[1] Davidi yurugo. Nagawa yurugo. Lere ŋa wi kajɔɔgɔ kì kɔ ma wɔ wa, a wi kapere ti kala yaga wi na, fɛrɛwɛ yɛn wi woo!
[2] Lere ŋa Yawe Yɛnŋɛlɛ li woro naa kajɔɔgɔ ki jate wi go na naa, wo ŋa nambara woro wa wi jatere wi ni, fɛrɛwɛ yɛn wi woo!
[3] Sanga ŋa ni mìla na yɔn ki tɔn na kapere ti na, na fanŋga kìla pye na koo, a mila jɛɛn sanga pyew;
[4] katugu màa pye nala jɔlɔ sɔnlɔ naa yembinɛ. Na fanŋga kìla pye na koo paa tipile ma kaa na yangara kanga na we. Wɔnmatigiwɛn laga.
[5] Ɛɛn fɔ puŋgo na, mìla na kapege ki yo ma kan, mi sila na kajɔɔgɔ ki lara ma na. Mìla yo fɔ: «Mì yere na kolomɔ pi na Yawe Yɛnŋɛlɛ li yɛgɛ na.» Mboro wo na, a mà silan kajɔɔgɔ ki kala yaga na na. Wɔnmatigiwɛn laga.
[6] Ki kala na, mbele pe yɛn sinmbele ma ni, pe daga mbaa ma yɛnri wagati jɛnŋɛ wi na; kona, ali na kaŋgbanga kaa jaa mbe pe ta, ki se gbɔn pe na.
[7] Mboro ma yɛn na larasaga ye, ma maa na shoo jɔlɔgɔ gbɔgɔ ki kɛɛ; màla maga nala shoo, ki kala na, mi yɛn na yɔgɔrimɔ yuuro koo. Wɔnmatigiwɛn laga.
[8] We Fɔ wì yo fɔ: «Mi yaa ma kara mbɔɔn naga konɔ na ma daga mbe lɛ li ni; mi yaa yɛrɛwɛ kan ma yeri, na yɛgɛ yaa pye ma na.
[9] Maga ka pye tijinliwɛ fu fɔ paa shɔn nakoma sofile woroso yɛn; poro mbele pe ma karafe naa mana le wa pe yɔnrɔ ti na, na pe yeregi konaa na pe yɛgɛ sinni, jaŋgo paa ma sɛnrɛ ti nuru.»
[10] Jɔlɔgɔ lɛgɛrɛ yɛn ma gbɛgɛlɛ lepee wi kan, ɛɛn fɔ lere ŋa wùu jigi wi taga Yawe Yɛnŋɛlɛ li na, li yinriwɛ tawa pi ma tɔn wi na.
[11] Yoro lesinmbele, yaa yɔgɔri Yawe Yɛnŋɛlɛ li mɛgɛ ni! Ye yin nayinmɛ ni, yaa yɔgɔrimɔ yuuro koo, yoro mbele fuun ye nawa pi yɛn ma sin we!