[1] بودور او امر، قایدا، و حؤکملر کی، تارینیز رب سئزه اؤیرَتمَک اوچون منه بویورموشدو. اونا گؤره ده مالئک اولماق اوچون گده‌جیئنئز تورپاقدا بونلارا عمل ادئن.
[2] اِله کی، سئز، اؤولادلارینیز، و نوه‌لرئنئز عؤمور بویو تارینیز ربدن قورخاسینیز و اونون سئزه ددئیئم بوتون قایدالار و حؤکملرئنی ساخلایاسینیز و عؤمرونوز اوزون اولسون.
[3] اشئت، ای ائسرایئل! بونلارا دئقّتله عمل ات کی، آتالارینین تاریسی ربّئن سنه وعده وردئیی کئمی، سود و بال آخان تورپاقدا حیاتین خوش کچسئن و چوخالیب آرتاسان.
[4] اشئت، ای ائسرایئل! تاریمیز رب یگانه ربدئر.
[5] تارین ربّی بوتون اوره‌یئنله، بوتون جانینلا، و بوتون وار-گوجونله سِو.
[6] بو گون سنه امر اتدئیئم بو سؤزلر اوره‌یئنده کؤک سالسین.
[7] بونلاری سعی‌له اؤولادلارینا اؤیرت. اِوئنده اوتوراندا، یول گدنده، یاتاندا، دوراندا بونلار باره‌ده دانیش.
[8] اونلاری یازیب قولونا بئر نئشان کئمی، گؤزلرئنئن آراسینا دا آلین باغی کئمی باغلا،
[9] اِولرئنئن قاپی چَرچئوه‌لرئنه و دروازالارینا یاز.
[10] او واخت تارین رب سنی آتالارینا، یعنی ائبراهئمه، ائسحاقا، و یعقوبا ائچدئیی آندا گؤره، وره‌جیی تورپاغا آپاراجاق؛ اورادا سنه بئنا اتمه‌دئیئن بؤیوک و گؤزل شهرلر وره‌جک،
[11] ییغمادیغین گؤزل شیلرله دولو اِولر، زحمتئنی چکمه‌دئیئن قازیلمیش سو آنبارلاری، سالمادیغین اوزوملوکلر و زیتونلوقلار وره‌جک، و سن یِیئب دویاجاقسان.
[12] او زامان دئقّتلی اول کی، سنی مئصئر تورپاغیندان، نؤکرچئلئک دئیاریندان چیخاردان ربّی یاددان چیخارتمایاسان.
[13] آنجاق تارین ربدن قورخ و اونو پرستئش ادئب، آندلارینی اونون آدیندا ائچ.
[14] یاد آللاهلارین یعنی سنئن اطرافینی توتان آیری خالقلارین آللاهلاری دالینجا گتمه،
[15] چونکی آرانیزدا اولان تارین رب قیرتلی بئر تاری‌دیر؛ مبادا تارین ربّئن قضبی سنئن ضئدّئنه آلوولانسین و سنی یر اوزوندن محو اتسئن.
[16] تارینیز ربّی مَسّادا ائمتاحان اتدئیئنئز کئمی ائمتاحان اتمه‌یئن.
[17] تارینیز ربّئن سئزه وردئیی امرلره، شهادتلرئنه و قایدالارا سعی‌له عمل ادئن.
[18] ربّئن گؤزونده دوز و یاخشی ساییلانا عمل ادئن کی، حیاتینیز خوش کچسئن و گدئب ربّئن آتالارینیزا ورمه‌سئنی آند ائچدئیی یاخشی تورپاغا مالئک اولاسینیز.
[19] رب ده وعده وردئیی کئمی بوتون دوشمنلری قاباغینیزدان قوواجاق.
[20] اگر گله‌جکده اؤولادینیز سئزه گلئب سوروشالار: ”تاریمیز ربّئن سئزه وردئیی شهادتلردن، قایدالار و حؤکملردن آماج نه‌دئر؟“
[21] اونا بله دیئن: ”بئز مئصئرده فئرعونون نؤکری ائدئک. رب بئزی اورادان قووّتلی اَلی ائله چیخارتدی.
[22] بوندان علاوه، رب گؤزلرئمئزئن قاباغیندا، مئصئرئن، فئرعونون و اونون بوتون عایئله‌سئنئن ضئدّئنه بؤیوک و دهشتلی علامتلر و مؤجوزه‌لر گؤرستدی.
[23] او بئزی مئصئردن چیخارتدی کی، آتالاریمیزا ورمه‌سئنی آند ائچدئیی بو تورپاغا گتئرسئن و اورانی بئزه ورسئن.
[24] بله‌جه رب بوتون بو قایدالارا عمل اتمه‌یی، اؤز خیئرئمئز و صاغ قالماغیمیز اوچون تاریمیز ربدن قورخماغی بئزه امر اتدی، نجه کی، بو گون گؤرورسونوز.
[25] اگر تاریمیز ربّئن حوضوروندا بئزه بویوردوغو بوتون بو امرلره دئقّتله عمل اِتسَک، بونو بئزه صالحلئک سایاجاق.“