<Yɛnŋɛlɛ gbɔgɔ Yuuro sɛwɛ 120

[1] Tangala yurugo mbe kari wa Zheruzalɛmu ca. Mala ta wa na jɔlɔgɔ ki ni, mìla gbele ma Yawe Yɛnŋɛlɛ li yeri lilan saga, a lìlan yɔn sogo.

[2] E, Yawe Yɛnŋɛlɛ, na shɔ yagboyoolo pe kɛɛ, na shɔ leele fanlafɛnnɛ pe kɛɛ!

[3] Yoro leele fanlafɛnnɛ, yiŋgi ki yaa ka pye ye sara we? Yiŋgi tɔnli wi yaa ka kan ye yeri?

[4] Malaga gbɔnwangala ŋgele pè ke le naŋganra kasɔn ni ma ke yɔnrɔ ti wɔwɔ, koro ke yaa ka pye ye sara we.

[5] Jɔlɔgɔ yɛn na wogo, katugu mì saa cɛn wa Meshɛki tara ti ni, katugu mì saa cɛn wa Kedari tara cɛnlɛ woolo pe sɔgɔwɔ.

[6] Ki leele mbele yɛyinŋge ki yɛn ma pe mbɛn, mì cɛn ma mɔ wa pe sɔgɔwɔ matoro.

[7] Yɛyinŋge mi wo yɛn na jaa, ɛɛn fɔ na mi ka ya para ki wogo na, poro ma yo malaga.