[1] فِستوس وِلایاتا حاکیم بُلوپ گِلِنینه اوچ گون گِچِنسُنگ، قیصریه‌دِن اورشلیمه گیتدی.
[2] اُل یِرده یُلباشچی کاهینلار بیلِن یَهودی باشلیغلاری فِستوسا پولسینگ اوستوندِن شیکایات اِتدیلِر.
[3] فِستوسدان اُزلِرینه بیر یاخشیلیق اِتمِگینی سُراپ، پولسی اورشلیمه گِتیرمِگی اوچین یالباردیلار. آصلیندا اُلار دوزاق قوروپ، یُلدا پولسی اُلدورمِگه نییِتیندِدیلِر.
[4] فِستوس اُلارا شِیله جُغاپ بِردی: «پولس قیصریه‌ده زینداندا، مِن هِم باسیم اُل یِره گیتجِک.
[5] آرانگیزداقی یُلباشچیلار مِنینگ بیلِن بیله بارسینلار. اِگِر پولس بیر یامان ایش اِدِن بُلسا، قُی، اُنی عاییپلاسینلار.»
[6] فِستوس اُلارینگ یانیندا سِکیز-اُن گون قُلای بُلوپ، قیصریه قایتدی. اِرتیسی گون اُل مَحکِمَه چیقیپ، پولسینگ گِتیریلمِگینی تابشیردی.
[7] پولس ایچِری گیرِنده، اورشلیمدِن گِلِن یَهودیلِر اُنونگ داشینا اویشوپ، اُنی عاییپلاپ باشلادیلار، اِمّا اُز عاییپلامالارینی تاصدیق اِدیپ بیلمِدیلِر.
[8] پولس اُزونی قُریپ: «مِن یَهودیلِرینگ شِریغاتینا-دا، عیباداتخانا-دا، ایمپِراطُرا-دا قارشی گونَه اِتمِدیم» دییدی.
[9] فِستوس یَهودیلِرینگ ایسلِگینی اِتمِک اوچین، پولسدِن: «اورشلیمه گیدیپ، شُل یِرده بو باباتدا اُزونگه حُکوم اِدیلمِگینی ایسلِیَرسینگمی؟» دییّپ سُرادی.
[10] اِمّا پولس: «مِن ایمپِراطُرینگ مَحکِمه‌سینینگ اُوونده دورون، مانگا شو یِرده قاضیلیق اِدیلمِلیدیر. مِن یَهودیلِره قارشی هیچ بیر یامانلیق اِدِن دَلدیرین، مونی سِنینگ اُزونگ هِم قاوی بیلیَنسینگ.
[11] مِن یامانلیق اِدِن بُلسام یا-دا اُلومه لاییق بیر ایش اِدِن بُلسام، اُلومدِن قاچمایارین. اِگِر بو آداملارینگ مانگا قارشی عاییپلامالاری یالان بُلسا، مِنی اُلارینگ اِلینه تابشیرماغا هیچ کیمینگ حاقی یُقدور. مِن داعوامی ایمپِراطُرا عارض اِدیَرین» دییدی.
[12] اُنسُنگ فِستوس مِجلِس بیلِن ماصلاحاتلاشیپ: «داعوانگ بارادا ایمپِراطُرا عارض اِتدینگ، ایمپِراطُرینگ یانینا-دا گیدِرسینگ» دییدی.
[13] بیرنَچه گون گِچِندِن سُنگ، آغریپاس پادیشاه اُز آیال دُغانی بِرنیکی بیلِن فِستوسا خوش گِلدینگیز دییمِک اوچین، قیصریه گِلدی.
[14] اُلار کَن واقت اُل یِرده قالانلاریندان سُنگ، فِستوس پولسینگ ایشینی پادیشاها گورّونگ بِردی: «فِلیکسینگ زیندان اِدیپ قُیان بیر آدامی بار.
[15] مِن اورشلیمدِکَم، یَهودیلِرینگ یُلباشچی کاهینلاری و یاشولیلاری اُنونگ اوستوندِن شیکایات اِدیپ، اُنی مَحکوم اِتدیرمِگیمه خاییش اِتدیلِر.
[16] مِن اُلارا: ”رومیلارینگ عاداتینا گُرَه هیچ کیم سُراق اِدیلمِزدِن مَحکوم بُلدیرماق اوچین شیکایاتچینینگ اِلینه تابشیریلمایار. عاییپلانیانی شیکایاتچیلاری بیلِن یوزلِشدیریپ، اُنگا تُهمِتلِیَن عاییپ باباتدا اُزونی قُریماغا مومکینچیلیک بِریلیَر“ دییّپ جُغاپ بِردیم.
[17] عاییپلایانچیلار بو یِره اویشِنلِرینده بُلسا، مِن واقتی اِلدِن بِرمَن، اِرتیسی گون مَحکِمه چیقیپ، پولسینگ گِتیریلمِگینی تابشیردیم.
[18] اِمّا اُنونگ قارشیسینا کِپلَن شیکایاتچیلار اُنگا مِنینگ قاراشان عاییپلاریمینگ هیچ بیرینی تُهمِتلِمِدیلِر.
[19] مونگا اوچین اُلارینگ اُز دینلِری هِم-ده بیر عیسی آدلی اُلوپ گیدِن، اِمّا پولسینگ دیری دییَّن آدامی بارادا جِدِل‍لِری بار میشدیق.
[20] مِن بو مِسِلَنی نَهیلی چُزسِمکَم دییّپ آغیر یاغدایا دوشدوم. پولسدِن اورشلیمه گیدیپ، اُل یِرده بو زاتلار باباتدا اُزونه قاضیلیق اِدیلمِگینه راضیدیغینی یا-دا دَلدیگینی سُرادیم.
[21] اِمّا پولس داعواسینی ایمپِراطُرینگ چُزمِگینی، اُنگا چِنلی زینداندا بُلماغینی ایسلِدی. شُنونگ اوچین اُنی ایمپِراطُرینگ یانینا یُلّایانچام، زینداندا ساقلاماغی تابشیردیم.»
[22] آغریپاس فِستوسا: «مِن هِم شُل آدامینگ گورّونگینی اِشیتمِک ایسلِیَرین» دییدی. فِستوس هِم: «اُنی اِرتیر اِشیتِرسینگ» دییدی.
[23] اِرتیسی گون آغریپاس و بِرنیکی تُماشالی یاغدایدا گِلیپ، سِردارلار و شَهرینگ آدلی-آبرایلی آداملاری بیلِن بیرلیکده سالُنا گیردیلِر. فِستوسینگ دِستورینا گُرَه پولسی گِتیردیلِر.
[24] فِستوس شِیله دییدی: «اِی پادیشاه آغریپاس و بو یِردَکی هِمّه آداملار! سیز بو آدامی گُریَنگیزمی؟ اورشلیمدَکی و بو یِردَکی هِمّه یَهودیلِر اُنونگ اوستوندِن مانگا شیکایات اِدیپ: ”اُل موندان کَن یاشامالی دَل!“ دییّپ قیغیریشدیلار.
[25] اِمّا مِنینگ فیکریمچه، اُل اُلومه لاییق ایش اِتمَندیر. اِمّا اُزونینگ داعواسی بارادا ایمپِراطُرا عارض اِدِندیگی اوچین، اُنی روما یُلّاماق قارارینا گِلدیم.
[26] اُل حاقدا ایمپِراطُرا یازار یالی بِلّی بیر زادیم یُق. شُنونگ اوچین-ده اُنی سیزینگ حوضورینگیزا، خاص-دا، اِی آغریپاس پادیشاه، سِنینگ حوضورینگا چیقاردیم. بو مِسِلَنی گُرِنیمیزدِن سُنگ، مونونگ نِتیجه‌سینده یازماغا بیر زاتلار تاپماغیم آخمال.
[27] سِبَبی زیندانا قارشی تُهمِتلِیَن عاییپلامالاری گُرکِزمِزدِن، اُنی ایمپِراطُرینگ یانینا یُلّاماقلیق مانگا مَعنیسیز گُرونیَر.»