[1] سونرا رب یوشَعله دانیشیب اونا ددی:
[2] «ائسرایئل اؤولادلارینا دِه: ”اؤزونوز اوچون موسا واسئطه‌سی‌ائله ددئیئم سیغیناجاق شهرلری سچئن کی،
[3] بئلمه‌دن، سهون بئر آدامی اؤلدورن قاتئل اورایا قاچسین. اورا سئزئن اوچون قان قئصاصینی آلان آدامدان سیغیناجاق یری اولسون.
[4] قوی قاتئل بو شهرلردن بئرئنه قاچسین، شهر قاپیسینین گئره‌جیئنده دورسون. اورادا او شهرئن آغساقّاللارینا اؤز عملئنی دانیشسین. اونلار دا اونو شهره، یانلارینا آپارسینلار و اونا یر ورسئنلر کی، اونلارلا یاشاسین.
[5] اگر قان قئصاصی آلان اونو تعقئب اتسه، او زامان قاتئلی اونا تسلئم اتمه‌سئنلر، چونکی قونشوسونو بئلمه‌دن اؤلدوروب، اوّلدن اونونلا عداوتی یوخ ائدی.
[6] بو آدام جاماعات موقابئلئنده موحاکئمه اولانا قدر و او دؤورده اولان باش کاهئنئن اؤلومونه قدر بو شهرده یاشاسین. بوندان سونرا قاتئل اؤز شهرئنه، اؤز اِوئنه، اوندان قاچدیغی شهره قاییدا بئلر.“»
[7] سیغیناجاق شهر اوچون جلئلدن، نَفتالئنئن داغلیق بؤلگه‌سئنده قِدِشی، اِفرایئمئن داغلیق بؤلگه‌سئنده شِکِمی و یهودانین داغلیق بؤلگه‌سئنده قئریَت‌اَربَعی، یعنی خِبرونو آییردیلار.
[8] اوردون چایینین او بئری طرفی اَرئحانین شرقئنده ده رِعوبئن قبئله‌سئنئن تورپاغیندان یایلادا یِرلَشن صحراداکی بِصِری، جاد قبئله‌سئنئن تورپاغیندان اولان گئلعادداکی راموتو، مِنَسّه قبئله‌سئندن اولان باشاندا گولانی آییردیلار.
[9] بونلار بوتون ائسرایئللی‌لر اوچون و آرالاریندا یاشایان یاد اِللی‌لر اوچون تعیئن اولونان شهرلر ائدی کی، سهون قتل ادن هر بئر کس اورایا قاچا بئلردی و جاماعات قاباغیندا موحاکئمه اولوناجاق قان قئصاصینی آلانین اَلی ائله اؤلدورولمَزدی.