[1] Yaa Yawe Yɛnŋɛlɛ li sɔnni! Yoro mbele Yawe Yɛnŋɛlɛ li tunmbyeele yaa li sɔnni, yaa Yawe Yɛnŋɛlɛ li mɛgɛ ki sɔnni!
[2] Ki daga paa Yawe Yɛnŋɛlɛ li mɛgɛ ki sɔnni, mbege lɛ yiŋgɔ fɔ sanga pyew!
[3] Mbege lɛ wa yɔnlɔ yirisaga kɛɛ yeri fɔ saga wa wa yɔnlɔ tosaga kɛɛ ki na, ki daga paa Yawe Yɛnŋɛlɛ li mɛgɛ ki sɔnni!
[4] Yawe Yɛnŋɛlɛ li yɛn wa cɛngɛlɛ ke ni fuun ke go na, li gbɔgɔwɔ pì gbɔn fɔ wa naayeri wi go na.
[5] Ambɔ wi yɛn paa Yawe Yɛnŋɛlɛ, we Yɛnŋɛlɛ li yɛn? Lo na li yɛn ma cɛn wa naayeri wi go na.
[6] Ɛɛn fɔ li ma li yɛgɛ ki sogo ma naayeri wo naa tara ti wele.
[7] Li ma ŋa wi yɛn tege ni wi yirige wa tara ti na mboo yerege, mbe fyɔnwɔ fɔ wi yirige mboo wɔ wa fyɔngɔ ki ni;
[8] mbe pe kan cɛnsaga ni wa legbɔɔlɔ pe sɔgɔwɔ, wa li woolo pe legbɔɔlɔ pe sɔgɔwɔ.
[9] Li ma go woolo kan jambasee wi yeri, mboo pye nɔfɔ ŋa wi nawa pì yinŋgi wi piile pe sɔgɔwɔ. Yaa Yawe Yɛnŋɛlɛ li sɔnni!