[1] کئمسه بئر آروادی آلیب، اِولئلئک زامانی اوندا اوتاندیریجی بئر شی تاپدیغی اوچون آروادی بَیَنمه‌سه، بوشانما کاغیذی یازیب اَلئنه ورسئن و اِوئندن گؤندَ‌رسئن.
[2] آرواد او اِوی ترک ادئب گدر و آیری کئشئیه اَره گده بئلر.
[3] اگر او بئری کئشی ده اونو بَیَنمه‌سه، اونا بوشانما کاغیذی یازیب اَلئنه ورسئن و اِوئندن گؤندَ‌رسئن. و یا اگر اونو آلان کئشی اؤلسه،
[4] اونو اِودن چیخارتمیش اوّلکی اَری اونو تکرار اؤزونه آرواد آلا بئلمز، چونکی آروادی لَکه‌له‌مئشدئر؛ بو، ربّئن حوضوروندا ائیرنجدئر. تارینیز ربّئن سئزه ائرث اولاراق وره‌جیی اؤلکه‌ده بله گوناها یول ورمه‌یئن.
[5] تزه اِوله‌نَن آدام دؤیوشه گتمه‌سئن. هچ وظئفه‌یه قویولماسین. قوی بئر ائل اِوئنده آزاد قالیب، آلدیغی آروادی سِوئندئرسئن.
[6] دَیئرمانی و یا اوست داشینی کئمسه گئروو گؤتورمه‌سئن، چونکی او آدامین حیاتینی گئروو گؤتورموش اولور.
[7] اگر ائسرایئل اؤولادلاری آراسیندا کئمسه هموطنئنی اوغورلاییب اونونلا یاوا رفتار ادئب و یا اونو ساتارسا، بو اوغرو اؤلدورولمه‌لی‌دئر. بله‌جه آرانیزدان بو پئسلئیی تمئزله‌یئن.
[8] جوزام ناخوشلوغو باره‌ده دئقّتلی اولون و لاوئلی کاهئنلرئن امر اتدئیی کئمی سئزه اؤیرده‌جکلری هر شیه دئقّتله عمل ادئن؛ اونلارا امر اتدئیئم کئمی دئقّتله عمل ادئن.
[9] خاطیرلایین کی، مئصئردن چیخاندان سونرا تارینیز رب یولدا مریمه نه اتدی.
[10] قونشونوزا بئر شی بورج ورنده، گئروو گؤتورمک اوچون اونون اِوئنه گئرمه‌یئن.
[11] باییردا دایانین، قوی بورج وردئیئنئز آدام اؤزو گئرووو باییرا چیخارتسین.
[12] اگر او آدام کاسیبدیر، اونون گئرووو سئزده اولا-اولا یاتمایین.
[13] گئروو گؤتوردویونوزون اوست پالتارینی گرک گون باتاندا گری قایتاراسینیز کی، او اؤز اوست پالتاریندا یاتیب سئزه خیئر-دوعا اتسئن؛ و بو، تارینیز ربّئن حوضوروندا سئزئن اوچون صالحلئک ساییلار.
[14] کاسیب و مؤحتاج بئر آداما کی، اوجرتله ائشله‌یئر، ظولم اتمه‌یئن؛ ائستر بئر هموطنئنئز اولسون، ائستر اؤلکه‌نئزده‌کی شهرلرده یاشایان هر هانسی بئر قرئب.
[15] اوجرتئنی هر گون، گون باتمادان ورئن، چونکی کاسیبدیر و اونا اومئد باغلاییب. یوخسا سئزدن ربّه فریاد ادر و سئزه گوناه ساییلار.
[16] اوغولا گؤره آتا، آتایا گؤره اوغول اؤلدورولمه‌سئن؛ هر کس اؤز گوناهینا گؤره اؤلدورولسون.
[17] قرئبی و یِتئمی عدالتدن محروم اتمه‌یئن و دول آروادین پالتارینی دا گئروو گؤتورمه‌یئن.
[18] خاطیرلایین کی، سئز ده مئصئرده قول ائدئنئز و تارینیز رب سئزی اورادان قورتاردی. بونون اوچون بله رفتار اتمه‌یی سئزه امر ادئرم.
[19] زَمئنئزده اَکئنی بئچن زامان، اگر بئر دَرز یاددان چیخاردیبسینیز، اونو گؤتورمک اوچون گری قاییتمایین. قوی او، قرئبئن، یِتئمئن و دولون اولسون. او واخت تارینیز رب اَله گؤتوردویونوز هر ائشده سئزه برکت وِرَر.
[20] زیتون آغاجلارینیزی دؤیوب زیتون ییغان زامان، بوداقلاردا قالانی دنله‌مک اوچون گری قاییتمایین. قوی او، قرئبئن، یِتئمئن و دولون اولسون.
[21] باغینیزین اوزوملرئنی ییغان زامان، تَنَکلرده قالانی اوچون گری قاییتمایین. قوی او، قرئبئن، یِتئمئن و دولون اولسون.
[22] مئصئر تورپاغیندا قول اولدوغونوزو خاطیرلایین. بونون اوچون بله رفتار اتمه‌یی سئزه امر ادئرم.