[1] Benjaminax Bela chachan awkipänwa, jupasti jilïr wawapänwa; payïrix Asbel; kimsïristi Ahrah;
[2] pusïrix Nohá, phisqïristi Rafá.
[3] Bela chachan wawanakapa: Adar, Guerá, Abihud,
[4] Abisúa, Naamán, Ahóah,
[5] Guerá, Sefufán, Hiram.
[6] Ehud chachan wawanakapa, Gueba chiqan jakir wila masin jilïrinaka, jupanakax Manáhat chiqar alisnukutänwa:
[7] Naamán, Ahías, Guerá jupax Uzá, Ahiud jupanakan awkipänwa, jupanakarux jupaw irpäna.
[8] Saharaim chachax Moab chiqan Husim, Baará warminakapamp jaljtxasax yaqha wawanakanïnwa.
[9] Hodes sat qhipa warmimpi wawanakapa: Jobab, Sibiá, Mesá, Malcam,
[10] Jeús, Saquías, Mirmá satäpxänwa. Jupanakaw wila masinakat jilïr wawanakapaxa.
[11] Husim sat warmipampix Abitub, Elpáal uka wawanakanïnwa.
[12] Elpáal chachan wawanakapa: Éber, Misam, Sémed jupaw Onó, Lod markanak sayt'ayäna, jisk'a markanakapamppach kuna;
[13] Beriá, Sema chachanakax wila masipan jilïripäpxänwa, Aialón chiqan jakapxarakïna, jupanakaw Gat chiqat nayra jakir jaqinakarux alisnukupxäna;
[14] Sasac, Jeroham chachanakax jupanakan jilanakapänwa.
[15] Zebadías, Arad, Ader,
[16] Micael, Ispá, Johá jupanakax Beriá chachan wawanakapänwa.
[17] Zebadías, Mesulam, Hizquí, Éber,
[18] Ismerai, Izlías, Jobab jupanakax Elpáal chachan wawanakapänwa.
[19] Jaquim, Zicrí, Zabdí,
[20] Elienai, Siletai, Eliel,
[21] Adaías, Beraías, Simrat jupanakax Simí chachan wawanakapänwa.
[22] Ispán, Éber, Eliel,
[23] Abdón, Zicrí, Hanán,
[24] Hananías, Elam, Anatotías,
[25] Ifdaías, Peniel jupanakax Sasac chachan wawanakapänwa.
[26] Samserai, Seharías, Atalías,
[27] Jaresías, Elías, Zicrí jupanakax Jeroham chachan wawanakapänwa.
[28] Jupanakaw wakiskir jilïri wila masit saraqirinakaxa, jupanakax Jerusalén markan jakapxäna.
[29] Gabaón markan Jehiel chachax jakäna, jupax Gabaón chachan awkipänwa. Warmipax Maacá satänwa.
[30] Wawanakapax akanakänwa: Abdón, tayna yuqall wawapa, ukxankirinaka: Sur, Quis, Baal, Ner, Nadab,
[31] Guedor, Ahió, Zéquer,
[32] Miclot, jupasti Simí chachan awkipänwa, jilanakapar uñtas sarnaqasax Jerusalenan jupanakampix jakapxäna.
[33] Ner jaqix Quis chachan awkipänwa, Quis jaqix Saúl chachan awkipänwa, Saulux Jonatán, Malquisúa, Abinadab, Es-baal chachanakan awkipänwa.
[34] Jonatanan wawapax Merib-baal chachänwa, jupax Micaías chachan awkipänwa.
[35] Micaías chachan wawanakapa: Pitón, Mélec, Tarea, Ahaz.
[36] Ahaz jaqix Joadá chachan awkipänwa, Joadá jaqix Alémet, Azmávet, Zimrí jupanakan awkipänwa; Zimrí jaqix Mosá chachan awkipänwa.
[37] Mosá jaqix Biná chachan awkipänwa, jupax Rafá chachan awkipänwa, jupax Elasá chachan awkipänwa, jupax Asel chachan awkipänwa.
[38] Asel chachan wawanakapax suxtanïnwa: Azricam, Bocrú, Ismael, Searías, Abdías, Hanán satäpxänwa. Taqi jupanakaw Asel chachan wawanakapaxa.
[39] Ésec jilapan wawanakapa: Ulam, tayna yuqall wawapa, payïrix Jehús, kimsïrix Elifélet.
[40] Ulam chachan wawanakapax jan axsarir soldadonaka, mich'inakap apnaqañatakis wali yatxatatanakänwa. Jupanakax walja wawanakani, walja allchhinakanïnwa, taqpachanix patak phisqa tunkanïpxänwa, taqi jupanakaw Benjamín chachat saraqir wawanakapaxa.