[1] Davidi Yɛnŋɛlɛ gbɔgɔyurugo, sanga ŋa ni wìla pye na fee mbe shɔ wi pinambyɔ Abisalɔmu wi kɛɛ.
[2] Yawe Yɛnŋɛlɛ, na juguye pè lɛgɛ dɛ! Lelɛgɛrɛ yiri na kɔrɔgɔ.
[3] Lelɛgɛrɛ pe yɛn naga yuun na kanŋgɔlɔ fɔ: «Yɛnŋɛlɛ li soo shɔ.» Wɔnmatigiwɛn laga.
[4] Ɛɛn fɔ mboro wo na Yawe Yɛnŋɛlɛ, ma yɛn paa na tugurɔn sigeyaraga yɛn nala go singi. Mboro ma yɛn na gbɔgɔwɔ pi tago ye, màla yɔlɔgɔ ki yirige caw.
[5] Mi ka gbele ŋgbanga mbe Yawe Yɛnŋɛlɛ li yeri lilan saga, mbeli ta wa li yanwiga kpoyi ki na, li mala yɔn sogo. Wɔnmatigiwɛn laga.
[6] Mi ma sinlɛ ma wɔnlɔ; mi ma yɛn ma yiri, katugu Yawe Yɛnŋɛlɛ lì tɔgɔ na ni.
[7] Janwa gbɔlɔ na lì gbogolo mala maga lagapyew mbe to na na, mi woro na fyɛ li yɛgɛ.
[8] Yawe Yɛnŋɛlɛ, yiri! Na Yɛnŋɛlɛ, na shɔ! Katugu màla juguye pe ni fuun pe feele pe mbateere ti na, mà poro mbele lepeele pe ŋgangala ke kaari.
[9] Yawe Yɛnŋɛlɛ, mboro ma maa leele pe shoo; ki yaga ma duwaw ma woolo pe na! Wɔnmatigiwɛn laga.