[1] داوود ساراییندا یاشایان واخت پیغمبر ناتانا ددی: «باخ، من سئدر آغاجیندان تئکئلَن بئر سارایدا یاشاییرام، آمّا ربّئن عهد ساندیغی چادیر آلتیندادیر.»
[2] ناتان داوودا ددی: «اوره‌یئنده‌کی نئیّتی حیاتا کچئرت، چونکی تاری سنئنله‌دئر.»
[3] لاکئن او گجه ناتانا تارینین بو سؤزو نازئل اولدو:
[4] «گت قولوم داوودا دِه کی، رب بله دیئر: ”یاشاماق اوچون منه اِوی سن تئکمیه‌جکسن،
[5] چونکی ائسرایئلی چیخارتدیغیم گوندن بو گونه قدر هچ بئر اِوده یاشامامیشام، چادیردان چادیرا، مسکندن مسکنه گزمئشم.
[6] بوتون ائسرایئللی‌لرله بئرلئکده گَزدئیئم یرلرده، خالقیما چوبانلیق اتمه‌یی امر اتدئیئم ائسرایئل داورلرئندن بئرئنه مگر هچ اولوب دئیَم کی، نئیه منه سئدر آغاجیندان بئر اِو تئکمه‌دئن؟“
[7] ائندی قولوم داوودا دِه کی، قوشونلار ربّی بله دیئر: ”من سنی اوتلاقلاردا قویون اوتارارکَن گؤتوروب خالقیم ائسرایئله حؤکمدار اتدئم.
[8] گتدئیئن هر یرده سنئنله اولموشام، قاباغیندان بوتون دوشمنلرئنی قیریب آتمیشام. آدینی دونیاداکی بؤیوکلرئن آدی کئمی مشهور اده‌جیم.
[9] خالقیم ائسرایئل اوچون بئر یر تعیئن اده‌جیم، اونلاری اَکه‌جیم، اله کی، اؤز یرلرئنده مسکن سالیب، بئر داها لرزه‌یه دوشمه‌سئنلر. شر آداملار دا، اَوّللر کئمی، حتّا خالقیم ائسرایئللی‌لره داورلر تعیئن اتدئیئم گونلردن بَری اتدئکلری کئمی، اونلاری بئر داها قیریب تؤکمیه‌جکلر.
[10] بوتون دوشمنلرئنی اَزه‌جیم. سنه بئلدئرئرم کی، رب سنه بئر اِو تئکه‌جک.
[11] عؤمرون باشا چاتیب، اؤلوب آتالارینا قوشولاجاغین زامان، یرئنه سنئن نسلئندن بئرئنی قویاجاغام کی، سنئن اوغوللاریندان اولاجاق؛ و اونون پادشاهلیغینی برقرار اده‌جیم.
[12] او منئم اوچون اِو تئکه‌جک و من اونون تختئنی ابده‌جک برقرار اده‌جیم.
[13] من اونا آتا، او دا منه اوغول اولاجاق. محبّتئمی اوندان گری آلمایاجاغام، نجه کی، سندن قاباقکی آدامدان گری آلدیم.
[14] اونو اؤز اِوئمئن و پادشاهلیغیمین اوستونه ابده‌جک قویاجاغام و اونون تختی ابده‌جک پایدار قالاجاق.“»
[15] ناتان داوودا بوتون بو سؤزلری و بوتون بو وحیی نقل اتدی.
[16] او واخت پادشاه داوود ائچه‌ری گتدی و ربّئن قاباغیندا اوتوروب ددی: «یارب تاری، من کئمَم و نسلئم کئمدئر کی، سن منی بو یره چیخاردیبسان؟
[17] ای تاری، سنئن گؤزونده بو کئچئک بئر ائش ائدی، لاکئن بو قولونون نسلئنئن گله‌جَیی حاقّیندا بؤیوک بئر خبر ورئبسن و منه بؤیوک بئر آدام کئمی باخیبسان، یارب تاری!
[18] بو قولونا عئزّت وردئیئن اوچون من داوود سنه داها نه دئیه بئله‌رم؟ چونکی سن بو قولونو تانی‌ییرسان.
[19] یارب، قولوندان اؤتری، اؤز اوره‌یئنه گؤره، بو بؤیوک ائشلرئن هامیسینی ادئبسن کی، بوتون بو بؤیوک ائشلرئنی گؤرسده‌سن.
[20] یارب، قولاقلاریمیزلا اشئتدئکلرئمئزئن هامیسینا گؤره، سنئن کئمئسی هچ یوخدور و سندن آیری تاری یوخدور.
[21] یر اوستونده خالقین ائسرایئل کئمی بئر مئلّت مگر وار؟ ای تاری، سن گتدئن کی، اونو اؤزونه خالق ساتین آلاسان. سن مئصئردن ساتین آلدیغین خالقینین قاباغیندان مئلّتلری قوودون و بؤیوک و هیبتلی ائشلرله اؤزونه شؤهرت قازاندین.
[22] خالقین ائسرایئلی ابده‌جک اؤزونه خالق اتدئن، سن، یارب، اونلارین تاریسی اولدون.
[23] ائندی یارب، قوی بو قولون و اونون نسلی حاقّیندا ددئیئن سؤز ابدی اولاراق پایدار قالسین و ددئیئنه موطابئق عمل ات.
[24] قوی آدین ابده‌جک قالسین و عئزّتلَنسئن، دسئنلر: ”قوشونلار ربّی ائسرایئلئن تاریسی‌دیر، ائسرایئلئن تاریسی.“ قولون داوودون نسلی ده سنئن حوضوروندا پایدار قالسین.
[25] چونکی، سن ای تاریم، بو قولونا بئلدئرئبسن کی، اونا بئر اِو تئکه‌جکسن. بونا گؤره قولون جسارت تاپیب کی، سنئن حوضوروندا دوعا اتسئن.
[26] ائندی یارب، سن تاریسان و قولونا بو یاخشی شیی وعده ورئبسن.
[27] ائندی ده سنه خوش گؤرونوب کی، بو قولونون نسلئنه برکت وره‌سن و اونلار سنئن حوضوروندا ابده‌جک پایدار قالالار. چونکی سن، یارب، برکت ورئبسن و او ابده‌جک برکت آلیب.»