[1] Паулдан, Силастан ћәм Тимутедән Тессалуникәдәге иман итүчеләр бердәмлегенә, Ата Аллаћы ћәм Раббы Гайсә Мәсих ѳммәтенә мәрхәмәт ћәм иминлек булсын.
[2] Без ћәрвакыт, догаларыбызда сезне искә алып, барыгыз ѳчен дә Аллаћыга рәхмәтләр укыйбыз.
[3] Сез иман аркылы башкарган эшләрне, мәхәббәт белән илћамландырылган авыр хезмәтегезне ћәм Раббыбыз Гайсә Мәсихкә ѳмет баглап нык торуыгызны Аллаћыбыз ћәм Атабыз алдында без ћәрвакыт исебездә тотабыз.
[4] Имандаш туганнар, без беләбез: Аллаћы сезне ярата, Ул сезне сайлап алды.
[5] Чѳнки без сѳйләгән Яхшы хәбәр сүзләрдә генә түгел, ә кодрәт, Изге Рух ћәм тирән ышану белән сезгә барып иреште. Сезнењ белән бергә вакытта сезнењ ѳчен ничек яшәгәнебезне беләсез.
[6] Сез, ул хәбәрне күп газаплар эчендә Изге Рухтан килгән шатлык белән кабул итеп, безне ћәм шулай ук Раббыны кабатлаучылар булдыгыз.
[7] Шулай итеп, сез Македуния ћәм Ахая ѳлкәләрендә яшәүче барлык иман итүчеләргә үрнәк булдыгыз.
[8] Раббыныњ сүзе сезнењ аркылы Македуния ћәм Ахая ѳлкәләрендә генә ишетелеп калмаган, сезнењ Аллаћыга иман итүегезне ћәркайда беләләр. Шуња күрә безгә тагын нәрсәдер сѳйләргә кирәк тә түгел.
[9] Безне ничек кабул итүегез турында кешеләр безгә үзләре сѳйлиләр. Шулай ук, хак ћәм тере Аллаћыга хезмәт итү ѳчен, Аллаћы Углыныњ – Гайсәнењ – күкләрдән килүен кѳтү ѳчен потларны калдырып Аллаћыга таба борылуыгыз хакында әйтәләр. Аллаћы Аны үледән терелтте, Ул безне Аллаћыныњ якынлашып килүче ачуыннан коткарачак.