[1] بونا گؤره ده داوود ددی: «رب تارینین اِوی بورادا اولسون، بورادا ائسرایئل اوچون یاندیرما قوربانلاری گتئرئلَن قوربانگاه دا اولسون.»
[2] داوود امر اتدی کی، ائسرایئل تورپاغیندا اولان قرئبلری بئر یره ییغسینلار و اونلارین آراسیندان داش یونانلار تعیئن اتدی کی، تاری معبدئنئن تئکئلئشئنه داشلار یونسونلار.
[3] داوود قاپی تایلارینین میخلاری و رَزه‌لری اوچون چوخلو دَمئر حاضیرلادی. او قدر بورونج حاضیرلامیشدی کی، چکئیه گلمَزدی.
[4] سایسیز-حسابسیز سئدر آغاجلاری دا ییغدی. چونکی صئدونلولار و صورلولار داوودا چوخلو سئدر آغاجلاری گتئرمئشدئلر.
[5] داوود ددی: «اوغلوم سولیمان جاواندیر، تجروبه‌سی یوخدور، ربّه تئکئله‌جک معبد گرک عظمتلی اولسون، شؤهرتی و اِحتئشامی گرک بوتون اؤلکه‌لره یاییلسین. بونا گؤره اونون اوچون حاضیرلیق گؤرمه‌لی‌یَم.» بله‌جه، داوود، اؤلوموندن قاباق چوخلو حاضیرلیق ائشلری گؤردو.
[6] داوود اوغلو سولیمانی چاغیردی و ائسرایئلئن تاریسی رب اوچون معبد تئکمه‌یی اونا وصئیّت اتدی.
[7] داوود سولیمانا ددی: «اوغلوم، منئم اوره‌یئمده بو ائستَک وار ائدی کی، تاریم ربّئن آدینا بئر معبد تئکئم.
[8] آمّا ربّئن بو سؤزو منه نازئل اولدو: ”سن چوخلو قان تؤکوبسن و بؤیوک موحارئبه‌لر ادئبسن. سن منئم آدیما معبد تئکمیه‌جکسن، چونکی حوضورومدا یره چوخلو قان تؤکوبسن.
[9] باخ، سنئن بئر اوغلون اولاجاق. او، دئنج یاشایاجاق؛ اونا اطرافینداکی بوتون دوشمنلرئندن راحاتلیق وره‌جیم. اونون آدی سولیمان اولاجاق. اونون دؤورونده ائسرایئله صولح و اَمئن-آمانلیق وره‌جیم.
[10] او منئم آدیما معبد تئکه‌جک. او منه اوغول اولاجاق، من ده اونا آتا اولاجاغام. اونون پادشاهلیق تختئنی ائسرایئل اوستونده ابدئلئک پایدار اده‌جیم.“
[11] ائندی، اوغلوم، قوی رب سنه یار اولسون کی، باشاریلیق قازاناسان و تارین ربّئن معبدئنی، سنئن حاقّیندا ددئیی کئمی، تئکه‌سن.
[12] آنجاق رب سنه بصئرت و فهم ورسئن و سنی ائسرایئل اوستونه حؤکمدار قویسون کی، تارین ربّئن وردئیی شرئعته عمل اده‌سن.
[13] اگر ائسرایئل باره‌ده ربّئن موسایا امر اتدئیی قایدالارا و حؤکملره عمل اده‌سن، اوغور قازانارسان. گوجلو و اورَکلی اول. قورخما و روحدان دوشمه.
[14] باخ، بؤیوک عذابلارلا ربّئن معبدی اوچون یوز مئن تالانت قیزیل، بئر مئلیون تالانت گوموش، چوخ اولدوغوندان چکئیه گلمَز بورونج و دَمئر ییغمیشام. آغاجلار و داشلار دا حاضیرلامیشام. سن ده بونلارین اوستونه علاوه اده بئلرسن.
[15] سنئن یانیندا چوخلو ائشچئلر، داش یونانلار، بنّالار، دولگرلر،
[16] هر جور قیزیل، گوموش، بورونج و دَمئر ائشئنی باجاران اوستالار وار. اونلارین سایی-حسابی یوخدور. قالخ و ائشه باشلا. قوی رب سنئنله اولسون.»
[17] داوود ائسرایئلئن بوتون باشچیلارینا امر اتدی کی، اوغلو سولیمانا کؤمک اتسئنلر. ددی:
[18] «مگر تارینیز رب سئزئنله دیئل؟ مگر سئزه هر طرفدن دئنجلئک ورمه‌یئب؟ چونکی او، اؤلکه‌نئن ساکئنلرئنی منئم اَلئمه ورئب و اؤلکه ربّه و اونون خالقینا تابع اولونوب.
[19] ائندی اوره‌یئنئزی و جانینیزی تارینیز ربّی آختارماغا یؤنَلدئن. قالخین و رب تارینین موقدّس مکانینی تئکئن، اِله کی، ربّئن عهد ساندیغینی و تارینین موقدّس اشیالارینی ربّئن آدینا تئکئلمئش معبده گتئره‌سئنئز.»