[1] E Bɛtilɛhɛm Efrata, e min ye Juda bɔnsɔn ka jamana duguw bɛe la fitinin ye, ne na Israɛl bɔnsɔn ka kuntigiba bɔ i la. O tun bɛ yen kabini waatiw daminɛ, a tun bɛ yen kabini fɔlɔfɔlɔ.
[2] O de kosɔn Ala na a ka mɔgɔw don u juguw bolo, muso min bɛ tin na, fo o muso ka jigin. Israɛl bɔnsɔn tɔ tolenw na lajɛ u balimaw fɛ.
[3] O kuntigi na wuli ka a ka mɔgɔw ɲɛ minɛ ni Matigi fanga ye. A masirilen bɛ ni Matigi, a ka Ala ka sebaaya ye. O tuma la a ka mɔgɔw na ɲagali o hɛrɛ kosɔn, k'a masɔrɔ ale yɛrɛ na bonyaba sɔrɔ fo ka taa se dugukolo dan na.
[4] Ale de bɛ na ni hɛrɛ ye. Ni Asirikaw ye an ka jamana minɛ ka don an ka masaya sow kɔnɔ tuma min na, an na wuli u kama ni saga gɛnna wolonwula ni mɔgɔw la kuntigi segin ye.
[5] O kuntigiw na Asiri jamana tiɲɛn ni npan ye ka Nimrɔd dugubaw tiɲɛn. Ni Asirikaw ye an ka jamana minɛ, ni u donna an ka dugukolo la tuma min na, a na an tila ka bɔ u bolo.
[6] Yakuba bɔnsɔn tɔ tolenw na kɛ siya caman cɛma i ko Matigi ka ngomiji, i ko sanjikisɛ bɛ toni bin nugu kan cogo min na. U jigi tɛna da mɔgɔ kan, u jigi tɛna da Hadamaden si kan.
[7] Yakuba bɔnsɔn tɔ tolenw na kɛ siya caman cɛma, i ko waraba bɛ kungo sogow cɛma cogo min na. U na kɛ siyaw cɛma i ko waraba kamalen bɛ sagakulu cɛma cogo min na. A tɛmɛntɔ bɛ sagaw cɔngɔ a sen kɔrɔ ka u farafara, mɔgɔ si tɛna se ka u tila a la.
[8] I ka i bolo kɔrɔta i juguw kama, i juguw bɛe ka halaki ka u ban.
[9] Matigi ko: «O don na, ne na kɛlɛkɛ sow ban ka bɔ i cɛma, ka i ka wotorow tiɲɛn.
[10] Ne na i ka jamana dugubaw halaki ka u ban ka i ka kɛlɛ kunbɛn sow bɛe ci.
[11] Ne na i ka subaaya kow ban ka bɔ i cɛma, filɛlikɛla si tɛna sɔrɔ i cɛma tun.
[12] Ne na i ka ja dɛsɛnenw ni i ka samasen jaw halaki ka bɔ i cɛma. I tɛna i biri i bolo baara nɔw kɔrɔ ka u bato tun.
[13] Ne na Astarte boliw bɛe cɛ ka bɔ i cɛma ka i ka dugubaw halaki.
[14] Siya minw ma ne lamɛn, ne diminnen ni ne dusu bɔlenba na ne bolo se olu ma.»