[1] داوود پادشاه بوتون جاماعاتا ددی: «تارینین سِچدئیی اوغلوم سولیمان جاوان و تجروبه‌سئزدئر و بو ائش بؤیوکدور، چونکی بو معبد ائنسان اوچون یوخ، رب تاری اوچوندور.
[2] بوتون سَعیئمله تاریمین معبدئندن اؤتری، قیزیل شیلر اوچون قیزیل، گوموش شیلر اوچون گوموش، بورونج شیلر اوچون بورونج، دَمئر شیلر اوچون دَمئر، آغاج شیلر اوچون آغاج، دامارلی عقئق داشلاری و اونلارین ساغاناقلاری، جوربه‌جور رنگلی داشلار، هر جور قئیمتلی داشلار و چوخلو مرمر داشلار حاضیرلامیشام.
[3] بوندان علاوه، تاریمین معبدئنه اولان سِوگئم اوزوندن، موقدّس معبد اوچون حاضیرلادیغیم هر شیدن علاوه نه قدر قیزیل-گوموش خزئنَم وارسا، اونو دا تاریمین معبدی اوچون ورئرم:
[4] اوفئر قیزیلیندان اوچ مئن تالانت قیزیلی، یدّی مئن تالانت خالئص گوموشو بئنالارین دووارینی اؤرتمک اوچون،
[5] قیزیل شیلر اوچون قیزیلی، گوموش شیلر اوچون گوموشو اوستالارین دوزَ‌لده‌جَیی بوتون ائشلر اوچون ورئرم. کئم بو گون ائسته‌یئر کی، ربّه اؤز گؤیلو ائله نذر تقدئم اتسئن؟»
[6] نسئل باشچیلاری، ائسرایئل قبئله‌لرئنئن باشچیلاری، مئن‌باشی‌لار، یوزباشی‌لار و پادشاهین ائشلری اوستونده اولان ریئسلر اؤز گؤیلو ائله
[7] تاری معبدئنئن خئدمتی اوچون بش مئن تالانت و اون مئن دِرهَم قیزیل، اون مئن تالانت گوموش، اون سکّئز مئن تالانت بورونج و یوز مئن تالانت دَمئر وردئلر.
[8] کئمده قئیمتلی داشلار وار ائدی، اونلاری ربّئن معبدئنئن خزئنه‌سئنه ورئردی کی، گِرشون نسلئندن اولان یِخی‌اِلئن نظارتی آلتیندا ائدی.
[9] خالق اونلارین اؤز گؤیلو ائله نذر ورمه‌سئنه سِوئندی، چونکی بوتون قَلبله ربّه نذر تقدئم اتمئشدئلر. داوود پادشاه دا چوخ سِوئندی.
[10] داوود بوتون جاماعاتین گؤزو قاباغیندا ربّه سئتایئش ادئب ددی: «ای آتامیز ائسرایئلئن تاریسی رب، اَزَلدن ابده‌جک موبارکسن!
[11] یارب، عظمت، قودرت، جلال، ظفر و حئشمت سنئندئر، دوغرودان دا گؤیلرده و یرده اولان هر شی سنئندئر. یارب، پادشاهلیق سنئندئر و حؤکمدار اولاراق اؤزونو اوجالدیرسان.
[12] وار-دؤولتله حؤرمت سندن گلئر و سن هر شیه حؤکمرانلیق ادئرسن. اَلئنده قودرت و گوج وار. هر کسی اوجالتماق و گوجلَندئرمَک سنئن اَلئنده‌دئر.
[13] ائندی، ای تاریمیز، بئز سنه شوکور ادئرئک و عئزّتلی آدینا حمد ورئرئک.
[14] آمّا من کئمَم و خالقیم کئمدئر کی، بو جور اؤز گؤیلو ائله نذرلر وره بئلک؟ چونکی هر شی سندندئر و سنئن اَلئندن آلدیغیمیزی سنه ورمئشئک.
[15] بئز بوتون آتالاریمیز کئمی سنئن قاباغیندا بئر قرئب و قوناغیق. گونلرئمئز یِر اوزونده کؤلگه کئمئدئر و هچ نَیه اومئدئمئز یوخدور.
[16] یارب تاریمیز، سنئن موقدّس آدینا معبد تئکمک اوچون حاضیرلادیغیمیز بوتون بو وار-دؤولت سنئن اَلئنله ورئلئب و بونلارین هامیسی سنئندئر.
[17] بئلئرم کی، ای تاریم، سن اوره‌یی ائمتاحان ادئرسن و دوزلویو سِوئرسن. من بوتون بو شیلری اوره‌یئمئن دوزلویو ائله، اؤز گؤیلومله تقدئم اتدئم و ائندی بورادا اولان خالقینین سنه اؤز گؤیلو ائله نذر وردئیئنی شادلیقلا گؤردوم.
[18] یارب، آتالاریمیز ائبراهئمئن، ائسحاقین و ائسرایئلئن تاریسی! خالقینین اوره‌یئنده‌کی ائستَکلرئنده بونو ابده‌جک قورویوب ساخلا و اونلارین اوره‌یئنی اؤزونه طرف یؤنَلت.
[19] اوغلوم سولیمانا صادئق بئر اورَک ور کی، سنئن امرلرئنه، شهادتلرئنه و قایدالارینا عمل اتسئن، بوتون بو ائشلری گؤرسون و تئکئلئشئنه حاضیرلیق گؤردویوم بو معبدی تئکسئن.»
[20] داوود بوتون جاماعاتا ددی: «ائندی تارینیز ربّه حمد ادئن.» بوتون جاماعات آتالارینین تاریسی ربّه حمد اتدی. اونلار اَیئلئب ربّه و پادشاها تعظئم اتدئلر.
[21] او گونون صاباحی ربّه قوربانلار کَسدئلر و ربّه یاندیرما قوربانی اولاراق مئن باش گامیش، مئن باش قوچ، مئن باش قوزو، اونلارین مایع تقدئملرئنی و بوتون ائسرایئل اوچون چوخلو قوربانلار تقدئم اتدئلر.
[22] او گون اونلار بؤیوک شادلیقلا ربّئن قاباغیندا یِیئب-ائچدئلر. سونرا ائکئنجی دفه داوود اوغلو سولیمانی پادشاه اتدئلر. رب اوچون اونو حؤکمدار و صادوقو کاهئنلئیه مسح اتدئلر.
[23] سولیمان آتاسی داوودون یرئنه پادشاه اولوب ربّئن تختئنده اوتوردو و اوغور قازاندی. بوتون ائسرایئللی‌لر اوندان ائطاعت اتدئلر.
[24] بوتون ریئسلر، ائگئد آداملار، هم ده داوودون بوتون اوغوللاری پادشاه سولیمانا باغلی قالماقلارینی اعلان اتدئلر.
[25] رب سولیمانی بوتون ائسرایئللی‌لرئن گؤزونده چوخ اوجالتدی و اونا اِله بئر پادشاهلیق عظمتی وردی کی، اؤزوندن اوّل ائسرایئلده هچ بئر پادشاه اونا مالئک اولمامیشدی.
[26] بله‌جه، یَسّه اوغلو داوود بوتون ائسرایئل اوستونده پادشاهلیق اتدی.
[27] اونون ائسرایئل اوستونده پادشاهلیق اتدئیی مودّت قیرخ ائل ائدی؛ یدّی ائل خِبروندا و اوتوز اوچ ائل اورشلئمده پادشاهلیق اتدی.
[28] او، اوزون عؤمور سوروب، ثروت و شؤهرتدن دویموش حالدا، خوش بئر قوجالیق چاغیندا اؤلدو و یرئنه اوغلو سولیمان پادشاه اولدو.
[29] پادشاه داوودون اوّلدن آخیرا قدر بوتون ائشلری گؤروجو سَمویئلئن کئتابیندا، پیغمبر ناتانین کئتابیندا و گؤروجو جادین کئتابیندا یازیلیبدیر.
[30] داوودون پادشاهلیغی و قودرتی، اونون، ائسرایئلئن و بوتون اؤلکه‌لرئن پادشاهلیقلارینین باشینا گلن احوالات باره‌ده یازیلیبدیر.