[1] تارینیز رب مالئک اولاجاغینیز اؤلکه‌یه سئزی گتئرنده، قاباغینیزدان بئر چوخ مئلّتی قوواجاق؛ خئتلی‌لری، گئرگاشلی‌لاری، اِمورلولاری، کَنَعانلی‌لاری، پِرئزلی‌لری، خئولی‌لری، یِبوسلولاری. سئزدن داها چوخ و داها قووّتلی یدّی مئلّتی قوواجاق.
[2] تارینیز رب اونلاری سئزه تسلئم ادنده، سئز ده اونلارا قالئب گلنده، اونلاری کامئل محو ادئن. اونلارلا عهد باغلامایین و اونلارا رحم اتمه‌یئن.
[3] بوندان علاوه، اونلارلا اِولَنمه‌یئن، اوغوللارینا قیزلارینیزی ورمه‌یئن، اوغوللارینیزا اونلارین قیزلارینی آلمایین.
[4] چونکی اونلار اؤولادلارینیزی منئم دالیمجا گتمکدن دؤندَ‌رئب، آیری آللاهلارا قوللوق اتدئره‌جکلر. او واخت ربّئن قضبی سئزئن ضئدّئنئزه آلوولاناجاق و تِزلئکله سئزی محو اده‌جک.
[5] اونلارلا بله رفتار ادئن: قوربانگاهلارینی داغیدیب، موقدّس سوتونلارینی سیندیرین، اَشِرا بوتلرئنی بالتالاییب، اویما تئمثاللارینی اوددا یاندیرین.
[6] چونکی سئز تارینیز ربّئن موقدّس خالقیسینیز؛ تارینیز رب سئزی یِر اوزونده‌کی بوتون خالقلار ائچئندن اؤزونه مخصوص خالق سچدی.
[7] ربّئن سئزی سِومه‌سی، سئزی سچمه‌سی او بئری خالقلاردان داها چوخ اولدوغونوز اوچون دیئلدی. حقئقتن، سئز اونلاردان داها آز ائدئنئز.
[8] رب سئزی سِودئیی اوچون و آتالارینیزا آند ائچه‌رک وردئیی سؤزو یرئنه یتئرمَک اوچون، سئزی قووّتلی اَلی ائله مئصئردن چیخارتدی. او سئزی نؤکرچئلئک دئیاریندان، مئصئر پادشاهی فئرعوندان ساتین آلدی.
[9] بئلئن کی، تارینیز رب تاری‌دیر. او، وفالی تاری‌دیر. عهدئنه صادئق قالیب اونو سِوَنلرئن، امرلرئنی یرئنه یتئرنلرئن بئر مئن نسلئنه محبّتئنی گؤرسه‌دَر.
[10] آمّا اوندان نئفرت ادنلردن قئصاص آلیب اونلاری محو اده‌جک. اوندان نئفرت ادندن قئصاصینی آلماغی یوباتمایاجاق، عوضئنی وره‌جکدئر.
[11] اونا گؤره سئزه بو گون وردئیئم امری، قایدا و حؤکملری ساخلاییب یرئنه یتئرئن.
[12] بو حؤکملره قولاق آسیب دئقّتله عمل اده‌جَیئنئز اوچون، تارینیز رب ده آتالارینیزا ائچدئیی آندا صادئق قالیب، عهدئنه عمل اده‌جک و محبّتئنی گؤرسده‌جک.
[13] او سئزی سِوه‌جک، سئزه برکت ورئب سئزی چوخالداجاق. سئزه ورمک اوچون آتالارینیزا آند ائچدئیی تورپاقدا، بَطنئنئزدن دوغولانلارینیزی، تورپاغینیزین بَهره‌سئنی، بوغدانیزی، تزه شرابینیزی، زیتون یاغینیزی، مال-حیوانینیزین و قویون-کِچئلرئنئزئن بالالارینی برکتلی اده‌جک.
[14] سئز او بئری خالقلاردان داها چوخ برکت آلاجاقسینیز. آرانیزدا هچ بئر کئشی و آرواد سونسوز، هچ بئر حیوانینیز دا قیصیر اولمایاجاق.
[15] رب اوستونوزدن بوتون ناخوشلوقلاری گؤتوره‌جک. سئزی مئصئرده گؤردویونوز دهشتلی ناخوشلوقلارین هچ بئرئنه دوچار اتمه‌یه‌جک. بو بلالاری سئزدن نئفرت ادنلرئن باشینا گتئره‌جک.
[16] تارینیز ربّئن سئزه تسلئم اده‌جَیی بوتون خالقلاری محو اده‌جکسئنئز. اونلارا رحم اتمه‌یئن، آللاهلارینا قوللوق اتمه‌یئن. اگر بله اده‌سئنئز، بو سئزه تله اولار.
[17] اگر اوره‌یئنئزده دوشونه‌سئنئز کی، ”بو مئلّتلر بئزدن گوجلودورلر، اونلاری نجه قووا بئله‌رئک؟“
[18] اونلاردان قورخمایین. تارینیز ربّئن فئرعونا و بوتون مئصئره نه اتدئیئنی همئشه خاطیرلایین.
[19] گؤزونوزله گؤردویونوز بؤیوک ائمتاحانلاری، سئزی مئصئردن چیخاردان زامان تارینیز ربّئن گؤرستدئیی علامتلری، مؤجوزه‌لری، قودرتلی اَلئنی، اوزانان قولونو خاطیرلایین. تارینیز رب قورخدوغونوز خالقلارین هامیسینی بو حالا سالاجاق.
[20] تارینیز رب یرده قالیب سئزدن گئزله‌نَن‌لرئن اوستونه ده اِششَک‌چئبئنی گؤندَ‌رئب هامیسینی یوخ اده‌جک.
[21] اونلاردان هچ دهشت اتمه‌یئن، چونکی آرانیزدا اولان تارینیز رب عظمتلی و زَهملی تاری‌دیر.
[22] تارینیز رب یاواش-یاواش او مئلّتلری قاباغینیزدان قوواجاق. اونلاری تِزلئکله محو اده بئلمَیه‌جکسئنئز، یوخسا وحشی حیوانلار ساییدا حَددن آرتیق چوخالیب اوستونوزه داراشارلار.
[23] لاکئن تارینیز رب اونلاری سئزه تسلئم اده‌جک و محو اولونانا قدر اونلاری بؤیوک واهئمه‌یه سالاجاقدیر.
[24] اونلارین پادشاهلارینی دا سئزئن اَلئنئزه تسلئم اده‌جک، اِله کی، سئز اونلارین آدلارینی گؤی آلتیندان سئله‌جکسئنئز؛ سئز اونلاری قیرارکَن، هچ کس قاباغینیزدا دورا بئلمیه‌جک.
[25] اونلارین تاری سایدیقلاری اویما بوتلری اوددا یاندیرین. اونلارین اوستونده اولان قیزیل-گوموشه نه طاماح سالین، نه ده اؤزونوز اوچون گؤتورون، یوخسا تَله‌یه دوشَرسئنئز، چونکی اونلار تارینیز ربّئن گؤزونده ائیرنجدئر.
[26] ائیرنج بئر شیی اِوئنئزه گتئرمه‌یئن، یوخسا سئز ده اونون کئمی حارام اولارسینیز. ائیرنج بئر شیدن کامئل ائکراه و نئفرت اتمه‌لی‌سئنئز، چونکی بله شی حارامدیر.