرئلتدی، نئجات تاپارسان.
[10] اونا گؤره کی، ائنسان اورَکدن ائمان اتمکله صالح ساییلیر، ائمانینی آغزی ائله ائقرار اتمکله نئجات تاپیر.
[11] چونکی موقدّس یازی دیئر: «اونا ائمان گتئرن هچ کئم اوتاندیریلمایاجاقدیر.»
[12] اونون اوچون کی، یهودی ائله قیری‌‌‌یهودی آراسیندا فرق یوخدور. هامیسینین ربّی بئردئر، اونو چاغیرانلارین هامیسینا دا سخاوتله برکت ورئر.
[13] چونکی «ربّئن آدینی چاغیران هر کس نئجات تاپاجاق.»
[14] آمّا ائمان گتئرمه‌دئکلری او کئمسه‌نی نجه چاغیراجاقلار؟ اشئتمه‌دئکلری کئمسه‌یه نجه ائمان گتئره‌جکلر؟ وعظ ادن اولماسا، نجه اشئده‌جکلر؟
[15] و اگر گؤندَ‌رئلمه‌سه‌لر، نجه وعظ اده‌جکلر؟ نجه کی، یازیلیب: «نه گؤزَلدئر یاخشی شیلری موژده ورنلرئن آیاقلاری!»
[16] آمّا موژده‌یه هامی قولاق آسمادی. چونکی اِشَعیا دیئر: «یارب، وردئیئمئز خبره کئم ائناندی؟»
[17] بله‌جه ائمان اشئتمکدن، اشئتمک ده مسئحئن کلامی ائله دئر.
[18] لاکئن دیئرم؛ مگر اشئتمه‌دئلر؟ البتّه کی، اشئتدئلر. اونلارین سسی بوتون یر اوزونه، سؤزلری دونیانین اوجلارینا قدر چاتدی.
[19] بئر ده دیئرم؛ مگر ائسرایئل آنلامادی؟ موسا اوّلجه‌دن دیئر: «طایفا اولمایانلا سئزی قیرته گتئره‌جه‌یم، فهمسئز بئر طایفا ائله سئزی حئرصلندئره‌جه‌یم.»
[20] لاکئن اِشَعیا جورعت ادئب دیئر: «منی آختارمایانلار منی تاپدیلار، منی طلب اتمه‌ینلره، من ظاهئر اولدوم.»
[21] لاکئن ائسرایئل حاقّیندا بله دیئر: «بوتون گون اللرئمی، ائطاعتسئز و عاصی بئر خالقا اوزاتدیم.»