[1] بَش گوندِن سُنگ باش کاهین حَنانیا بیرنَچه یاشولیلار و تِرتولُس آدلی وِکیل بیلِن قیصریه گِلدی. اُلار پولسه قارشی شیکایاتلارینی حاکیمه یِتیرمِکچیدیلِر
[2] پولسی چاغیریپ گِتیرِنلِرینده، تِرتولُس اُنی عاییپلاماغا باشلادی: «حُرماتلی فِلیکس! سِنینگ سایانگدا بیز اِنچِمه واقتدان بَری راحاتچیلیقدا یاشایاریس. عاقیلّی دوشونیَنلیگینگ بیلِن خالقیمیز اوچین اولی اویتگِشیلیکلِری یِرینه یِتیردینگ. بیز مونی هِمّه یِرده و هِمیشه قاتی مینِّتدارلیق بیلِن تاصدیقلایاریس.
[4] مِن سِنینگ کَن واقتینگی آلماقچی دَل، اُز مِهرِبانلیغینگ بیلِن بیزینگ قیسغا خاباریمیزا قولاق آسماغینگی خاییش اِدیَرین.
[5] «بیز بو آدامینگ دونیَه‌دَکی هِمّه یَهودیلِرینگ آراسیندا قالماغال توروزیان بیر فیتنه‌چیدیگینه گُز یِتیردیک و اُل ناصِره تُپلانتینینگ باشلیغی.
[6] اُل حتّیٰ عیباداتخانانی-دا بی‌حُرمات اِتمَگَه چالیشدی. [بیز اُنی اُز شِریغاتیمیزا گُرَه حُکوم اِتمِکچیدیک،
[7] اِمّا سِردار لیسییاس گِلیپ، گویچ بیلِن اُنی اِلیمیزدِن آلدی.
[8] اُنی عاییپلایانلارا سِنینگ حوضورینگا گِلمِگی بویوردی دییِن اوستونه قُشولان سُزلِر بار.] سِنینگ اُزونگ هِم بو آدامی سُراغا چِکیپ، بیزینگ اُنی نَمِده عاییپلایاندیغیمیزی اُنونگ اُزوندِن آچیقلاپ حاقیقاتی بیلِرسینگ.»
[9] اُل یِردَکی یَهودیلِر هِم آیدیلانلارینگ دُغرودیغینی تاصدیقلاماق بیلِن بو عاییپلامالارا قُشولدیلار.
[10] حاکیم پولسه کِپلَبِر دییّپ ایشارات اِدِندِن سُنگ، اُل سُزه باشلادی: «سِنینگ کَن ییل‍لاردان بَری بو میلِّتینگ اوستوندِن قاضیلیق اِدیَندیگینگی بیلیَرین. شُنونگ اوچین اُزومی سِنینگ حوضورینگدا قُرییاندیغیما خاص بِگِنیَرین.
[11] خودایا عیبادات اِتمِک اوچین اورشلیمه بارانیما اُن ایکی گوندِن کَن بُلماندیغینی اُزونگ هِم سُراپ بیلِرسینگ.
[12] بو آداملاردان هیچ بیری مِنینگ عیباداتخانادا بیری بیلِن جِدِلِّشِنیمی، کِنیسه‌لِرده یا بُلماسا شَهرده خالقی آیاغا قالدیرانیمی گُرِن دَلدیر.
[13] اُلار مانگا تُهمِتلِیَن عاییپلارینی سانگا تاصدیق اِدیپ بیلمِزلِر.
[14] اِمّا سانگا شونی ایقرار اِتمِک بیلِن اُلارینگ ”یالان تَعلیمات“ دییّپ آدلاندیریان عیسانینگ یُلونا دوشیَرین. مِن آتا-بابالاریمیزینگ خودایینا عیبادات اِدیَرین. تُورات‌دا و پیغامبارلارینگ یازغیلاریندا یازیلان هِر بیر سُزه اینانیارین.
[15] اِدیل بو آداملار یالی، مِن هِم دُغرولارینگ-دا، دُغری دَل‍لِرینگ-ده اُلومدِن دیرِلجِکدیگینه خودایا اومید باغلایارین.
[16] شُنونگ اوچین هِم خودایینگ و اینسانلارینگ اُوونده وِجدانیمی هِمیشه پَک ساقلاماغا چالیشیارین.
[17] «مِنینگ اورشلیمده بُلمانیما اِنچِمه ییل بُلدی، ایندی بُلسا خالقیمینگ قاریپلارینا صاداقا بِرمِک اوچین اُل یِره گِلدیم.
[18] بو زاتلار بیلِن مِشغولّانیارقام، اُلار مِنی عیباداتخانادا گُردولِر. مِن پَکلِنیش سونِّتینی بِرجای اِدیَردیم، یانیمدا هیچ هیلی جِماغات-دا، قالماغال-دا یُقدی.
[19] اِمّا اُل یِرده آسیا وِلایاتیندان گِلِن کَبیر یَهودیلِر باردی. اُلارینگ مانگا شیکایاتلاری بار بُلسا، اُزلِرینینگ شو یِره گِلیپ، مِنی سِنینگ حوضورینگدا عاییپلاماقلاری گِرِکدیر.
[20] یا-دا بو یِردَکیلِر مِجلِسینگ اُوونده دورانیمدا، مِندِن نَمه جِنایات تاپاندیقلارینی، قُی، آیتسینلار.
[21] اُلارینگ اُوونده دوروپ، قاتی سِس بیلِن: ”اُلولِر دیرِلیَر دییِنیم اوچین بو گون سیزینگ اُوونگیزده حُکوم اِدیلیَرین“ دییّپ قیغیردیم. موندان باشغا مِنینگ نَمه عاییبیم بار؟»
[22] عیسانینگ یُلی حاقدا خاص داقیق ماغلوماتی بُلان فِلیکس ایشی سُنگرا قُیوپ: «داعوانگیز حاقدا سِردار لیسیاس گِلِندِن سُنگ قارار چیقارارین» دییدی.
[23] فِلیکس اُل یِردَکی اَفسَره پولسی خاباردار ساقلاماغی، اِمّا اُنگا بیرآز آزادلیق بِرمِگی، اُنونگ مَحتَجلیکلِرینه کُمِک بِرمِک ایسلِیَن دُستلارینا اِجازا بِرمِگی تابشیردی.
[24] بیرنَچه گوندِن سُنگ بُلسا، فِلیکس اُز یَهودی آیالی دروسیلا بیلِن گِلدی-ده، پولسی چاغیرتدی و عیسی مسیحه گِتیرِن ایمان حاقدَکی اُنونگ گورّونگلِرینی دینگلِدی.
[25] پولس تاقوالیق، اُز نِفسینگی ساقلاماق هِم گِلجِک حُکوم حاقدا گورّونگ اِدِنده، فِلیکس قُرقوپ: «بُلدی، حَضیرلیکچه گیت، گِرِکلی فُرصَت بُلاندا، یِنه سِنی چاغیردارین» دییدی.
[26] شِیله هِم، فِلیکس پولسدِن رِشوه تاما اِدیپ، اُنی ایزلی-ایزینا چاغیردیپ، اُنونگ بیلِن گورّونگ اِدیَردی.
[27] آرادان ایکی ییل گِچِنده، فِلیکسینگ یِرینه پورکیوس فِستوس حاکیم بُلدی. فِلیکس یَهودیلِرینگ گُونونی آلماق اوچین، پولسی زینداندا قُیوپ گیتدی.