[1] او زامان کی، اورشلئم پادشاهی اَدونی‌صِدِق اشئتدی کی، یوشَع عای شهرئنی آلیب و اونو کامئل محو ادئب (نجه کی، هم اَرئحا ائله پادشاهینین، هم ده عای شهری ائله پادشاهینین باشینا گتئرمئشدی)، گئبعون اهالئسی ده ائسرایئللی‌لرله صولح باغلاییب اونلارین آراسیندادیرلار،
[2] چوخ قورخویا دوشدو، چونکی گئبعون شهری شاه‌نشئن شهرلردن بئری کئمی بؤیوک بئر شهر ائدی. گئبعون عای شهرئندن ده بؤیوک ائدی و اورانین بوتون آداملاری ائگئد ائدئلر.
[3] بونون اوچون اورشلئم پادشاهی اَدونی‌صِدِق، خِبرون پادشاهی هوهاما، یَرموت پادشاهی پئراما، لاکئش پادشاهی یافئعَعه و عِگلون پادشاهی دِبئره خبر گؤندَ‌رئب ددی:
[4] «یانیما گلئب گئبعونلولاری قیرماقدا منه کؤمک ادئن، چونکی اونلار یوشَع و ائسرایئل اؤولادلاری ائله صولح ادئبلر.»
[5] بله‌جه بش اِمور پادشاهی یعنی اورشلئم پادشاهی، خِبرون پادشاهی، یَرموت پادشاهی، لاکئش پادشاهی، عِگلون پادشاهی، بوتون قوشونلاری بئرلَشدئرئب چیخدیلار و گئبعون قاباغیندا اوردوگاه قوروب اونونلا ووروشدولار.
[6] گئبعون آداملاری گئلگالداکی اوردوگاها، یوشَعه خبر گؤندَ‌رئب ددئلر: «اَلئنی قوللارینین اوستوندن چکمه، تز یانیمیزا گل، بئزی قورتار و بئزه کؤمک ات. چونکی داغلیقدا یاشایان بوتون اِمور پادشاهلاری بئزئم ضئدّئمئزه بئرلَشئبلر.»
[7] یوشَع، اونونلا بئرلئکده بوتون دؤیوشچولر و بوتون ائگئد آداملار گئلگالدان چیخدیلار.
[8] رب یوشَعه ددی: «اونلاردان قورخما، چونکی اونلاری سنه تسلئم اتمئشم؛ اونلاردان هچ کئم سنئن قاباغیندا دورا بئلمیه‌جک.»
[9] یوشَع گئلگالدان بوتون گجه‌نی یول گدئب قَفلَتَن اونلارین اوستونه گلدی.
[10] رب اونلاری ائسرایئللی‌لرئن قاباغیندا گئجَلتدی، و ائسرایئللی‌لر اونلاری گئبعوندا بؤیوک بئر شکئلده قیردیلار و اونلاری بِیت خورونا چیخان یول بویونجا تعقئب ادئب عَزِقا و مَقّدایا قدر قیردیلار.
[11] اِمورلولار ائسرایئللی‌لرئن قاباغیندان قاچدیقلاری زامان، بِیت خورون اِنئشئنده ائکن، رب اونلارین اوستونه عَزِقایا قدر گؤیدن بؤیوک داشلار آتدی و اونلار اؤلدولر؛ داش دولوسو ائله اؤلَنلر ائسرایئل اؤولادلارینین قیلینجلا اؤلدوردوکلرئندن داها چوخ ائدی.
[12] رب اِمورلولاری ائسرایئل اؤولادلارینا تسلئم اتدئیی گون یوشَع ربّه یالواردی و ائسرایئللی‌لرئن گؤزو قاباغیندا ددی: «ای گونش، گئبعون اوستونده دایان، ای آی، سن ده اَیّالون دره‌سئنده.»
[13] ائسرایئل خالقی دوشمنلرئندن قئصاص آلانا قدر گونش اورادا دایاندی و آی یرئنده قالدی. مگر بو، یاشار کئتابیندا یازیلماییبدیر؟ گونش گؤیون اورتاسیندا دوردو و گِجئدئب تخمئنَن بوتون گون باتمادی.
[14] ربّئن ائنسان سَسئنی اشئتدئیی او گون کئمی بئر گون، نه اوندان اوّل، نه ده اوندان سونرا اولدو؛ چونکی رب ائسرایئل اوچون ووروشدو.
[15] سونرا یوشَع و اونونلا بئرلئکده بوتون ائسرایئللی‌لر گئلگالداکی اوردوگاها قاییتدیلار.
[16] بو بش پادشاه قاچیب مَقّدادا اولان ماغارادا گئزلَندئلر.
[17] یوشَعه خبر وردئلر: «بش پادشاه تاپیلیب. اونلار مَقّداداکی ماغارادا گئزله‌نئبلر.»
[18] یوشَع ددی: «ماغارانین آغزینا بؤیوک داشلار یووارلادین و یانینا آداملار قویون کی، اونو گؤز آلتیندا ساخلاسینلار.
[19] لاکئن سئز اؤزونوز دایانمایین؛ دوشمنلرئنئزی تعقئب ادئن و اونلارا آرخادان هوجوم گتئرئن. اونلاری قویمایین کی، شهرلرئنه گئرسئن. چونکی تارینیز رب اونلاری سئزه تسلئم ادئب.»
[20] یوشَع و ائسرایئل اؤولادلاری دوشمنی، محو اولاناجاق، چوخ آغیر بئر شکئلده قیردیلار. صاغ قالانلار قالالی شهرلرده پناه توتدولار.
[21] بوتون خالق مَقّداداکی اوردوگاها، یوشَعئن یانینا سالامات قاییتدی و بوندان سونرا ائسرایئل اؤولادلارینین ضئدّئنه هچ کئم بئر سؤز دئیه بئلمه‌دی.
[22] او واخت یوشَع ددی: «ماغارانین آغزینی آچین، بو بش پادشاهی منئم یانیما گتئرئن.»
[23] اِله ده اتدئلر، ماغارادان بو بش پادشاهی یعنی اورشلئم پادشاهینی، خِبرون پادشاهینی، یَرموت پادشاهینی، لاکئش پادشاهینی و عِگلون پادشاهینی اونون یانینا گتئردئلر.
[24] بو پادشاهلاری یوشَعئن یانینا گتئرن زامان، او بوتون ائسرایئل آداملارینی چاغیردی. اونونلا گدن دؤیوشچولرئن باشچیلارینا ددی: «یاخینلاشین، آیاقلارینیزی بو پادشاهلارین بوینونا قویون.» اونلار یاخینلاشیب آیاقلارینی اونلارین بوینونا قویدولار.
[25] یوشَع اونلارا ددی: «قورخمایین، اوره‌یئنئز اوزولمه‌سئن. گوجلو و جسارتلی اولون. چونکی رب ووروشاجاغینیز بوتون دوشمنلرئنئزئن باشینا بله اده‌جک.»
[26] اوندان سونرا یوشَع اونلاری ووروب اؤلدوردو. اونلاری بش آغاجدان آسدی و آخشاما کئمی آغاجدان آسیلی قالدیلار.
[27] گون باتاندا یوشَع امر اتدی کی، اونلاری آغاجدان اِندئرسئنلر و اونلاری گئزلَندئکلری ماغارایا آتدیلار. ماغارانین آغزینا دا بؤیوک داشلار قویدولار و بو داشلار بو گونه قدر ده اورادادیر.
[28] یوشَع او گون مَقّدانی آلدی، اونو و اونون پادشاهینی قیلینج آغزینا وردی؛ اونو و اوندا اولان هر کسی کامئل محو اتدی. بئر آدامی بِله، صاغ بوراخمادی. اَرئحا پادشاهینین باشینا گتئردئیئنی، مَقّدا پادشاهینین دا باشینا گتئردی.
[29] یوشَع و اونونلا بئرلئکده بوتون ائسرایئللی‌لر، مَقّدادان لئبنایا کچدئلر و لئبنانین ضئدّئنه ووروشدولار.
[30] رب هم شهری، هم ده اونون پادشاهینی ائسرایئللی‌لره تسلئم اتدی. یوشَع پادشاهی و اورادا اولان بوتون آداملاری قیلینجدان کچئردئب بئر آدامی بِله، صاغ بوراخمادی. اَرئحا پادشاهینین باشینا گتئردئیئنی، اورانین پادشاهینین دا باشینا گتئردی.
[31] یوشَع و اونونلا بئرلئکده بوتون ائسرایئللی‌لر لئبنادان لاکئشه کچدئلر و اونلارین قاباغیندا اوردوگاه قوروب لاکئشلی‌لرله ووروشدولار.
[32] رب لاکئشی ائسرایئللی‌لره تسلئم اتدی؛ یوشَع اورانی ائکئنجی گون آلدی. لئبنادا اتدئکلری کئمی، لاکئش و اوراداکی بوتون آداملاری دا قیلینجدان کچئرتدئلر.
[33] او زامان گِزِر پادشاهی خورام، لاکئشه کؤمک اتمک اوچون گلدی. یوشَع او و اونون خالقینی دا قیردی و هچ کسی صاغ بوراخمادی.
[34] یوشَع و اونونلا بئرلئکده بوتون ائسرایئللی‌لر لاکئشدن عِگلونا کچدئلر و اوردوگاه قوروب عِگلونلولارلا ووروشدولار.
[35] اِله همئن گون اورانی آلدیلار و قیلینجدان کچئرتدئلر؛ لاکئشده اتدئکلری کئمی، عِگلونداکی بوتون آداملاری او گون کامئل محو اتدئلر.
[36] سونرا یوشَع و اونونلا بئرلئکده بوتون ائسرایئللی‌لر، عِگلوندان خِبرونا کچدئلر و اوراداکی‌لارلا ووروشدولار.
[37] اورانی دا آلیب پادشاهینی، بوتون کَندلری و بوتون اهالئسئنی قیلینجدان کچئرتدئلر. یوشَع عِگلوندا اتدئکلری کئمی، خِبروندا دا دئری بئر آدام قویمادی؛ اورانی و اوراداکی بوتون آداملاری کامئل محو اتدی.
[38] یوشَع و اونونلا بئرلئکده بوتون ائسرایئللی‌لر، دِبئره قاییتدیلار و اوراداکی‌لارلا ووروشدولار.
[39] یوشَع دِبئری، پادشاهینی و بوتون کَندلرئنی آلیب اهالئسئنی قیلینجدان کچئرتدی. اورادا اولان بوتون آداملاری کامئل محو اتدی. بئر آدام بِله، صاغ قویمادی. یوشَع خِبرونون، لئبنانین و اونون پادشاهینین باشینا گتئردئیئنی، دِبئرئن و اونون پادشاهینین دا باشینا گتئردی.
[40] بله‌جه یوشَع بوتون اؤلکه‌نی یعنی داغلیق یرلری، نِگِبی، هامار بؤلگه‌نی و داغ یاماجلارینی توتدو و بوتون او یرلرئن پادشاهلارینی قیردی. ائسرایئلئن تاریسی ربّئن امر اتدئیی کئمی، بئر آدامی بِله، صاغ بوراخمادی، نَفَس آلان هر آدامی کامئل محو اتدی.
[41] یوشَع قِدِش‌بَرنِعه‌دن غَزّه‌یه قدر، بوتون گوشِن دئیاریندا یاشایانلاری حتّا گئبعونا قدر مغلوب اتدی.
[42] یوشَع بوتون بو پادشاهلاری و اونلارین اؤلکه‌لرئنی بئر موحارئبه‌ده آلدی، چونکی ائسرایئلئن تاریسی رب، ائسرایئل اوچون ووروشدو.
[43] بله‌جه یوشَع و اونونلا بئرلئکده بوتون ائسرایئللی‌لر گئلگالداکی اوردوگاها قاییتدیلار.