[1] یوشَع سحر اِرکَن قالخدی؛ اونونلا بئرلئکده بوتون ائسرایئل اؤولادلاری شئتّئمدن چیخیب اوردون چایینا گلدئلر. اونلار چایی کچمزدن اوّل اورادا قالدیلار.
[2] اوچونجو گونون آخیریندا سرکرده‌لر اوردوگاهی گَزدئلر.
[3] و خالقا امر ادئب ددئلر: «تارینیز ربّئن عهد ساندیغینی لاوئلی‌لردن اولان کاهئنلرئن داشیدیغینی گؤرنده، سئز ده یرئنئزدن قالخیب اونون دالینجا گدئن.
[4] آنجاق سئزئنله اونون آراسیندا ائکی مئن قول‌آچا قدر مسافه اولمالی‌دیر. اونا یاخینلاشمایین کی، هانسی یوللا گده‌جیئنئزی بئله‌سئنئز، چونکی سئز قاباق هچ واخت بو یولدان کچمه‌یئبسئنئز.»
[5] سونرا یوشَع خالقا ددی: «اؤزونوزو تقدئس ادئن، چونکی صاباح رب آرانیزدا مؤجوزه‌لر گؤرسده‌جک.»
[6] کاهئنلره ده بله ددی: «عهد ساندیغینی گؤتورون و خالقین قاباغیندا گدئن.» اونلار دا عهد ساندیغینی گؤتوروب، خالقین قاباغیندا گتدئلر.
[7] رب یوشَعه ددی: «بو گون من سنی بوتون ائسرایئللی‌لرئن گؤزونده اوجالتماغا باشلایاجاغام کی، اونلار موسا ائله اولدوغوم کئمی سنئنله ده اولدوغومو بئلسئنلر.
[8] بوندان علاوه، عهد ساندیغینی داشییان کاهئنلره امر ادئب دِه: ”سئز اوردون چایینین کنارینا چاتاندا اورادا دایانین.“»
[9] یوشَع ائسرایئل اؤولادلارینا ددی: «بورایا یاخینلاشین و تارینیز ربّئن سؤزلرئنی اشئدئن.»
[10] یوشَع ددی: «وار اولان تارینین آرانیزدا اولماسینی بوندان بئله‌جکسئنئز کی، او سئزئن قاباغینیزدان کَنَعانلی‌لاری، خئتلی‌لری، خئولی‌لری، پِرئزلی‌لری، گئرگاشلی‌لاری، اِمورلولاری و یِبوسلولاری حتمن قوواجاق.
[11] باخ، بوتون یِر اوزونون صاحئبئنئن عهد ساندیغی سئزدن قاباق کچئب اوردون چایینا گئره‌جک.
[12] ائندی اؤزونوزه ائسرایئل قبئله‌لرئندن اون‌ائکی کئشی گؤتورون، یعنی هر قبئله‌دن بئر نفر.
[13] بوتون یِر اوزونون صاحئبی ربّئن ساندیغینی داشییان کاهئنلرئن آیاقلاری اوردون چایینین سولارینا دَیَن واخت، چایین سولاری کسئله‌جک. یوخاریدان آخان سولار، ییغین حالیندا دایاناجاق.»
[14] بله‌جه خالق اوردون چایینی کچمک اوچون چادیرلاریندان چیخاندا، عهد ساندیغینی داشییان کاهئنلر خالقین قاباغیندا گدئردئلر.
[15] محصول واختی عرضئنده، اوردون چایینین سولاری داشیب بوتون ساحئل‌لرئنی باسیردی. ساندیغی داشییان کاهئنلر اوردونا گئرنده و اونلارین آیاقلاری چایین سولارینا دَیَنده،
[16] یوخاریدان آخان سولار چوخ اوزاقدا، صارِتان یانیندا اولان آدام شهرئنده، ییغین حالیندا دایانیب قالخدی؛ عَرابا گؤلونه، یعنی دوز گؤلونه آخان سولار کامئل کسئلدی. بله‌جه خالق چایی اَرئحانین موقابئلئنده کچدی.
[17] ربّئن عهد ساندیغینی داشییان کاهئنلر ده اوردون چایینین اورتاسیندا قورولوق یرده مؤحکم دوردولار. بوتون ائسرایئللی‌لر اوردون چایینی کامئل کچنه قدر قورولوق یرده گدئردئلر.