[1] ساردئسده‌کی کئلئسانین مله‌یئنه یاز: تارینین یدّی روحونا و یدّی اولدوزا مالئک اولان بله دیئر: ”سنئن عمللرئندن خبرئم وار. آد آچیبسان کی، گویا دئری‌سن، آمّا اؤلوسن.
[2] اویان و اؤلومه یاخین اولان قالانلاری قووّتلندئر. چونکی تاریمین نظرئنده سنئن عمللرئنی کامئل تاپمامیشام.
[3] بونا گؤره ده نه آلدیغینی و نه اشئتدئیئنی خاطیرلا؛ اونو رئعایت اِله و تؤوبه ات. اگر اویانمایاسان، بئر اوغرو کئمی گله‌جه‌یم و نه ساعات سنئن یانینا گله‌جه‌یئمی بئلمه‌یه‌جکسن.
[4] لاکئن ساردئسده بئر نچه نفر وارین کی، پالتارلارینی نجئس اتمه‌یئبلر. اونلار منئمله آغ پالتاردا گزه‌جکلر، چونکی لایئقدئرلر.
[5] قالئب گلن، بله‌جه، آغ پالتارلارا گیئنه‌جک و اونون آدینی حیات کئتابیندان سئلمه‌یه‌جه‌یم و آدینی آتامین و اونون ملکلری حوضوروندا ائقرار اده‌جه‌یم.
[6] قولاغی اولان، قوی اشئتسئن کی، موقدّس روح کئلئسالارا نه دیئر.“
[7] فئلادلفئیاداکی کئلئسانین مله‌یئنه یاز: موقدّس اولان، دوغرو اولان، داوودون آچارینا مالئک اولان، او کی، آچیر و هچ کس باغلایا بئلمئر، او کی، باغلاییر و هچ کس آچا بئلمئر، بله دیئر:
[8] ”سنئن عمللرئندن خبرئم وار. باخ، سنئن قاباغیندا آچیق بئر قاپی قویموشام کی، هچ کس اونو باغلایا بئلمز. اونا گؤره کی، سنئن گوجون آزدیر و منئم کلامیمی حئفظ ادئب، آدیمی دا دانماییبسان.
[9] باخ، شیطانین کنئسه‌سئندن اولان بعضئلرئنی، یهودی اولمادیقلاری حالدا یهودی اولدوقلارینی ائدّئعا ادن یالانچیلاری مجبور اده‌جه‌یم کی، گلسئنلر و سنئن آیاقلاریندا تعظئم اتسئنلر و بئلسئنلر کی، من سنی سومئشم.
[10] تاب گتئرمک حاقّیندا اولان کلامیمی حئفظ اتدئیئنئز اوچون، من ده سنی ائمتاحان ساعاتیندان حئفظ اده‌جه‌یم. او ساعاتدان کی، عنقرئب بوتون دونیایا گلئب، یر اوزونده ساکئن اولانلاری ائمتاحانا چکه‌جک.
[11] تزلئکله گلئرم؛ نه واریندیر، مؤحکم توت، اِله کی، هچ کس سنئن تاجینی آلماسین.
[12] قالئب گلنی تاریمین معبدئنده بئر سوتون اده‌جه‌یم و آرتیق اوندان اشئیه چیخمایاجاق؛ اونون اوستونده تاریمین آدینی، تاریمین شهرئنئن آدینی، تاریمین یانیندان گؤیدن اِنَن تزه اورشلئمی و منئم تزه آدیمی یازاجاغام.
[13] قولاغی اولان، قوی اشئتسئن کی، موقدّس روح کئلئسالارا نه دیئر.“
[14] لاودئکئیه‌ده‌کی کئلئسانین مله‌یئنه یاز: آمئن اولان، او امئن و حقئقی شاهئد، تارینین خئلقتئنئن باشیچیسی اولان بله دیئر:
[15] ”سنئن عمللرئندن خبرئم وار. نه سویوقسان، نه ده ائستی. کاشکی یا سویوق یا دا ائستی اولسایدین!
[16] مادام کی، ائلیقسان، نه ائستئسن نه سویوق، سنی آغزیمدان اشئیه قوساجاغام.
[17] چونکی دیئرسن: وارلی‌یام، دؤولتلی اولموشام و هچ بئر شیه مؤحتاج دیئلم. و بئلمئرسن کی، مفلوک، ذلئل، یوخسول، کور، و لوتسن.
[18] سنه نصئحت ادئرم کی، مندن اود ائچئنده خالئصلَشمئش قیزیلی آلاسان، اِله کی، دؤولتلی اولاسان و بورونمه‌یه آغ پالتارین اولسون و چیلپاقلیغینین ننگی آشکار اولماسین و گؤز مرحمی گؤزلرئنه سورته‌سن کی، گؤره‌سن.
[19] من سِودئکلرئمی مذمّت ادئب اونلارا تربئیه ورئرم. بونا گؤره، قیرتلی اول و تؤوبه ات.
[20] باخ، قاپیدا دوروب دؤیورم: کئم سسئمی اشئدئب، قاپینی آچسا، اونون یانینا ائچه‌ری گئره‌جه‌یم. من اونونلا، او دا منئمله شام یئیه‌جه‌یئک.
[21] قالئب گلنه بونو عطا اِده‌جه‌یم کی، منئمله تختئمئن اوستونده اوتورسون، نجه کی، من ده قالئب گلئب آتامین تختئنده اونونلا اوتوردوم.
[22] قولاغی اولان، قوی اشئتسئن کی، موقدّس روح کئلئسالارا نه دیئر.“»