[1] ربّئن قولو موسانین اؤلوموندن سونرا، رب موسانین خئدمتچئسی نون اوغلو یوشَعه دانیشیب ددی:
[2] «قولوم موسا اؤلدو. ائندی قالخ، سن و بوتون بو خالق اوردون چایینی کچئب ائسرایئل اؤولادلارینا وره‌جیئم تورپاغا گدئن.
[3] موسایا ددئیئم کئمی، آیاق قویاجاغینیز هر یری سئزه ورمئشم.
[4] صحرا و بو لوبناندان بؤیوک چایا قدر، یعنی فَرات چایینا قدر، خئتلی‌لرئن بوتون اؤلکه‌سی بؤیوک دهنزه قدر کی، گونشئن باتدیغی طرف اولسون، یِر سئزئن تورپاقلارینیز اولاجاق.
[5] بوتون عؤمرون بویو هچ کس سنه ضئدّ چیخا بئلمیه‌جک. موسا ائله اولدوغوم کئمی، سنئنله ده اولاجاغام، سنی بوراخمایاجاغام، سنی ترک اتمیه‌جیم.
[6] گوجلو و اورَکلی اول، چونکی آتالارینا ورمک اوچون آند ائچدئیئم بو تورپاغی، سن بو خالقا مولک وره‌جکسن.
[7] آنجاق چوخ گوجلو و اورَکلی اول؛ دئقّت ات کی، قولوم موسانین سنه تاپشیردیغی بوتون قانونا عمل اده‌سن؛ اوندان نه صاغا، نه ده سولا دؤن کی، گده‌جیئن هر یاندا اوغور قازاناسان.
[8] بو شرئعت کئتابینین سؤزلری دئلئندن دوشمه‌سئن، گجه-گوندوز اونون اوستونده دوشون کی، اورادا یازیلان هر شیه دقئق عمل اده‌سن. چونکی او واخت یولون اوغورلو اولاجاق و آماجینا چاتاجاقسان.
[9] مگر سنه امر اتمه‌مئشم؟ گوجلو و اورَکلی اول! قورخما، اوره‌یئن ده اوزولمه‌سئن. چونکی تارین رب گده‌جیئن هر یرده سنئنله‌دئر.»
[10] او واخت یوشَع خالقین سرکرده‌لرئنه امر ادئب ددی:
[11] «اوردوگاهی گَزئن و خالقا امر ادئب دیئن: ”اؤزونوزه آذوقه حاضیرلایین، چونکی گلن اوچ گونده اوردون چایینی کچه‌جیئک و تارینیز ربّئن سئزه مولک اولاراق وردئیی تورپاغا گئرئب اورایا مالئک اولاجاقسینیز.“»
[12] یوشَع رِعوبئنلی‌لره، جادلی‌لارا، و مِنَسّه قبئله‌سئنئن یاریسینا بله ددی:
[13] «یادینیزا سالین کی، ربّئن قولو موسا سئزه بله امر اتمئشدی: ”تارینیز رب سئزه راحاتلیق ورئر و بو تورپاغی سئزه وره‌جک.“
[14] آروادلارینیز، اوشاقلارینیز، و مال-حیوانلارینیز اوردون چایینین بو تاییندا، موسانین سئزه وردئیی تورپاقدا قالسین. لاکئن سئز یعنی سئزئن بوتون ائگئد آداملارینیز گرک سئلاحلانیب، قارداشلارینیزین قاباغیندا او تایا کچه‌سئنئز. سئز گرک اونلارا کؤمک اده‌سئنئز.
[15] او زاماناجاق کی، رب، سئزه وردئیی کئمی، سئزئن قارداشلارینیزا دا راحاتلیق ورسئن و اونلار دا تارینیز ربّئن اونلارا وره‌جیی تورپاغا مالئک اولسونلار. سونرا اؤز مولکونوزه قاییدیب اونا مالئک اولارسینیز، او مولک کی، ربّئن قولو موسا اوردون چایینین شرقئنده سئزه مولک وردی.»
[16] اونلار یوشَعه جاواب ورئب ددئلر: «بئزه نه امر ادئبسن، اده‌جیئک و هارایا گؤندَ‌ره‌سن، گده‌جَیئک.
[17] نجه هر ائشده موسادان ائطاعت ادئردئک، سندن ده اِله ائطاعت اده‌جیئک. آنجاق تارین رب قوی موسا ائله اولدوغو کئمی، سنئنله ده اولسون.
[18] سنئن امرلرئنه ضئدّ چیخان و بویوردوغون سؤزه قولاق آسمایان هر کس اؤلدوروله‌جک. آنجاق سن گوجلو و اورَکلی اول.»