[1] یوشَع یاشلانیب قوجالمیشدی. رب اونا ددی: «سن قوجالیب یاشلی اولوبسان، و چوخ یر حله قالیب کی، گرک آلینسین.
[2] قالان یرلر بونلاردیر: فئلئسطلی‌لرئن بوتون بؤلگه‌لری، گِشورلولارین بوتون تورپاقلاری؛
[3] مئصئر قاباغیندا اولان شئخور چاییندان شئمالا طرف کَنَعانلی‌لارین تورپاغی ساییلان عِقرون سرحدئنه قدر تورپاقلار؛ فئلئسطلی‌لرئن بش آغاسینا عایید، غَزّه‌لئلرئن، اَشدودلولارین، اِشقِلونلولارین، گَتلی‌لرئن تورپاقلاری و عِقرونلولارین آغالارینا عایید، تورپاقلار؛ عَوّه‌لئلرئن تورپاغی؛
[4] جنوبدا بوتون کَنَعان تورپاغی، صئدونلولارا مخصوص، ماغارادان اَفِقه یعنی اِمورلولارین سرحدلرئنه قدر اولان تورپاقلار؛
[5] گِباللی‌لارین تورپاغی، خِرمون داغی اَته‌یئنده اولان بَعَل‌گاددان خَمات کِچئدئنه قدر شرقه طرف بوتون لوبنان؛
[6] لوبناندان مِسرِفوت‌مه‌یئمه قدر بوتون داغلیق اهالئسی و حتّا بوتون صئدونلولار. بونلاری ائسرایئل اؤولادلارینین قاباغیندان من اؤزوم قوواجاغام. لاکئن بو تورپاقلاری سنه امر اتدئیئم کئمی ائسرایئللی‌لره ائرث اولاراق بؤل.
[7] ائندی بو یرلری دوقّوز قبئله ائله مِنَسّه قبئله‌سئنئن یاریسینا ائرث اولاراق بؤل.»
[8] مِنَسّه قبئله‌سئنئن یاریسی ائله بئرلئکده رِعوبئنلئلر و جادلی‌لار موسانین اوردون چایینین شرق طرفئنده اونلارا وردئیی ائرث تورپاقلاری آلمیشدیلار، نجه کی، ربّئن قولو موسا اونلارا ورمئشدی؛
[9] اَرنون دره‌سئنئن کناریندا اولان عَروعِردن دره‌نئن اورتاسیندا اولان شهر، دئبونا قدر بوتون مِدِبا یایلاسی؛
[10] عَمّونلولارین سرحدئنه قدر خِشبوندا حؤکمرانلیق ادن اِمورلولارین پادشاهی سئخونون بوتون شهرلری؛
[11] گئلعاد، گِشورلولار و مَعَکاتلی‌لارین تورپاقلاری، بوتون خِرمون داغی، سَلکایا قدر بوتون باشان؛
[12] عوگون بوتون تورپاقلاری کی، عَشتاروت و اِدرِعی‌ده حؤکمرانلیق ادئردی. رِفالی‌لاردان آنجاق تَک او اورادا قالمیشدی، چونکی موسا اونلاری ووروب قووموشدو.
[13] لاکئن ائسرایئللی‌لر گِشورلولاری و مَعَکاتلی‌لاری قوومادیلار. گِشورلولارلا مَعَکاتلی‌لار بو گونه قدر ائسرایئللی‌لر آراسیندا یاشاییرلار.
[14] آمّا لاوی قبئله‌سئنه ائرث اولاراق تورپاق ورئلمه‌دی، چونکی ربّئن موسایا ددئیی کئمی، اونلارین ائرثی ائسرایئلئن تاریسی ربّه گتئرئلَن اود تقدئملردئر.
[15] موسا رِعوبئن اؤولادلارینین قبئله‌سئنه نسئللرئنه گؤره پای وردی.
[16] اونلارین سرحدی بله ائدی: اَرنون دره‌سی کنارینداکی عَروعِردن، بو دره‌نئن اورتاسینداکی شهر و مِدِبا یانیندا اولان بوتون یایلا؛
[17] خِشبون و یایلادا یِرلَشن شهرلرئن هامیسی یعنی دئوون، باموت‌بَعَل، بِیت‌بَعَل‌مِعون،
[18] یَهصا، قِدِموت، مِپاعَت،
[19] قئریاته‌یئم، سئبما، دره داغیندا اولان صِرِت‌شَخَر،
[20] بِیت‌پِعور، پئسگاه یاماجلاری، بِیت-یِشئموت،
[21] حتّا بو یایلانین بوتون شهرلری و خِشبوندا حؤکمرانلیق ادن اِمورلولار پادشاهی سئخونون بوتون اؤلکه‌سی کی، موسا سئخونو و مئدیان باشچیلاری اولان اِوی، رِقِمی، صورو، خورو، و رِبه‌عی ووردو. بو آغالار سئخونون اؤلکه‌سئنده یاشاییردیلار.
[22] ائسرایئل اؤولادلاری اؤلدوردوکلری آداملارلا بئرلئکده بِعور اوغلو فالچی بَلعامی دا قیلینجدان کچئرتدئلر.
[23] رِعوبئن اؤولادلارینین سرحدی اوردون چایی ائدی. بو رِعوبئن اؤولادلارینین نسئللرئنه گؤره ائرثی اولان شهرلر و کَندلری ائدی.
[24] موسا جاد قبئله‌سئنه، جاد اؤولادلارینا نسئللرئنه گؤره تورپاق وردی.
[25] اونلارین سرحدی بله ائدی: یَعزِر، گئلعادین بوتون شهرلری و عَمّون اؤولادلاری اؤلکه‌سئنئن یاریسی کی، رَبّا موقابئلئنده اولان عَروعِره قدر اوزانمیشدی.
[26] خِشبوندان رامَت‌مئصپِه و بِطونئمه قدر؛ مَخَنه‌یئمدن دِبئر سرحدئنه قدر؛
[27] دره‌ده بِیت‌هارام، بِیت‌نئمرا، سوکّوت، صافون، خِشبون پادشاهی سئخونون اؤلکه‌سئنئن قالان حئصّه‌سی، اوردون چایی ائله اونون ساحئل تورپاقلاری، اوردون چایینین شرق طرفئندن کئنّروت گؤلونون جنوب ساحئلئنه قدر ائدی.
[28] جاد اؤولادلارینین نسئللرئنه گؤره تورپاق ائرثی اولان شهرلر و اونلارین کَندلری بونلار ائدی.
[29] موسا مِنَسّه قبئله‌سئنئن یاریسینا دا تورپاق وردی کی، بو دا مِنَسّه اؤولادلاری قبئله‌سئنئن یاریسی اوچون نسئللرئنه گؤره ائدی.
[30] اونلارین تورپاغی مَحنه‌یئمدن، بوتون باشان دئیاری، باشان پادشاهی عوگون بوتون اؤلکه‌سی و باشاندا اولان یاعئرئن بوتون قصبه‌لر ائدی کی، آلتمیش شهر اولسون.
[31] گئلعادین یاریسی باشان پادشاهی عوگون اؤلکه‌سئنده‌کی عَشتاروت و اِدره‌عی شهرلرئنی ده اَحاطه ادئردی. بونلار مِنَسّه اوغلو ماکئر اؤولادلارینا نسئللرئنه گؤره، ماکئر اؤولادلارینین یاریسینا ورئلمَک اوچون ائدی.
[32] بونلار او تورپاقلار ائدی کی، اَرئحا شهرئنئن موقابئلئنده، اوردون چایینین شرق طرفئنده‌کی موآب اووالاریندا موسا ائرث اولاراق بؤلموشدو.
[33] آنجاق موسا لاوی قبئله‌سئنه ائرث اولاراق تورپاق ورمه‌دی؛ اونلارین ائرثی ائسرایئلئن تاریسی ربدئر. نجه کی، اونلارا وعده ورمئشدی.