[1] Judá chachan wawanakapa: Fares, Hesrón, Carmí, Hur, Sobal.
[2] Reaías, Sobal chachan wawapa, jupax Jáhat chachan awkipänwa, Jáhat jaqix Ahumai, Láhad chachanakan awkipänwa. Jupanakax soratitanakan wila masinakapänwa.
[3] Hur chachan wawanakapa: Etam, Jezreel, Ismá, Idbás, Penuel, jupax Guedor chachan awkipänwa, Éser, jupax Husá chachan awkipänwa. Jupanakax mä kullakanïnwa Haslelponi sutini. Jupanakax Hur chachan wawanakapänwa, Efratan jilïr wawapa, Belén chachan nayra awkiparakïnwa.
[5] Ashur, Tecoa chachan awkipax pä warminïnwa: Helá, Naará.
[6] Naará warmix Ahuzam, Héfer, Temení, Ahastarí jupanakan taykapänwa. Jupanakaw Naará warmin wawanakapänxa.
[7] Helá warmin wawanakapa: Séret, Jesohar, Etnán.
[8] Cos jaqix Anub, Sobebá chachanakan awkipänwa, Aharhel chachan nayra awkipan wila masiparakïnwa, jupax Harum chachan wawapänwa.
[9] Jabés chachax jilanakapat sipan taqin uñt'at jaqïnwa, taykapax Jabés sutimpiw juparux sutiyäna, jupasti sänwa: “Wali t'aqhisiñampiw wawachasta” sasa.
[10] Jabés chachax Israel markan Diosaparuw mayisïna akham sasa: “Khuyapt'ayasita, mä jach'a uraq churita, nayan jan t'aqhisiñaxatak yanapt'ita, qhispiyarakita” sasa. Diosasti mayitaparux ist'änwa.
[11] Quelub, Suhá chachan jilapa, jupax Mehír chachan awkipänwa; Mehír jaqisti Estón chachan awkipänwa,
[12] Estón jaqix Bet-rafá, Paséah, Tehiná chachanakan awkipänwa, jupasti Nahas marka utt'ayirïnwa. Jupanakaw Recá markan jakir jaqinakaxa.
[13] Quenaz chachan wawanakapa: Otoniel, Seraías. Otoniel chachan wawanakapa: Hatat,
[14] Meonotai, jupax Ofrá chachan awkipänwa. Seraías jaqix Joab chachan awkipänwa, Harisim qhirwan jakir jaqinakan nayra awkiparakïnwa, jupanakax amparampi lurat yänak lurirïpxänwa.
[15] Jefuné chachan Caleb yuqapan wawanakapa: Ir, Elá, Náam. Elá jaqix Quenaz chachan awkipänwa.
[16] Jahaleel chachan wawanakapa: Zif, Zifá, Tirías, Asarel.
[17] Esdras chachan wawanakapa: Jéter, Méred, Éfer, Jalón. Méred chachax faraonan Bitiá phuchhapampiw jaqichasxäna, jupan wawanakapa: María, Samai, Isbah, Isbahasti Estemoa chachan awkipänwa. Méred chachax Judá ayllunkir yaqha warminïnwa, jupampix kimsa wawanïnwa: Jéred, Héber, Jacutiel. Jéred chachan wawapax Guedor sutini. Héber chachan wawapasti Socó sutini. Jacutiel chachan wawapax Zanóah sutiniraki.
[19] Odías chachax Náham chachan kullakapampiw jaqichasxäna, jupampix pä wawanïnwa: Queilá, Estemoa jupanaka, Queilá jaqix garmita ayllunkirïnwa, Estemoa jaqisti maacateos ayllunkirirakïnwa.
[20] Simón chachan wawanakapa: Amnón, Riná, Ben-hanán, Tilón. Isí chachan wawanakapa: Zohet, Ben-zohet.
[21] Judá chachan Selá yuqapan wawanakapa: Er, Lecá chachan awkipa, Ladá, Maresá chachan awkipa, wila masinakapax Bet-asbea chiqan lino irnaqapxäna,
[22] Joacín, Cozebá chiqankir jaqinaka, Joás, Saraf jupanakax moabita warminakampiw jaqichasipxäna, ukatsti Belenaruw kutt'anipxäna, kunjämatix nayra qillqatanakan parlki ukhama.
[23] Jupanakax sañu lurirïpxänwa; Netaim, Guederá chiqanakan jakapxäna, ukatsti reyin luqtiripäpxänwa.
[24] Simeón chachan wawanakapa: Nemuel, Jamín, Jarib, Zérah, Saúl.
[25] Saulux Salum chachan awkipänwa, Salum jaqisti Mibsam chachan awkipänwa, Mibsam jaqix Mismá chachan awkipänwa.
[26] Mismá jaqix Hamuel chachan awkipänwa; Hamuel jaqisti Zacur chachan awkipänwa, Zacur jaqix Simí chachan awkipänwa.
[27] Simí chachax tunka suxtan yuqalla, suxta imill wawanakanïnwa; jilanakapasti janiw walja wawanïpkänti, ukat saraqir wila masinakapax jan yapxatkänti, Judá chachan saraqirinakapjamaxa.
[28] Jupanakax Beerseba, Moladá, Hasar-sual,
[29] Bilhá, Ésem, Tolad,
[30] Betuel, Hormá, Siclag,
[31] Bet-marcabot, Hasar-susim, Bet-birai, Saaraim chiqanakan jakapxäna. Davidan reyïñapkamax uka markanakaw jupanakan markanakapänxa.
[32] Ukhamarus phisqa markanakampiw jupanakan utjäna: Etam, Ain, Rimón, Toquen, Asán,
[33] uka markanak jak'an utjkän taqpach jisk'a markanakamppacha Baalat chiqakama. Aka chiqanakan jupanakax jakapxäna, wila masinakapatkam qillqatäpkäna ukanakasa.
[34] Mesobab, Jamlec, Josías jupax Amasías chachan yuqapänwa,
[35] Joel, Jehú jupax Josibías chachan yuqapänwa, jupasti Seraías chachan yuqapänwa, jupax Asiel chachan yuqapänwa;
[36] Elioenai, Jaacoba, Jesohaías, Asaías, Adiel, Jesimiel, Benaías,
[37] Ziza jupax Sifi chachan yuqapänwa, Alón chachan yuqapa, Jedaías chachan yuqapa, Simrí chachan yuqapa, Semaías chachan yuqaparaki.
[38] Aka aytat sutinakax wila masinakapan jilïrinakänwa. Jupanakan wila masinakapan yapxattas waljanir tukutapatxa,
[39] inti jalsu tuqinkir Guerar chiqan mantañapar purisax uywanakapatakiw manq'añanak thaqtapxäna,
[40] ukawjan walja suma chhuyu chhuxllanaka, suma jach'a uraqinak jikxatapxäna. Ukawjan nayra pachax Cam chachat saraqir wawanakapax jakapxatayna,
[41] ukampis Judá chiqankir Ezequías reyin urunakapansti, niya satäki uka jaqinakax jutasin jan mayampitakiw campamentonakapa, utanakap tukjapxäna, ukatsti jupanakaw uka chiqan jakxapxäna, uywanakapatak chhuxllanak utjatap layku.
[42] Ukhamarusa, Simeón chachat saraqir wawanakapax phisqa patak jaqinakaw Seír qullur sarapxäna aka chachanakan irpata: Pelatías, Nearías, Refaías, Uziel, jupanakasti Isí chachan yuqanakapänwa,
[43] ukatsti amalecitanakat jilt'apki uka jaqinakaruw tukjapxäna. Ukürut jichhürkamaw jupanakax ukawjan jakasipki.