[1] داوود قوجالیب یاشالاناندا اؤز اوغلو سولیمانی ائسرایئل اوستونده پادشاه اتدی.
[2] داوود ائسرایئلئن بوتون باشچیلارینی، کاهئنلر و لاوئلی‌لرله بئر یره ییغدی.
[3] اوتوز یاشیندا و بوندان یوخاری یاشدا اولان لاوئلی‌لر سئیاهی‌یا آلیندی. اونلاردان کئشئلرئن سایی اوتوز سکّئز مئن نفر ائدی.
[4] بونلاردان ائیئرمی دؤرد مئن نفری ربّئن معبدئنده نظارت اوچون قویولدو. آلتی مئنی سرکرده و داور،
[5] دؤرد مئنی ده قاپیچی اولدو. دؤرد مئن نفر ده داوودون او موسئقی آلَتلری ائله کی، داوود اونلاری ربّئن حمد-ثناسی اوچون دوزَلتمئشدی، ربّه حمد ادئردئلر.
[6] داوود لاوئنئن نسئل‌لرئنه گؤره کی، گِرشون، قوحات و مِراری اولسون، اونلاری بؤلمه‌لره آییردی.
[7] گِرشونون نسلئندن لَعه‌دان و شئمعی ائدئلر.
[8] لَعه‌دانین اوغوللاری: ائلک اوغلو یِخی‌اِل، زِتام و یواِل-اوچ نفر.
[9] شئمعئنئن آیری اوغوللاری: شِلومئت، خَزی‌اِل و هاران-اوچ نفر. بونلار لَعه‌دانین نسئل باشچیلاری ائدئلر.
[10] شئمعئنئن اوغوللاری: یَخَت، زئزا، یِعوش و بِرئعا. بو دؤرد نفر شئمعئنئن اوغوللاری ائدئلر.
[11] یَخَت ائلک اوغلو، زئزا دا ائکئنجئسی ائدی. لاکئن یِعوشون و بِرئعانین اوغوللاری چوخ دیئلدی. اونلار بئرلئکده بئر نسئل کئمی سئیاهی‌یا آلیندیلار.
[12] قوحاتین اوغوللاری: عَمرام، یئصهار، خِبرون و اوزّی‌اِل-دؤرد نفر.
[13] عَمرامین اوغوللاری: هارون و موسا. هارون لاپ موقدّس شیلری تقدئس اتمک اوچون تعیئن اولوندو. اونون نسلی ابده‌جک ربّئن حوضوروندا بوخور یاندیرماق، ربّه خئدمت اتمک و همئشه اونون آدی ائله برکت ورمک اوچون تعیئن اولوندو.
[14] تاری آدامی موسایا گلئنجه، اونون نسلی لاوی قبئله‌سی آراسیندا سئیاهی‌یا آلیندی.
[15] موسانین اوغوللاری گِرشوم و اِلئعِزِر ائدئلر.
[16] گِرشومون اوغلو باشچی شِبواِل ائدی.
[17] اِلئعِزِرئن اوغلو باشچی رِخَبیا ائدی. اِلئعِزِرئن آیری اوغلو یوخ ائدی، آمّا رِخَبیانین اوغوللاری چوخ ائدی.
[18] یئصهارین اوغلو باشچی شِلومئت ائدی.
[19] خِبرونون اوغوللاری: ائلک اوغلو یِرئیا، ائکئنجئسی اَمَریا، اوچونجوسو یَخه‌زی‌اِل و دؤردونجوسو یِقَمعام.
[20] اوزّی‌اِلئن اوغوللاری: ائلک اوغلو مئکا و ائکئنجئسی یئشّئیا.
[21] مِرارئنئن اوغوللاری مَخلی و موشی ائدئلر. مَخلی‌نئن اوغوللاری اِلعازار و قئش ائدئلر.
[22] اِلعازار اؤلَنده اونون اوغلو یوخ ائدی، آنجاق قیزلاری وار ائدی. اونا گؤره ده، عَمئلری قئشئن اوغوللاری اونلاری آرواد آلدیلار.
[23] موشی‌نئن اوچ اوغلو وار ائدی: مَخلی، عِدِر و یِرِموت.
[24] بونلار آدلاری ائله سئیاهی‌یا دوشَن لاوئلی‌لرئن عایئله باشچیلاری‌دیر. ربّئن معبدئنئن خئدمت ائشئنی گؤرَن لاوئلی‌لر، ائیئرمی یاشیندا و بوندان یوخاری یاشدا ائدی.
[25] چونکی داوود دمئشدی: «ائسرایئلئن تاریسی رب خالقینا دئنجلئک ورئبدئر و اورشلئمده ابده‌جک ساکئن اولاجاق.
[26] لاوئلی‌لر خیمه‌نی و اونون بوتون خئدمت اشیالارینی داها داشیمایاجاقلار.»
[27] بونا گؤره ده داوودون آخیر سؤزلرئنه گؤره ائیئرمی یاشیندا و بوندان یوخاری یاشدا اولان لاوئلی‌لر سئیاهی‌یا آلیندی.
[28] اونلارین وظئفه‌سی ربّئن معبدئنده هارونون نسلئندن اولانلارین یانیندا دایانیب بو خئدمت ائشلرئنی گؤرمَک ائدی: حَیَطلره و یان اوتاقلارا باخماق، بوتون موقدّس اشیالاری تمئزله‌مَک، تارینین معبدئنده خئدمت اتمک،
[29] تقدئم چؤرکلرئنه، تاخیل تقدئمی اوچون ورئلَن اونا، مایاسیز کولچه‌لره، اونلارین پئشمه‌سئنه و قاتیشماسینا، هر جور اؤلچو و اندازه قابلارینا باخماق ائدی.
[30] اونلار گرک هر سحر دوروب ربّه شوکور و حمد ادئردئلر. هر آخشام دا گرک اله ادئردئلر.
[31] سَبّت گونلرئنده، تزه آی مراسئملرئنده، بایراملاردا امر ادئلَن قایدالارا گؤره دوزگون سایدا دائم ربّئن قاباغیندا یاندیرما قوربانلاری تقدئم ادئردئلر.
[32] اونلار هم ده ربّئن معبدئنئن خئدمت ائشی اوچون حوضور چادیرینا و موقدّس یره مسئول قویولوب، قوحوملاری هارون نسلئندن اولان کاهئنلره کؤمک اتمه‌لی ائدئلر.