<Romans ᕒᐅᒪᓇ 13

[1] ᑭᔮᑦ ᑲᐦᑭᔭᐤ ᐊᐃᐧᔭᐠ ᑯᑕᐦᒑᐦᑯᐟ ᑭᑕ ᓇᓇᐃᑕᐁᐧᐤ ᑳ ᑭᐦᒑᔨᐃᐧᔨᐟ: ᒋᑫᒫ ᓇᒪᐃᐧᔭ ᐃᐦᑕᑲᐧᐣ ᑭᐦᒑᔨᐃᐧᐃᐧᐣ ᐱᑯ ᑭᓭᒪᓂᑐᕽ ᐅᐦᒋ; ᑭᐦᒑᔨᐃᐧᓇ ᒫᑲ ᑳ ᐊᔮᑭ ᑭ ᐅᔭᑭᑕᑦ ᑭᓭᒪᓂᑐ.

[2] ᐁᑯᓯ ᒫᑲ ᐊᓇ ᑳ ᓇᑳᐢᑲᕽ ᑭᐦᒑᔨᐃᐧᐃᐧᐣ ᓇᑳᐢᑲᑦ ᐊᓂᒪ ᑳ ᑭ ᐅᔭᑭᑕᒥᔨᐟ ᑭᓭᒪᓂᑐᐊᐧ: ᐊᓂᑭ ᒫᑲ ᑳ ᓇᑳᐢᑲᑭᐠ ᑭᑕ ᐅᐦᒋᑎᓴᐊᒫᓱᐊᐧᐠ ᐅᔭᓱᐋᐧᑎᑯᐃᐧᐣ.

[3] ᒋᑫᒫ ᑳ ᐅᔭᓱᐁᐧᒋᐠ ᓇᒪᐃᐧᔭ ᑭᑕ ᑯᐢᑎᑯᒋᐠ ᑳ ᐊᑐᐢᑳᑕᒥᔨᐟ ᒥᔪ ᑫᑲᐧᐩ ᒫᑲ ᑳ ᒪᒑᔨᐃᐧᔨᐟ. ᑭ ᓄᑌ ᐃᓯ ᐊᔮᐣ ᒋ ᒫᑲ ᐁᑳ ᑭᑕ ᑯᐢᑕᒪᐣ ᑭᐦᒑᔨᐃᐧᐃᐧᐣ? ᐃᑐᑕ ᐊᓂᒪ ᑳ ᒥᔮᐧᓯᐠ, ᐁᑯᓯ ᑭ ᑲ ᒪᒥᒋᒥᑯᐣ ᐁᐊᐧᑯ:

[4] ᒋᑫᒫ ᐊᑐᐢᑲᐁᐧᐤ ᑭᓭᒪᓂᑐᐊᐧ ᑭᔭ ᑭᑕ ᒥᔪᑐᑖᐢᐠ. ᒫᑲ ᑭᐢᐱᐣ ᐃᑐᑕᒪᓂ ᐊᓂᒪ ᑳ ᒫᔮᑖᕽ, ᐁᑲᐧ ᐱᑯ ᑭᑕ ᐊᐢᑖᓯᔭᐣ; ᒋᑫᒫ ᓇᒪᐃᐧᔭ ᐱᑲᐧᓇᑕ ᐃᓴᐁᐧᐢᐠ ᑳ ᑕᑯᓇᕽ: ᐃᐧᔭ ᑭᓭᒪᓂᑐ ᐅᐟ ᐊᑐᐢᑫᔮᑲᓇ, ᐁ ᑎᐸᐊᒪᐋᐧᐟ ᑭᓯᐋᐧᓯᐃᐧᓂᕽ ᐃᓯ ᐊᓂᐦᐃ ᑳ ᒪᒋ ᑐᑕᒥᔨᐟ.

[5] ᐁᑯᓯ ᒫᑲ ᐱᑯ ᑭᑕ ᓇᓇᐃᑕᒣᐠ, ᓇᒪᐃᐧᔭ ᐱᑯ ᑭᓯᐋᐧᓯᐃᐧᐣ ᐅᐦᒋ, ᒫᑲ ᒥᓇ ᓇᐁᔨᑕᒧᐃᐧᐣ ᐅᐦᒋ.

[6] ᐁᐊᐧᑯ ᒫᑲ ᐅᒪ ᒥᓇ ᐅᐦᒋ ᑎᐸᐦᐃᑫᐠ ᑳ ᑎᐸᐦᐃᑫᐃᑲᐃᐧᔦᐠ ᓱᓂᔮᐤ; ᒋᑫᒫ ᐁᐊᐧᑯᓂᐠ ᒥᓇ ᐊᑐᐢᑲᐁᐧᐊᐧᐠ ᑭᓭᒪᓂᑐᐊᐧ, ᐁ ᐸᒥᑖᒋᐠ ᒧᓴᐠ ᐁᐊᐧᑫᐧᔨᐤ ᐅᒪ.

[7] ᑲᐦᑭᔭᐤ ᒫᑲ ᐁ ᐃᑕᑭᒋᑫᒋᐠ ᑎᐱᑐᑕᒧᐠ: ᑎᐸᐦᐃᑫᐃᐧ ᓱᓂᔮᐤ ᐊᓇ ᑳ ᐃᑕᐢᑌᐠ ᑭᑕ ᒥᔨᐦᐟ ᑎᐸᐦᐃᑫᐃᐧ ᓱᓂᔮᐊᐧ; ᐅᔭᓱᐁᐧᐃᐧ ᓱᓂᔮᐤ ᐊᓇ ᑭᑕ ᒥᔨᐦᐟ ᐅᔭᓱᐁᐧᐃᐧ ᓱᓂᔮᐊᐧ; ᑯᓯᑫᐧᔨᒥᕽ ᐊᓇ ᑭᑕ ᑯᓯᑫᐧᔨᒥᐦᐟ; ᑭᐢᑌᔨᒥᕽ ᐊᓇ ᑭᑕ ᑭᐢᑌᔨᒥᐦᐟ.

[8] ᐁᑳᐃᐧᔭ ᐊᐃᐧᔭ ᐊᔨᓯᔨᓂᐤ ᒪᓯᓇᐦᐊᒫᕽ ᐱᑯ ᑭᑕ ᓵᑭᐦᐃᑐᔦᐠ: ᒋᑫᒫ ᐊᓇ ᑳ ᓵᑭᐋᐟ ᐃᐧᒋ ᐊᔨᓯᔨᓂᐊᐧ ᑭ ᑎᐱᑐᑕᑦ ᐅᔭᓱᐁᐧᐃᐧᐣ.

[9] ᒋᑫᒫ ᐅᒪ, ᓇᒪᐃᐧᔭ ᑭ ᑳ ᐱᓯᑲᐧᑎᓯᐣ, ᓇᒪᐃᐧᔭ ᑭ ᑲ ᓂᐸᑖᑳᐣ, ᓇᒪᐃᐧᔭ ᑭ ᑲ ᑭᒧᑎᐣ, ᓇᒪᐃᐧᔭ ᑭ ᑲ ᒧᐢᑕᐃᐧᓇᒫᑳᐣ, ᐁᑯᓯ ᑭᐢᐱᐣ ᐁᑕᑲᐧᓄᑫᐧ ᑯᑕᐠ ᐅᔭᓱᐁᐧᐃᐧᐣ, ᐁᑯᑕ ᒫᒪᐊᐧᑭᑌᐤ ᐅᒪ ᐃᑌᐧᐃᐧᐣ, ᑭ ᑲ ᓵᑭᐦᐋᐤ ᑭᐦᒋ ᐊᔨᓯᔨᓂᐤ ᑳ ᐃᓯ ᓵᑭᐃᓱᔭᐣ.

[10] ᓵᑭᐦᐃᐁᐧᐃᐧᐣ ᓇᒪᐃᐧᔭ ᒫᔨᑐᑕᐁᐧᐤ ᐃᐧᒋ ᐊᔨᓯᔨᓂᐊᐧ: ᓵᑭᐦᐃᐁᐧᐃᐧᐣ ᒫᑲ ᐁᐊᐧᑯ ᐁ ᑎᐱᑐᑕᒥᕽ ᐅᔭᓱᐁᐧᐃᐧᐣ.

[11] ᒥᓇ ᐅᒪ, ᐁ ᑭᐢᑫᔨᑕᒪᕽ ᐁᑲᐧ ᐁ ᐊᑎ ᐃᐢᐸᔨᐠ ᑭᑕ ᑯᐢᑯᐢᑳᔭᕽ; ᒋᑫᒫ ᑭ ᐱᒫᒋᐦᐅᐃᐧᓂᓇᐤ ᓇᐊᐧᐨ ᐁᑳᐧ ᑭ ᐯᓵᐧᐸᑌᓈᓇᐤ ᐃᔨᑯᕽ ᐃᐢᐱ ᓂᐢᑕᑦ ᑳ ᑖᐯᐧᑕᒪᕽ.

[12] ᐁ ᑎᐱᐢᑳᐠ ᓵᓴᐩ ᒥᐢᑕᐦᐃ ᒪᔮᐢᑲᒧᐸᔨᐤ, ᒥᓇ ᐁ ᑭᓯᑳᐠ ᑭᓯᐋᐧᐠ ᐊᔮᐤ: ᑫᒋᑯᓇᑖᐠ ᒫᑲ ᐊᐧᓂᑎᐱᐢᑳᐃᐧ ᐊᑐᐢᑫᐃᐧᓇ, ᒥᓇ ᐳᓯᐢᑲᑖᐠ ᐋᐧᐢᑌᐃᐧ ᑭᑭᐢᑳᒋᑲᐣ.

[13] ᑲᐧᔭᐢᐠ ᐃᓯ ᐱᒧᐦᑌᑖᐠ ᑖᐱᐢᑯᐨ ᐁ ᑭᓯᑳᐠ; ᓇᒪᐃᐧᔭ ᑭᐢᑫᐧᑲᒥᑭᓯᐃᐧᓂᕽ ᒥᓇ ᑭᐢᑫᐧᐯᐃᐧᓂᕽ, ᓇᒪᐃᐧᔭ ᐱᓯᑳᐧᑎᓯᐃᐧᓂᕽ ᒥᓇ ᑲᑫᐹᑎᓯᐃᐧᓂᕽ, ᓇᒪᐃᐧᔭ ᑭᑳᑐᐃᐧᓂᕽ ᒥᓇ ᑳᑫᐧᔨᑐᐃᐧᓂᕽ.

[14] ᒫᑲ ᐳᓯᐢᑳᕽ ᑳ ᑌᐯᔨᐦᒋᑫᐟ ᒋᓴᐢ ᙭, ᒥᓇ ᐁᑳᐃᐧᔭ ᐃᔨᓇᒪᐋᐧᑕᒧᐠ ᐃᐧᔮᓯᐃᐧᐃᐧᐣ, ᑭᑕ ᑎᐱᑐᑕᒣᐠ ᐁ ᐃᓯ ᒪᒋ ᒧᐢᑕᐁᐧᔨᑕᒧᒪᑲᕽ.