Listen to this chapter • 0:49
[1] དེ་ནས་ཤུ་ཧེ་པ་པེལ་དེལ་གྱིས་ལན་བཏབ་ཅིང་སྨྲས་པ།
[2] དཀོན་མཆོག་ཁོང་ཉིད་དབང་བསྒྱུར་མཛད་མཁན་ཏེ། ། ཁོང་ནི་རྔམ་བརྗིད་ལྡན་ཞིང་འཇིགས་སུ་རུང་། ། ཁོང་གིས་མཐོ་སར་ཞི་བདེ་མཛད་པ་ཡིན། །
[3] ཁོང་གི་དཔུང་ཚོགས་རྣམས་ནི་བགྲང་ལས་འདས། ། ཁོང་གི་འོད་ནི་སུ་ལ་མི་འཆར་རམ། །
[4] དེ་བས་དཀོན་མཆོག་ཁོང་གི་སྐུ་དྲུང་དུ། ། མི་ནི་ཇི་ལྟར་དྲང་བདེན་ཅན་དུ་བརྩི། ། བུད་མེད་དག་ལས་བཙས་པ་ཇི་ལྟར་གཙང་། །
[5] དཀོན་མཆོག་དྲུང་དུ་ཟླ་བར་བཀྲག་མདངས་མེད། ། ཁོང་གི་གཟིགས་ངོར་སྐར་མ་དྭངས་གཙང་མིན། །
[6] དེ་བས་འབུ་དང་འདྲ་བའི་མི་རྣམས་དང་། ། སྐྱག་འབུ་ལྟ་བུའི་མི་ནི་སྨྲ་ཅི་དགོས། །