[1] سونرا یدّی پئیالا‌سی اولان او یدّی ملکلردن بئری گلدی و منئمله دانیشیب ددی: «بورایا گل، چوخ سولارین اوستونده اوتوران او بؤیوک فاحئشه‌نئن موحاکئمه‌سئنی سنه گؤرسده‌جه‌یم؛
[2] او کی، یر اوزونون پادشاهلاری اونونلا زئنا اتدئلر و اونون عئفّتسئزلئیئنئن شرابیندان یر اوزونده ساکئن اولانلار کفلندئلر.»
[3] او، منی موقدّس روحدا بئر چؤله آپاردی؛ اورادا من یدّی باشلی، اون بوینوزلو، و کوفر آدی ائله دولو قیرمیزی بئر جاناوارین اوستونده، اوتورموش بئر آرواد گؤردوم.
[4] آرواد ارغوان و قیرمیزی پالتارا گیئنمئش، قیزیل، قئیمتلی داش و مئرواری ائله بزنمئش ائدی. اونون الئنده قیزیل بئر پئیالا وار ائدی کی، ائیرنج شیلر و اؤز عئفّتسئزلئیئنئن چئرکابی ائله دولو ائدی.
[5] اونون آلینیندا بئر آد، بئر سئرّ یازیلمیشدی: «بؤیوک بابئل، یر اوزونون فاحئشه‌لرئنئن و ائیرنجلئکلرئنئن آناسی.»
[6] گؤردوم کی، آرواد موقدّسلرئن قانیندان و عئسانین شاهئدلرئنئن قانیندان کفلئدئر. اونو گؤرنده، حیرتدن مات قالدیم.
[7] و ملک منه ددی: «نه اوچون حیرت ادئرسن؟ من سنه او آروادین و مئندئیی او یدّی باشلی و اون بوینوزلو جاناوارین سئرّئنی دئیه‌جه‌یم.
[8] گؤردویون جاناوار وار ائدی، و ائندی یوخدور، عنقرئب دئبسئز قویودان چیخاجاق و هلاکته گده‌جک. یر اوزونده ساکئن اولان او آداملار کی، دونیانین بئناسیندان بری آدلاری حیات کئتابیندا یازیلماییب، جاناواری گؤرنده حیرت اده‌جکلر، چونکی او وار ائدی و یوخدور و گله‌جک.
[9] بورادا حئکمتلی آغیل لازیمدیر. یدّی باش، آروادین اوتوردوغو یدّی داغدیر،
[10] و اونلار یدّی پادشاهدیر؛ بشی ییخیلمیش، بئری وار، او بئرئسی ده حله گلمه‌یئب. گلدئکده گرک آز بئر مودّت قالسین.
[11] او وار اولموش لاکئن ائندی اولمایان جاناوار، اؤزو ده، سکّئزئنجی پادشاهدیر. یدّئلردن بئری‌دئر و هلاکته گدئر.
[12] گؤردویون او اون بوینوز، اون پادشاهدیر کی، حله پادشاهلیقلاری یوخدور، لاکئن بئر ساعاتلیق پادشاهلار آدیندا جاناوارلا برابر ائقتئدار آلیرلار.
[13] بونلارین تک بئر نئیّتی وار و اؤز قودرت و ائقتئدارلارینی جاناوارا ورئرلر.
[14] اونلار قوزونون ضئدّئنه موحارئبه باشلایاجاقلار و قوزو اونلارا قالئب گله‌جک. چونکی او ربلرئن ربّی و پادشاهلارین پادشاهی‌دیر و اونونلا اولانلار دعوت اولونموش، سچئلمئش و وفالی‌دیرلار.»
[15] و منه ددی: «آروادین اوتوردوغو او گؤردویون سولار خالقلار، جاماعاتلار، مئلّتلر و دئللردئرلر.
[16] آمّا گؤردویون او اون بوینوز و جاناوار، فاحئشه‌دن نئفرت ادئب اونو پرئشان و لوت قویاجاقلار، اَتئنی ده ییئب، اونو اودلا یاندیراجاقلار.
[17] چونکی تاری اونلارین اوره‌یئنه بونو سالیب کی، تارینین کلامی یرئنه یتئشنه‌جک، همن فئکئرده اولاراق و پادشاهلیقلارینی جاناوارا وره‌رک، تارینین مقصدئنی یرئنه یتئرسئنلر.
[18] گؤردویون او آرواد، او بؤیوک شهردئر کی، یر اوزونون پادشاهلاری اوستونه سلطنت ادئر.»