[1] ᑭ ᐸᑯᓭᔨᒥᑎᓈᐋᐧᐤ ᒫᑲ, ᓂᒋᐋᐧᒥᑎᐠ, ᑭᓭᒪᓂᑐ ᐅ ᑭᓭᐋᐧᑎᓯᐃᐧᓇ ᐅᐦᒋ, ᑭᑕ ᐃᓯ ᐸᑭᑎᓇᒣᐠ ᑭᔭᐃᐧᐋᐧᐊᐧ ᐁ ᐱᒫᑕᕽ ᐸᑭᑎᓈᓱᐃᐧᐣ, ᐁ ᑲᓈᑕᕽ, ᐁ ᒥᔮᐧᐱᓯᒥᑯᐟ ᑭᓭᒪᓂᑐ, ᐁ ᐃᑕᐢᑌᐠ ᑭᑕ ᐃᓯ ᐊᑐᐢᑲᐋᐧᔦᐠ.
[2] ᐁᑳᐃᐧᔭ ᒫᑲ ᑭᐢᑭᓇᐋᐧᐸᐦᑕᒧᐠ ᐅᒪ ᐊᐢᑭ: ᒫᑲ ᐃᐧ ᑫᐧᐢᑭᓈᑯᐃᑯᐃᐧᓯᐠ ᐁ ᐅᐢᑭ ᐅᓯᒋᑳᑌᐠ ᑭ ᒫᒥᑐᓀᔨᒋᑲᓂᐋᐧᐤ, ᑭᑕ ᐃᓯ ᑫᒋᓈ ᐋᐧᐸᐦᑕᐦᐃᐁᐧᔦᐠ ᑫᑲᐧᐩ ᐊᓂᒪ ᐁ ᒥᔮᐧᓯᐠ ᒥᓇ ᐁ ᒥᔮᐧᐸᑕᒥᕽ ᒥᓇ ᐁ ᒪᒥᑐᓂᒪᑲᓂᔨᐠ ᐅᐟ ᐃᑌᔨᑕᒧᐃᐧᐣ ᑭᓭᒪᓂᑐ.
[3] ᒋᑫᒫ ᓂᐟ ᐃᑖᐤ, ᓂᓱᑲᒫᑯᐃᐧᐣ ᐅᐦᒋ ᑳ ᒥᔨᑲᐃᐧᔮᐣ, ᑲᐦᑭᔭᐤ ᐁ ᐃᑕᓯᐟ ᐊᔨᓯᔨᓂᐤ ᐃᑕ ᑳ ᐊᔮᔦᐠ, ᐁᑳ ᐊᔨᐋᐧᐠ ᑭᑕ ᐃᐢᐯᔨᒥᓱᐟ ᐊᓂᒪ ᑭᑕ ᑭ ᐃᑌᔨᒥᓱᐟ; ᒫᑲ ᑭᑕ ᐃᓯ ᐅ ᒥᑐᓀᔨᒋᑲᓀᐟ ᑭᑕ ᐊᔮᑳᐧᒥᓯᐃᐧ ᒫᒥᑐᓀᔨᑕᕽ, ᑳ ᑭ ᐃᓯ ᐃᔨᑯᕽ ᒫᒥᔮᐟ ᑭᓭᒪᓂᑐ ᑲᐦᑭᔭᐤ ᐊᔨᓯᔨᓂᐊᐧ ᑖᐯᐧᔦᔨᑕᒧᐃᐧᐣ.
[4] ᒋᑫᒫ ᑳ ᐃᓯ ᒥᒉᑭ ᑭ ᐸᐢᑫᓯᐃᐧᓂᓇᐊᐧ ᐁ ᐯᔭᑲᐧᕽ ᒥᔭᐤ, ᐁᑯᓯ ᓇᒪᐃᐧᔭ ᐯᔭᑲᐧᐣ ᐁᑖᐸᑕᑭ ᑲᐦᑭᔭᐤ ᐸᐢᑫᓯᐃᐧᓇ:
[5] ᐁᑯᓯ ᑭᔮᓇᐤ, ᐁ ᒥᐦᒉᑎᔭᕽ, ᒫᒪᐃᐧ ᐯᔭᐠ ᒥᔭᐤ ᙭ ᐃᓯ, ᒥᓇ ᐸᐯᐢᑭᐢ ᐁ ᐅᐸᐢᑫᓯᐃᐧᓂᐢᑯᑖᑐᔭᕽ.
[6] ᐁ ᐊᔮᔭᕽ ᒫᑲ ᐸᐱᑐᐢ ᑭ ᒥᔨᑯᐃᐧᓂᓇᐊᐧ ᐃᔨᑯᕽ ᓂᓱᑲᒫᑯᐃᐧᐣ ᑳ ᑭ ᒥᔨᑲᐃᐧᔭᕽ, ᑭᐢᐱᐣ ᑭᐢᑭᐁᐧᐦᐃᑫᐃᐧᐣ, ᑭᔮᑦ ᑭᐢᑭᐁᐧᐦᐃᑫᑖᐟ ᐁ ᐃᐢᐱᑌᔨᑖᑲᐧᕽ ᑭ ᑖᐯᐧᔦᔨᑕᒧᐃᐧᓂᓇᐤ;
[7] ᐊᔭᒥᐦᐋᐃᐧ ᐊᑐᐢᑫᐃᐧᐣ, ᐸᑭᑎᓂᓱᑖᐠ ᑭᐟ ᐊᑐᐢᑫᐃᐧᓂᓈᕽ; ᐊᐦᐳ ᐊᓇ ᑳ ᑭᐢᑭᓄᐦᐊᒫᑫᐟ, ᐅ ᑭᐢᑭᓄᐦᐊᒫᑫᐃᐧᐣ;
[8] ᐊᐦᐳ ᐊᓇ ᑳ ᓯᑭᑫᒧᐟ ᐅ ᓯᑭᑫᒧᐃᐧᐣ: ᐊᓇ ᑳ ᒣᑭᐟ, ᑭᔮᑦ ᑭᑕ ᐃᑐᑕᑦ ᒥᔪᑌᐁᐃᐧᓂᕽ; ᐊᓇ ᑳ ᐊᐧᐁᐧᔭᓱᐁᐧᐟ, ᑭᑕ ᐋᑲᒣᔨᒧᑐᑕᕽ; ᐊᓇ ᑳ ᑭᑎᒫᑭᓈᑫᐟ, ᐁ ᒋᑫᔨᑕᕽ.
[9] ᑭᔮᑦ ᓵᑭᐦᐃᐁᐧᐃᐧᐣ ᐁᑳᐃᐧᔭ ᑲᑲᔦᔨᓯᐃᐧᐣ ᑭᑕ ᐃᐧ ᑭᑭᐸᔨᐤ. ᐸᑳᐧᑕᒧᐠ ᐊᓂᒪ ᑳ ᒫᔮᑕᕽ; ᒥᒋᒥᓇᒧᐠ ᐊᓂᒪ ᑳ ᒥᔮᐧᓯᐠ.
[10] ᐁ ᓵᑭᐋᔦᑯᐠ ᐅᒋᐋᐧᒥᒫᐊᐧᐠ ᒥᑐᓂ ᒫᒥᔪᑯᑖᑐᐠ; ᑭᐢᑌᔨᑖᑯᓯᐃᐧᓂᕽ ᐁ ᓇᓂᑳᓀᔨᒥᑐᔦᐠ:
[11] ᑖᐱᑕᐁᐧᔨᑕᒧᐃᐧᓂᕽ ᐁᑳ ᑭᑕ ᑭᑎᒥᔦᐠ; ᐁ ᒋᑫᔨᑕᒣ ᑭᐟ ᐊᐦᒑᐦᑯᐋᐧᕽ; ᐁ ᐊᑐᐢᑲᐋᐧᔦᐠ ᑳ ᑎᐯᔨᐦᒋᑫᐟ;
[12] ᐁ ᒪᒪᐦᑖᑯᓯᔦᐠ ᐊᐢᐯᔨᒧᐃᐧᓂᕽ; ᐁ ᓯᐯᔨᑕᒣᐠ ᐋᔨᒥᓯᐃᐧᓂᕽ; ᐁ ᑖᐱᑕᐃᐧ ᐊᔭᒥᐦᐋᔦᐠ;
[13] ᐁ ᐅᒋᐢᑕᒪᐋᐧᔦᑯᐠ ᐅ ᑭᐧᑕᒫᐃᐧᓂᐋᐧᕽ ᐅᑲᓈᑎᓯᐊᐧᐠ; ᐁ ᐸᐱᑐᑲᐃᐁᐧᔦᐠ.
[14] ᒥᔪ ᑭᓵᐧᑎᑯᐠ ᐊᓂᑭ ᑳ ᑯᑕᑭᐦᐃᑯᔦᑯᐠ; ᒥᔪ ᑭᓵᐧᓯᐁᐧᐠ, ᐁᑳᐃᐧᔭ ᒪᒋᐃᑌᐧᐠ.
[15] ᐃᐧᒋ ᒥᔭᐋᐧᑕᒧᒥᑯᐠ ᐊᓂᑭ ᑳ ᒥᔭᐋᐧᑕᑭᐠ; ᒥᓇ ᐃᐧᒋ ᒫᑐᒥᑯᐠ ᐊᓂᑭ ᑳ ᒫᑐᒋᐠ.
[16] ᐃᐧ ᐯᔭᑯᑖᐠ ᐁ ᐃᓯ ᒫᒥᑐᓀᔨᒥᑐᔦᐠ. ᐁᑳᐃᐧᔭ ᔮᔭᐁᐧᔨᑕᒧᐠ ᐊᓂᐦᐃ ᑳ ᐃᐢᐯᔨᑖᑲᐧᑭ, ᒫᑲ ᑕᐸᑎᓂᓱᐢᑕᒧᐠ ᐊᓂᐦᐃ ᑳ ᑕᐸᑌᔨᑖᑲᐧᑭ. ᐁᑳᐃᐧᔭ ᐃᔨᓂᓯᐠ ᑭᔭᐋᐧᐤ ᑭ ᑭᐢᑌᔨᒥᓱᐃᐧᓂᐋᐧᕽ.
[17] ᐁᑳᐃᐧᔭ ᐊᐃᐧᔭᐠ ᐊᔨᓯᔨᓂᐤ ᒪᒋᑐᑖᕽ ᐁ ᒪᒋᑐᑖᑯᔦᐠ. ᒫᒥᑐᓀᔨᑕᒧᐠ ᐊᓂᐦᐃ ᑳ ᑭᐦᒉᔨᑖᑲᐧᑭ ᐁ ᐃᓯ ᑭᑕᐸᑕᕽ ᑲᐦᑭᔭᐤ ᐊᔨᓯᔨᓂᐤ.
[18] ᑭᐢᐱᐣ ᑭ ᐃᐢᐸᔨᑭ, ᐁ ᐃᓯ ᑲᐢᑭᑖᔦᐠ, ᒥᔪ ᐃᐧᒉᐃᐧᕽ ᑲᐦᑭᔭᐤ ᐊᔨᓯᔨᓂᐤ.
[19] ᐁᑳᐃᐧᔭ ᐋᐯᐅᐠ ᓯᔮᑭᐦᐃᑕᑯᐠ, ᒫᑲ ᑕᐃᐧᐢᑕᒧᐠ ᑭᓯᐋᐧᓯᐃᐧᐣ: ᒋᑫᒫ ᐃᑕᓯᓇᐦᐃᑳᑌᐤ, ᐋᐯᐅᐃᐧᐣ ᓂᔭ ᓂ ᑎᐯᔨᑌᐣ; ᓂᔭ ᓂ ᑲ ᑎᐸᐦᐊᒫᑳᐣ ᐃᑌᐧᐤ ᑳ ᑎᐯᔨᐦᒋᑫᐟ.
[20] ᒫᑲ ᑭᐢᐱᐣ ᐊᓇ ᑳ ᐸᑳᐧᑎᐢᐠ ᓄᑌᑲᑌᒋ, ᐊᓴᑦ: ᑭᐢᐱᐣ ᓄᑌᔮᐹᑫᐧᒋ ᑭ ᑲ ᒥᓇᐋᐤ: ᒋᑫᒫ ᐁᑯᓯ ᐁ ᐃᑐᑕᒪᐣ ᑭ ᑲ ᐊᓴᐢᑖᐋᐧᐣ ᐁ ᐃᐢᑯᑌᐊᐧᑭ ᑲᐢᑲᐢᑲᓭᐊᐧ ᐅᐢᑎᑳᐧᓂᕽ.
[21] ᐁᑳᐃᐧᔭ ᑭ ᑲ ᐃᐧ ᓴᑯᒋᐃᑯᐣ ᑳ ᒫᔮᑕᕽ, ᒫᑲ ᓵᑯᒋᑖ ᑳ ᒫᔮᑕᕽ ᑳ ᒥᔮᐧᓯᐠ ᐅᐦᒋ.