[1] بونلار او قایدالار و حؤکملردئر کی، سئز گرک اونلاری عؤمور بویو او اؤلکه‌ده رئعایت اده‌سئنئز کی، آتالارینیزین تاریسی رب اورانی سئزه مولک وره‌جک.
[2] هانسی مئلّتلرئن تورپاغینی آلاسینیز، آللاهلارینا قوللوق اتدئکلری اوجا داغلاردا، تپه‌لرده، بول یارپاقلی هر آغاجین آلتیندا اولان بوتون یرلری حتمن وئران ادئن.
[3] قوربانگاهلارینی داغیدیب، موقدّس سوتونلاری سیندیرین، اَشِرا بوتلرئنی اوددا یاندیریب، تاری سایدیقلاری اویما بوتلری بالتالایین و آدلارینی او یردن سئلئن.
[4] سئز تارینیز ربّی اونلار کئمی گرک پرستئش اتمیه‌سئنئز.
[5] ربّی او یرده آختارین کی، تارینیز رب بوتون قبئله‌لرئنئز آراسیندان اورانی سچئر و اورایا آدینی قویور و اورادا ساکئن اولور. سئز اورایا گلمه‌لی‌سئنئز.
[6] یاندیرما قوربانلارینیزی، قوربانلارینیزی، قازانجینیزین اوندا بئر حئصّه‌سئنی، اَلئنئزئن ائعانه‌لرئنی، نذر اتدئیئنئز تقدئملری، اؤز ائختئیارینیزلا تقدئم اتدئکلرئنئزی، مال-حیوان و قویون-کچئلرئنئزئن ائلک بالالارینی اورایا گتئرئن.
[7] اورادا تارینیز ربّئن قاباغیندا عایئله‌لرئنئزله بئرلئکده یمک یئیه‌جکسئنئز، و اَل آتدیغینیز هر شیده کی، تارینیز رب سئزه برکت ورئب، شادلیق اده‌جکسئنئز.
[8] بو گون بورادا اتدئکلرئنئزی اورادا اصلا اتمه‌یئن. بورادا هر کس اؤز نظرئنده نه‌یی دوز ساییرسا، اونو دا ادئر.
[9] چونکی حله تارینیز ربّئن سئزه وره‌جیی راحاتلیق و ائرث تورپاغا چاتماییبسینیز.
[10] اوردون چایینی کچئب تارینیز ربّئن ائرث اولاراق سئزه وره‌جیی تورپاقدا ساکئن اولاندا، رب سئزی اطرافینیزداکی بوتون دوشمنلردن قورتاریب راحاتلیق وره‌جک و اَمئن-آمانلیقدا یاشایاجاقسینیز.
[11] او زامان سئزه امر اتدئیئم هر شیی او یره گتئره‌جکسئنئز کی، تارینیز رب اورانی اؤز آدینا مسکن سچه‌جک؛ یعنی ائعانه‌لرئنئزی، قوربانلارینیزی، قازانجینیزین اوندا بئر حئصّه‌سئنی، اَلئنئزئن قالدیرما تقدئملرئنی و ربّه نذر اتدئیئنئز بوتون سچمه تقدئملرئنئزی.
[12] تارینیز ربّئن قاباغیندا شادلیق ادئن؛ قوی سئز، اوغوللارینیز، قیزلارینیز، قوللارینیز، کنئزلرئنئز، شهرلرئنئزده یاشایان سئزئنله بئرلئکده پایی و مئراث تورپاغی اولمایان لاوئلی‌لر سِوئنسئن.
[13] دئقّت ادئن کی، یاندیرما قوربانلارینیزی گؤردویونوز هر یرده تقدئم اتمیه‌سئنئز.
[14] یاندیرما قوربانلارینیزی او یرده تقدئم ادئن کی، رب سئزئن قبئله‌لرئنئزئن بئرئنده سچئر. سئزه امر اتدئیئم هر شیی اورادا یرئنه یتئرئن.
[15] آنجاق تارینیز ربّئن سئزه وردئیی برکته گؤره، یاشادیغینیز شهرلرده اوره‌یئنئز ائسته‌یَن قدر حیوان کسئب اَتئندن یئیه بئلرسئنئز. پاک و یا نجئس ائنسان بو اَتی جیران و یا مارال اَتی یِدئیئنئز کئمی یئیه بئلر.
[16] آنجاق قانینی یمیه‌جکسئنئز. اونو یره سو کئمی تؤکه‌جکسئنئز.
[17] تاخیلینیزین، تزه شرابلارینیزین، زیتون یاغینیزین اوندا بئر حئصّه‌سئنی، مال-حیوان و قویون-کِچئلرئنئزئن ائلک بالالارینی، نذر اتدئکلرئنئزئن هامیسینی، اؤز ائختئیارینیزلا تقدئم اتدئکلرئنئزی، و یا اَلئنئزئن ائعانه‌لرئنی یاشادیغینیز شهرلرده یمه‌یئن.
[18] سئز، اوغلونوز، قیزینیز، قوللارینیز و کنئزلرئنئز، شهرلرئنئزده یاشایان لاوئلی‌لر بونلاری تارینیز ربّئن حوضوروندا، اونون سچه‌جیی یرده یئیه‌جکسئنئز. تارینیز ربّئن حوضوروندا اَل آتدیغینیز هر ائشده شادلیق تاپاجاقسینیز.
[19] دئقّت ادئن کی، بو تورپاقدا یاشادیغینیز مودّتده لاوئلی‌لره سایماماقلیق اتمیه‌سئنئز.
[20] تارینیز ربّئن سئزه وعده وردئیی کئمی سرحدئنئزی گِنئشلَندئرَنده اَت یمک ائستیه‌رک «گلئن اَت یئیَک» دئیه‌سئنئز، اوره‌یئنئز ائسته‌یَن قدر اَت یئیه بئلرسئنئز.
[21] اگر تارینیز ربّئن آدینی قویماق اوچون سچه‌جیی یر سئزدن اوزاق اولسا، امر اتدئیئم کئمی ربّئن وردئیی مال-حیوانلارینیزدان، سورولرئنئزدن حیوان کسئب اؤز شهرلرئنئزده اوره‌یئنئز ائسته‌یَن قدر اَت یئیه بئلرسئنئز.
[22] پاک و یا نجئس ائنسان بو اَتی جیران و یا مارال اَتی کئمی یئیه بئلر.
[23] لاکئن احتئیاطلی اولون کی، اَتی قانلی-قانلی یمیه‌سئنئز، چونکی قان، حیاتدیر. حیاتی اَتله بئرلئکده یمه‌یئن.
[24] اونو یمه‌یئن، اونو سو کئمی یِره تؤکون.
[25] قان یمه‌یئن. اله کی، سن و سندن سونرا گلن اوغوللارینیز اوچون حیات خوش کچسئن، چونکی ربّئن گؤزلرئنده دوز اولانی اتمئش اولارسینیز.
[26] آنجاق موقدّس تقدئملرئنئزی و نذر اتدئیئنئز تقدئملری گؤتوروب ربّئن سچه‌جیی یره گدئن.
[27] یاندیرما قوربانلارینیزی، اَتی و قانی، تارینیز ربّئن قوربانگاهیندا تقدئم ادئن. قوربانلارینیزین قانی، تارینیز ربّئن قوربانگاهیندا تؤکولسون و اَتئنی ییئن.
[28] دئقّتلی اولون کی، سئزه ددئیئم بوتون بو امرلره قولاق آساسینیز، اله کی، تارینیز ربّئن گؤزلرئنده یاخشی و دوز ائشلر گؤردویونوز اوچون سئزئن و سئزدن سونرا گلن اؤولادلارینیزین خوش بئر حیاتی اولسون.
[29] تارینیز رب تورپاقلارینی آلماغا گده‌جیئنئز مئلّتلری قاباغینیزدان محو ادنده، اونلاری قوووب تورپاقلاریندا ساکئن اولاندا،
[30] اونلاری محو ادنده احتئیاطلی اولون کی، اونلارین تَله‌لرئنه دوشمه‌یئب اونلارین عمل‌لرئنی اتمیه‌سئنئز. اونلارین آللاهلارینا طالئب اولوب دمیه‌سئنئز کی، ”بو مئلّتلر آللاهلارینا نجه قوللوق ادئردئلر، قوی من ده اله ادئم.“
[31] تارینیز رَبله بله رفتار اتمه‌یئن. اونلار اؤز آللاهلاری اوچون ربّئن نئفرت اتدئیی هر ائیرنج ائشی گؤروبلر؛ بله کی حتّا اوغوللارینی، قیزلارینی اوددا یاندیراراق آللاهلارینا قوربان ادئرلر.
[32] سئزه بویوردوغوم بوتون امرلره دئقّتله عمل ادئن. اونلارا هچ نه آرتیرماییب، اونلاردان هچ نه ده اَسکئلتمه‌یئن.