[1] سونرا منه ال آغاجینا بنزه‌ین بئر آرشین ورئلدی و بئری منه ددی: «دور، تارینین معبدئنی، قوربانگاهی و اونون ائچئنده پرستئش ادنلری اؤلچ.
[2] لاکئن معبدئن اشئیئنده اولان صحنی بوراخ و اونو اؤلچمه، چونکی او، آیری مئلّتلره ورئلئب و اونلار موقدّس شهری قیرخ ائکی آی پایمال اده‌جکلر.
[3] و من ائکی شاهئدئمه ائقتئدار وره‌جه‌یم، اونلار دا چولا بورونموش مئن ائکی یوز آلتمیش گون نبئلئک اده‌جکلر.»
[4] بونلار یر اوزونون ربّی حوضوروندا دوران او ائکی زیتون آغاجی و او ائکی چیراقداندیرلار.
[5] و اگر کئمسه اونلارا زئیان یتئرمک ائسته‌سه، اونلارین آغزیندان اود چیخیب، دوشمنلرئنی اودار. بله‌جه اگر کئمسه اونلارا زئیان یتئرمک ائسته‌سه، بو جور اؤلمه‌لی‌دئر.
[6] بونلارین قودرتی وار کی، گؤیو باغلاسینلار، اِله کی، اونلارین نبئلئک ادن گونلرئنده یاغیش یاغماسین. اونلارین سولار اوستونه قودرتی وار کی، اونلاری قانا دؤندورسونلر و نه قدر ده کی، ائسته‌یئرلر، یری هر بلا ائله وورسونلار.
[7] اونلار، شهادتلرئنی باشا چاتدیراندان سونرا، دئبسئز قویودان چیخان جاناوار اونلارلا موحارئبه باشلایاجاق و قالئب گلئب، اونلاری اؤلدوره‌جک.
[8] اونلارین جسدلری، مجازی دئلده سودوم و مئصئر چاغیریلان او بؤیوک شهرئن خئیابانلاریندا سرئله‌جک کی، اورادا اونلارین ربّی ده چارمیخا چکئلدی.
[9] خالقلاردان، قبئله‌لردن، دئللردن و مئلّتلردن اولان آداملار اوچ گون یاریم اونلارین اؤلو بدنلرئنه باخاجاقلار و ائجازه ورمه‌یه‌جکلر کی، اؤلو بدنلری قبئره قویولسون.
[10] یر اوزونده ساکئن اولانلار، اونلارین بو حالینا سوئنئب شادلیق اده‌جکلر و بئر‌بئرلرئنه هدئیّه‌لر گؤندَ‌ره‌جکلر، چونکی بو ائکی پیغمبر یر اوزونده ساکئن اولانلارا عذاب چکدئردئلر.
[11] لاکئن اوچ گون یاریمدان سونرا، تاریدان گلن حیات نفسی اونلارین ائچئنه گئرئب، آیاقلاری اوستونده دوردولار و اونلاری گؤرنلری بؤیوک بئر دهشت بورودو.
[12] و گؤیدن اوجا بئر سس اشئتدئلر کی، اونلارا دیئردی: «بورایا چیخین!» او واخت اونلار، گؤیه، بولودلار ائچئنه قالخدیلار و دوشمنلری اونلاری گؤردولر.
[13] او ساعات بؤیوک بئر زلزله باش وردی و شهرئن اوندا بئری ییخیلدی؛ او زلزله‌ده یدّی مئن نفر اؤلدولر، قالانلاری دا دهشته دوشوب، گؤیون تاریسینا عئزّت وردئلر.
[14] ائکئنجی وای کچدی. باخ، اوچونجو وای تزلئکله گلئر.
[15] او زامان یدّئنجی ملک چالدی و گؤیده اوجا سسلر اشئدئلدی کی، دیئردئلر: «دونیانین پادشاهلیغی، ربّئمئزئن و اونون مسئحئنئن اولوب، و او، ابددن ابده‌جک سلطنت اده‌جک.»
[16] تارینین حوضوروندا تختلرئنده اوتوران ائیئرمی دؤرد آغساقّال، اوزلری اوستونده یره دوشدولر و تارییا پرستئش ادئب،
[17] دیئردئلر: «ای ربّئمئز تاری، هر شیه قادئر اولان، وار اولان و وار اولموش، سنه شوکورلر ادئرئک. چونکی بؤیوک قودرتئنی آلیب، سلطنت اتمه‌یه باشلاییبسان.
[18] مئلّتلر قضبلنمئشدئلر، و سنئن قضبئن گلدی. او زامان یتئشدی کی، اؤلولر موحاکئمه اولسونلار، اؤزلرئنی سنه قول اتمئش پیغمبرلره، موقدّسلره، سنئن آدیندان قورخانلارا، کئچئکلره و بؤیوکلره پاداش ورئلسئن و یر محو اولونسون.»
[19] تارینین گؤیده اولان معبدی آچیلدی و عهدئنئن ساندیغی اونون معبدئنده ظاهئر اولدو؛ شئمشکلر، گورولتولر سسی، بئر زلزله، و بؤیوک بئر دولو طوفانی باش وردی.