[1] I ka kanulen taara mini, e musow bɛɛ la cɛɲi? I ka kanulen farala ka taa mini? An ni i ka a ɲini ɲɔgɔn fɛ.
[2] Ne ka kanulen bɔra ka taa a ka nakɔ la, fɛn suma duman fanw yɔrɔw la, walisa a ka a ka sagaw gɛn nakɔw kɔnɔ ka baga feere kari.
[3] Ne ka kanulen ta ye ne ye, ne ka kanulen ye ne ta ye. A bɛ a ka sagaw gɛn baga feerew cɛma.
[4] Ne muso mandi, i cɛ ka ɲi i ko Tirza, i cɛ ka ɲi i ko Jerusalɛm. I kɛra siranfɛnba ye i ko kɛlɛbolow ni u ka darapow.
[5] I ɲɛ bɔ ne la, a bɛ ne hakili ɲaami. I kunsigi bɛ i ko bakulu minw dalen bɛ Galad kɛrɛ fɛ.
[6] I dala ɲinw bɛ i ko sagamusokulu yɛlɛntɔ ka bɔ koli yɔrɔ la. Den fila-fila bɛ u bɛɛ kelen-kelen fɛ, u si ma bɔnɛ u denw la.
[7] I tamanw bɛ i ko gerenatiden walo kuru kelen i kunna biri fini kɔrɔ.
[8] Masakɛ muso biwɔɔrɔ bɛ yen ani jɔnmuso bisegin ani npogotigi dama dɔnbali,
[9] nka ne ka ntubani, ne muso dafalen, ale ye kelenpe ye. Ale ye a ba den kelenpe de ye, a ba nikanden don. Musow y'a ye, u bɛ a wele ko dubaden. Masamusomaw ni jɔnmusow y'a ye, u bɛ a tanu.
[10] Muso min b'i jira i ko kɛnɛbɔda, o ye jɔni ye? A cɛ ka ɲi i ko kalo cogo. A nɔɔrɔ bɛ i ko tile nɔɔrɔ. Siranfɛnba don, a bɛ i ko kɛlɛbolow ni u ka darapow.
[11] Ne bɔra ka taa jiriden dunta nakɔ kɔnɔ ka jɛkɛnɛ la fɛn nugutaw filɛ, k'a filɛ yala ni rezɛn sun ye nugukunw bɔ, ni gerenati sunw feerela.
[12] Sani ne ka bɔ a seere ma, ne dusukun ye ne sama ka ne bila ne ka siyaw ka faamaw ka wotorow cɛma.