[1] ائندی، ای ائسرایئل، سئزه اؤیرده‌جیئم قایدالارا و حؤکملره قولاق آسین. اونلارا عمل اده‌سئنئز، یاشایاجاقسینیز، آتالارینیزین تاریسی ربّئن سئزه وره‌جیی تورپاغا گئرئب، اورایا مالئک اولاجاقسینیز.
[2] سئزه وره‌جیئم سؤزه هچ نه آرتیب-اَسکئلتمه‌یئن. فقط سئزه امر اده‌جیم تارینیز ربّئن فرمانلارینی ساخلایین.
[3] ربّئن بَعَل‌پِعور مَسَله‌سئنده نه‌لر اتدئیئنی اؤز گؤزونوزله گؤردونوز. تارینیز رب بَعَل‌پِعورون دالینجا گدنلرئن هامیسینی آرانیزدان محو اتدی.
[4] آمّا سئز هامینیز تارینیز ربّه باغلی قالدیغینیز اوچون بو گون صاغسینیز.
[5] باخین، تاریم ربّئن منه امر اتدئیی قایدالار و حؤکملری سئزه اؤیرتمئشم کی، مالئک اولماق اوچون گئره‌جیئنئز تورپاقدا بونلارا عمل اده‌سئنئز.
[6] اونلاری ساخلایین و اونلارا عمل ادئن، بو، آیری خالقلارا نه قدر حئکمتلی و عاغیلّی اولدوغونوزو گؤرسه‌دَر. اونلار بوتون بو قایدالاری اشئدنده دئیه‌جکلر کی، بو بؤیوک مئلّت، حقئقتن، حئکمتلی و عاغیلّی بئر خالقدیر.
[7] تاریمیز رب، هر دفه دوعا ادنده بئزه یاخینلاشار. هانسی مئلّت بله بؤیوکدور کی، تاریسی اونا بو جور یاخین اولسون؟
[8] هانسی مئلّت بله بؤیوکدور کی، بو گون قاباغینیزا گتئردئیئم بو شرئعت کئمی عدالتلی قایدالارا و حؤکملره مالئک اولسون؟
[9] آنجاق عاغلینیزی باشینیزا ییغین و دئقّتله چالیشین کی، گؤزلرئنئزله گؤردوکلرئنئزی یاددان چیخارتمایاسینیز و اونلار عؤمرونوزون بوتون گونلرئنده اوره‌یئنئزدن آیریلماسین؛ اونلاری اوغوللارینیزا و نوه‌لرئنئزه اؤیره‌دئن.
[10] خورِبده تارینیز ربّئن قاباغیندا دایاندیغینیز گونو خاطیرلایین. او زامان رب منه ددی: ”خالقی منئم حوضوروما بئر یره ییغ. من اؤز سؤزلرئمی اونلارا اشئتدئره‌جیم، بله کی یر اوستونده یاشادیقلاری بوتون زاماندا آنجاق مندن قورخماغی اؤیرنسئنلر و اؤولادلارینا دا اؤیرتسئنلر.“
[11] سئز یاخینلاشیب داغین اَته‌یئنده دایاندینیز. داغ یاندی، آلووو گؤیون درئنلئکلرئنه چاتدی؛ گؤیون هر یانی قارانلیق، بولود، و قالین ظولمت ائچئنده ائدی.
[12] او واخت رب سئزئنله بو آلووون ائچه‌رئسئندن دانیشدی. سئز اونون دانیشیق سَسئنی اشئتدئنئز، لاکئن هچ بئر شی گؤرمه‌دئنئز. فقط بئر سَس وار ائدی.
[13] او سئزه عهدئنی، یعنی عمل اتمه‌یئنئز اوچون امر اتدئیی اون فرمانی اعلان اتدی. بونلاری ائکی داش لؤوحه اوستونه یازدی.
[14] اله او واخت رب منه امر اتدی کی، قایدالار و حؤکملری سئزه اؤیرَه‌دئم، اله کی، مالئک اولماق اوچون گده‌جیئنئز تورپاقدا اونلارا عمل اده‌سئنئز.
[15] بونا گؤره چوخ دئقّتلی اولون، چونکی رب خورِبده آلووون ائچه‌رئسئندن سئزئنله دانیشان گون هچ بئر صورت گؤرمه‌دئنئز،
[16] اله کی، فاسئد اولماییب، اؤزونوز اوچون هر هانسی بئر جئسمه بَنزه‌ر، کئشی و یا آروادا بَنزه‌ر،
[17] یرده اولان هر هانسی بئر حیوانا بَنزه‌ر، گؤیده اوچان هر هانسی بئر قانادلی قوشا بَنزه‌ر،
[18] تورپاقدا سورونن هر هانسی بئر مخلوقا بَنزه‌ر، یِرئن درئنلئکلرئنده اولان سودا یاشایان هر هانسی بئر بالیغا بَنزه‌ر، اویما بوت دوزَلتمَیه‌سئنئز.
[19] مبادا گؤزلرئنئزی گؤیه قالدیریب گونو، آیی، اولدوزلاری و بوتون گؤی جئسئملرئنی گؤرنده آزاسینیز و اونلاری پرستئش ادئب، اونلارا خئدمت اده‌سئنئز، او شیلره کی، تارینیز رب اونلاری بوتون گؤی آلتینداکی خالقلارا ورئبدئر.
[20] آمّا رب سئزی گؤتوروب دمئر ارئدن کوره‌‌نئن ائچئندن یعنی مئصئردن چیخاردیب کی، بوگونکی کئمی اونا مخصوص خالق اولاسینیز.
[21] سئزئن اوزونوزدن رب منه قضبلَندی و آند ائچدی کی، من اوردون چایینی کچمیه‌جیم و ائرث اولاراق سئزه وره‌جیی او یاخشی تورپاغا گئرمیه‌جیم.
[22] چونکی من اوردون چایینی کچه بئلمه‌یئب بو تورپاقدا اؤله‌جیم. آمّا سئز او یاخشی تورپاغا کچه‌جکسئنئز و اورایا مالئک اولاجاقسینیز.
[23] احتئیاطلی اولون کی، تارینیز ربّئن سئزئنله باغلادیغی عهدی یاددان چیخارتمایاسینیز و تارینیز ربّئن قدغن اتدئیی هر هانسی بئر شیه بَنزه‌ر اویما بوت دوزَلتمَیه‌سئنئز.
[24] چونکی تارینیز رب هر شیی یاندیریب یاخان آلوودور. او، قیرتلی بئر تاری‌دیر.
[25] اگر سئز اؤلکه‌ده اوزون زامان یاشادیقدان و اؤولادلارینیز، نوه‌لرئنئز دوغولاندان سونرا، اؤزونوزه هر هانسی بئر شیئن صورتئنده بوت یاراداراق اؤلکه‌ده یاشلاندیقدان سونرا یولدان آزاسینیز، تارینیز ربّئن گؤزونده پئس اولانی ادئب اونو آجیقلاندیراسینیز،
[26] سئزئن قاباغینیزدا بو گون گؤی و یری شاهئد توتورام کی، مالئک اولماق اوچون اوردون چایینی کچئب گتدئیئنئز تورپاق اوستوندن تِزلئکله یوخ اولاجاقسینیز. او تورپاقدا اوزون عؤمور سورمه‌یه‌جکسئنئز، کامئل محو اولاجاقسینیز.
[27] رب سئزی خالقلار آراسینا داغیداجاق و آپاراجاغی یرده مئلّتلر آراسیندا ساییدا چوخ آز قالاجاقسینیز.
[28] اورادا دا سئز ائنسانین اَل ائشی اولان آللاهلارا یعنی گؤرمه‌یَن، اشئتمه‌یَن، یمه‌یَن، ائی بئلمه‌یَن آغاجدان و یا داشدان اولان آللاهلارا قوللوق اده‌جکسئنئز.
[29] آمّا او یرده تارینیز ربّی آختاراجاقسینیز. اگر اونو بوتون قَلبئنئزله، بوتون جانینیزلا آختاراسینیز، تاپاجاقسینیز.
[30] عذابدا اولان واخت، بوتون بو شیلر باشینیزا گلن واخت، آخیر گونلرده تارینیز ربّه دؤنوب اونا قولاق آساجاقسینیز.
[31] چونکی تارینیز رب رَحملی تاری‌دیر؛ او سئزی آتماز، محو اتمز. آتالارینیزا آندلا تصدئق اتدئیی عهدی یاددان چیخارتماز.
[32] ائندی تارینیزین یر اوستونده ائنسان یاراتدیغی گوندن بَری سئزدن اَوّلکی دؤورون گونلری باره‌ده گؤیلرئن بئر باشیندان او بئری باشینا قدر هامیدان سوروشون. بله بؤیوک حادئثه مگر اولوب؟ بله بئر شی مگر اشئدئلئب؟
[33] هانسی بئر خالق سئزئن کئمی آلوو ائچه‌رئسئندن دانیشان تارینین سَسئنی اشئدئب و صاغ قالیب؟
[34] یا دا هانسی تاری، سئزئن تارینیز رب کئمی، مئصئرده، گؤزلرئنئز قاباغیندا، سئزئن خِیئرئنئزه ائشله‌یئب، ائمتاحانلارلا، علامتلرله، مؤجوزه‌لرله، دؤیوشلرله، قووّتلی اَلی ائله، اوزانان قولو ائله، بؤیوک زَهملری ائله آیری مئلّتدن اؤز مئلّتئنی آلماغا چالیشیب؟
[35] بوتون بونلار سئزه گؤرسدئلدی کی، ربّی تانی‌یاسینیز، رب تاری‌دیر؛ اوندان باشقا یوخدور.
[36] سئزی تَربئیه اتمک اوچون گؤیلردن سَسئنی سئزه اشئتدئردی. یر اوستونده اؤز بؤیوک آلووونو سئزه گؤرستدی و آلووون ائچه‌رئسئندن اونون سؤزلرئنی اشئتدئنئز.
[37] آتالارینیزی سِودئیئندن، اونلاردان سونرا، اؤولادلارینی سچدی. و اؤزو شخصن سئزی بؤیوک قودرتی ائله مئصئردن چیخارتدی کی،
[38] سئزدن بؤیوک و قووّتلی مئلّتلری قاباغینیزدان قووسون و سئزی اورایا گتئرسئن کی، بو گونکو کئمی، اونلارین تورپاغینی ائرث آلاسینیز.
[39] بونا گؤره، بو گون بئلئن و اوره‌یئنئزده ساخلایین کی، یوخاریدا اولان گؤیده و آشاغیدا اولان یرده رب تاری‌دیر. اوندان باشقا یوخدور.
[40] بله‌جه بو گون سئزه وردئیئم ربّئن قایدالار و امرلرئنی ساخلایین کی، سئزه و سئزدن سونرا گلن اؤولادلارینیزا خیئر گتئرسئن و تارینیز ربّئن ابدی اولاراق وردئیی بو تورپاقدا اوزون عؤمور سوره‌سئنئز.»
[41] او زامان موسا اوردون چایینین شرق طرفئنده اوچ شهر آییردی
[42] کی، قونشوسو ائله کچمئشدن عداوتی اولمایان و بئلمه‌دن اونو اؤلدورَن آدام اورایا قاچسین و بو شهرلردن بئرئنه قاچماقلا صاغ قالسین.
[43] بونلار رِعوبئن قبئله‌سی اوچون هامار بؤلگه‌ده یِرلَشَن صحراداکی بِصِر شهری، جادلی‌لار اوچون گئلعادداکی راموت شهری، مِنَسّه قبئله‌سی اوچون ده باشانداکی گولان شهری ائدی.
[44] بودور او شرئعت کی، موسا ائسرایئل اؤولادلارینین قاباغینا قویدو.
[45] بونلار او شهادتلر، قایدالار و حؤکملردئر کی، موسا مئصئردن چیخان زامان ائسرایئل اؤولادلاری ائله دانیشدی.
[46] بونلاری موسا اوردون چایینین شرقئنده ددی، او زامان کی، مئصئردن چیخیب بِیت‌پِعورون موقابئلئنده‌کی دره‌ده ائدئلر. بِیت‌پعور خِشبوندا یاشایان اِمورلولار پادشاهی سئخونون اؤلکه‌سی ائدی. موسا و ائسرایئل اؤولادلاری سئخونو مئصئردن چیخان زامان شئکست وردئلر.
[47] اونون اؤلکه‌سئنی و باشان پادشاهی عوگون اؤلکه‌سئنی یعنی اوردون چایینین شرق طرفئنده اِمورلولارین ائکی پادشاهینین اؤلکه‌سئنی اَله کچئرتدئلر،
[48] اَرنون دره‌سی کناریندا اولان عَروعِردن حتّا سئیون داغینا قدر یعنی خِرمونا قدر،
[49] اوردون چایینین شرقئنده اولان بوتون عَرابانی حتّا عَرابا دهنزئنه قدر اولان پئسگاه یاماجلارینین آلتیناجاق آلدیلار.